Vishwak Sen : రెండు సినిమాలు... కార్నర్ సీట్... OYOలో ఎండింగ్ - ప్రజెంట్ లవ్ ట్రెండ్‌పై అల్లు అరవింద్

Allu Aravind Reaction : ప్రజెంట్ లవ్ ట్రెండ్‌పై ప్రముఖ నిర్మాత అల్లు అరవింద్ షాకింగ్ కామెంట్స్ చేశారు. రెండు సినిమాలు, షాపింగ్స్, OYOలో ఎండింగ్ అని అన్నారు.

అల్లు అరవింద్, విశ్వక్ ఫన్

Source : https://www.youtube.com/watch?v=UvFeKbe_r1s

Allu Aravind Reaction On Present Youth Love : ఈ రోజుల్లో లవ్ అనేది రెండు సినిమాలు... కార్నర్ సీట్... రెండు షాపింగ్స్ తర్వాత OYOలో ఎండ్ అవుతుందని అన్నారు ప్రముఖ నిర్మాత అల్లు అరవింద్. లేటెస్ట్ రొమాంటిక్ లవ్ ఎంటర్టైనర్ 'దీవాన' ట్రైలర్ లాంచ్ ఈవెంట్‌లో ఆయన మాట్లాడారు. ఈ వేడుకకు యంగ్ హీరో విశ్వక్ సేన్ కూడా హాజరు కాగా ఇద్దరి మధ్య సరదా కామెంట్స్‌తో నవ్వులు పూశాయి. 

'మీరు ఎవరితో ప్యూర్ రొమాంటిక్ లవ్ స్టోరీ చూశారు?' అని యాంకర్ ప్రశ్నించగా... 'ఇప్పుడు ఆ పేరు చెబితే బాగోదు. వాళ్లకు మనవలు, మనవరాలు కూడా ఉన్నారు.' అంటూ ఫన్ చేశారు అల్లు అరవింద్.

'నేనంటే పగనా సార్?'

అల్లు అరవింద్ సార్ ప్రొడ్యూసర్ గ్యాంగ్ ఒకటే హ్యాండ్సమ్ గ్యాంగ్ అని అన్నారు హీరో విశ్వక్ సేన్. 'SKN, బన్నీ వాస్, ధీరజ్ గారు, ఇప్పుడు వాసు ప్రొడ్యూస్ చేసే కొద్దీ ఊడిపోవాలి కానీ పెరుగుతుంది.' అంటూ సరదాగా కామెంట్ చేశారు. అలాగే, 'నేనంటే ఏమన్నా పగనా సార్? డబ్బులు ఎక్కువ అడుగుతున్నావ్ అంటున్నారు. మీకేం తక్కువ ఉన్నాయ్ సార్. థియేటర్ మీదే, కూర్చున్న సీటు కూడా మీదే. పంచాలి సార్. నాలాంటి వాళ్లకు పంచితే ఇండస్ట్రీ మంచిగా ఉంటుంది సార్.' అంటూ కామెడీ చేశారు. దీనికి అల్లు అరవింద్ నవ్వుతూ రియాక్ట్ అయ్యారు. 

'శుభం' సినిమాతో సూపర్ ఫేం సంపాదించుకున్న యంగ్ హీరో హర్షిత్ రెడ్డి హీరోగా నటించిన లేటెస్ట్ లవ్ రొమాంటిక్ ఎంటర్టైనర్ 'దీవాన'. శ్రీకాంత్ సంగిశెట్టి దర్శకత్వం వహించగా... స్నేహ మణిమేగలై హీరోయిన్‌గా ఎంట్రీ ఇస్తున్నారు. అర్హ మీడియా, వీ స్టూడియోస్ బ్యానర్లపై వాసుదేవ్ కొప్పినేని, శ్రీదేవి నిర్మిస్తున్నారు. గీతా ఫిల్మ్ డిస్ట్రిబ్యూషన్ ద్వారా ఈ నెల 19న వరల్డ్ వైడ్‌గా రిలీజ్ చేస్తున్నారు. తాజాగా రిలీజ్ చేసిన ట్రైలర్ ఆకట్టుకుంటోంది.

'లవ్‌తో ఉన్న ప్రాబ్లం ఏంటో తెలుసా? అందులో చచ్చేంత ప్రేమ లేకపోతే అది లవ్వే కాదురా బయ్.' అనే డైలాగ్‌తో ప్రారంభమైన ట్రైలర్... లవ్, ఎమోషనల్ సీన్స్‌తో ఆకట్టుకుంటోంది. ప్రాణానికి ప్రాణంగా ప్రేమించిన అమ్మాయి తనను కాదందని ఓ యువకుడు ఏం చేశాడు? ఆ అమ్మాయి ప్రేమను ఎలా సొంతం చేసుకున్నాడు? అనేదే ప్రధానాంశంగా మూవీ తెరకెక్కించినట్లు తెలుస్తోంది. 'ఎంత గొప్ప లవ్ స్టోరీ అయినా... వన్ సైడ్‌తోనే స్టార్ట్ అవుతుంది.' అనే డైలాగ్ ఆకట్టుకుంటోంది. హర్షిత్ రెడ్డి, స్నేహలతో పాటు నరేష్, ఝాన్సీ, బలగం వేణు తదితరులు కీలకపాత్రలు పోషించారు.

మరిన్ని చదవండి

పెద్ది ఓటీటీ సర్ప్రైజ్ - థియేట్రికల్ వెర్షన్ కాదు...