Bigg Boss 5 Telugu Promo : 'నీకు సిగ్గు లేదా..? చిల్లర్ దానా' ఉమాదేవిపై యానీ మాస్టర్ ఫైర్.. 

బిగ్ బాస్ షోలో నిన్నటినుంచి కెప్టెన్సీ టాస్క్ జరుగుతోంది. ఇది ఫిజికల్ టాస్క్ కావడంతో హౌస్ మేట్స్ అంతా రెచ్చిపోయి ఆడేస్తున్నారు.

(Image credit : hot star/starmaa)యానీ మాస్టర్

బిగ్ బాస్(Bigg Boss) షోలో నిన్నటినుంచి కెప్టెన్సీ టాస్క్ జరుగుతోంది. ఇది ఫిజికల్ టాస్క్ కావడంతో హౌస్ మేట్స్ అంతా రెచ్చిపోయి ఆడేస్తున్నారు. ఒకరిమీద ఒకరు పడిపోతూ.. కొట్టుకుంటూ చాలా దారుణంగా గేమ్ ఆడుతున్నారు. తాజాగా ఈరోజు ఎపిసోడ్ కి సంబంధించిన ప్రోమో విడుదలైంది. ఇందులో ఉమాదేవి, యానీ మాస్టర్ ల మధ్య పెద్ద గొడవ జరిగినట్లు ఉంది. సడెన్ గా గేమ్ మొదలవ్వడంతో అందరూ ఒకరిపై ఒకరు పడిపోతూ కనిపించారు. 

'ఉమా కొట్టింది' అంటూ సిరి(Siri) గట్టిగా అరిచింది. 'ఎందుకు కొట్టారు' అంటూ ఉమాదేవి(UmaDevi) మండిపడింది. ఇంతలో యానీ మాస్టర్(Yani Master).. 'ఒసేయ్ ఉమా.. చింపుతావా.. సిగ్గులేదా నీకు.. తూ అంటూ' డైలాగ్ వేసింది. దానికి ఉమా.. 'మీరు కొడితే నేను చింపుతా' అంటూ అరుస్తూ చెప్పింది. దానికి యానీ.. 'చిల్లర్' అంటూ ఉమాను ఉద్దేశిస్తూ అంది. 'అవును నేను చిల్లరే.. నువ్ పెద్ద క్లాస్ నుంచి వచ్చావ్ మరి' అంటూ ఓ రేంజ్ లో ఆడేసుకుంది ఉమాదేవి. 

మరోపక్క 'నా మీదకు వస్తే గనుక కాళ్లతో తంతాను' అంటూ ప్రియా చెప్పగా.. 'కాళ్లతో కొట్టించుకోవడానికి బిగ్ బాస్ షోకి రాలేదు.. ఐయామ్ నాట్ ప్లేయింగ్ దిస్ గేమ్' అంటూ కెమెరా ముందు చెప్పింది శ్వేతావర్మ. ఈ రచ్చ చూస్తుంటే ఈరోజు ఎపిసోడ్ మొత్తం గొడవలతో నిండిపోయినట్లు అనిపిస్తుంది. మరి కెప్టెన్సీ టాస్క్ లో ఎవరు గెలుస్తారో చూడాలి!

#AneeMaster Vs #Uma 🔥 👊 ... How will this end?#BiggBossTelugu5 today at 10 PM on #StarMaa #FiveMuchFun pic.twitter.com/cx4BIyA6CW

— starmaa (@StarMaa) September 15, 2021