Bigg Boss 6 Telugu Episode 17: అడవిలో ఆట గేమ్‌లో నచ్చినట్టు ఆడిన గీతూ, బిగ్‌బాస్ రూల్స్ కూడా బేఖాతర్, చిరాకు పడ్డ ఇంటి సభ్యులు

Bigg Boss 6 Telugu: బిగ్‌బాస్ ఆటను గీతూ చుట్టే ఆడిస్తున్నట్టు కనిపిస్తున్నాడు.

(Image credit: Star maa)

Bigg Boss 6 Telugu: నామినేషన్లు పూర్తయ్యాక తరువాత ఏం జరిగిందో ఎపిసోడ్లో కాసేపు చూపించారు. నేహా తనను రేవంత్ ‘పునుగులు, నూడుల్స్’ అని పిలుస్తున్నాడని, అది తనకు నచ్చడం లేదంటూ చెప్పుకొచ్చింది. ఇక ఆది రెడ్డి - గీతూ కూర్చుని ఇనయాను తిట్టుకుంటూ కనిపించారు. గీతూ ‘తిక్క దెయ్యం’ అంటూ ఇనయాను తిడితే, ఆదిరెడ్డి  ‘ఆమే వేస్ట్, వరస్ట్’ అంటూ తిట్టుకొచ్చాడు. కెమెరా కోసమే అలా మాట్లాడుతుంది అని చెప్పుకొచ్చారు. ఇక రేవంత్ అందరూ తనను టార్గెట్ చేశారంటూ కన్నీళ్లు పెట్టుకున్నాడు. శ్రీసత్య మాట్లాడుతూ తాను మనీ,ఫేమ్ కోసమే వచ్చానని, వాళ్లు కోరుకునే కంటెంట్ తన నుంచి రాదని అంది. అర్జున్ - శ్రీ సత్య మధ్య లవ్ ట్రాక్ గురించి ఆమె ఇలా మాట్లాడింది. 

ఏం తిప్పావ్ బిగ్‌బాస్ ఆట 
ఈ వారం కెప్టెన్సీ కంటెండర్ టాస్క్‌ను ఇచ్చారు బిగ్‌బాస్. అడవిలో ఆట గేమ్ లో ఆదిరెడ్డి, చంటి, ఆదిత్య, రోహిత్, రాజ్, ఫైమా, శ్రీసత్య పోలీసులుగా, రేవంత్, నేహ, కీర్తి, శ్రీహాన్, సూర్య, అర్జున్, వాసంతి, ఆరోహి దొంగలుగా ఆడతారు. ఇక గీతూకి మాత్రం చాలా స్పెషల్ పాత్ర ఇచ్చారు బిగ్ బాస్. ఆమె ‘అత్యాశ గల వ్యాపారస్తురాలు’ అని చెప్పారు బిగ్ బాస్. ఆమె దొంగలు తెచ్చిన బొమ్మలు కొనుక్కోవాలని చెప్పారు, అలాగే ఆమె కోసం తినేందుకు ప్రత్యేక ఆహారాన్ని కూడా తెచ్చిచ్చారు. గీతూ ఇదంతా చూసి ‘బొమ్మలు కొనక్కుండానే కొన్నానని ఆడతా, ఏం తిప్పావ్ బిగ్‌బాస్ ఆట నా వైపు’ అంది. 

ఇక ఆట మొదలయ్యాక దొంగలు అడవిలో వస్తువుల్ని దొంగిలించి దాచడానికి ప్రయత్నిస్తుంటే, పోలీసులు అడ్డుకున్నారు. ఇది కాస్త ఫిజికల్ గా మారింది. నేహాను కాళ్లు పట్టుకుని ఆదిత్య ఆపడానికి ప్రయత్నించడంతో ఆమె కింద పడింది. ఇక వాసంతి తాను ఇన్ఫార్మర్ గా ఉంటానని పోలీసు అయిన ఫైమాతో డీల్ కుదుర్చుకుంది. దొంగలు వస్తువులు ఎక్కడో దాచారో నేను చెబుతానని, నేను దొంగతనం చేసేటప్పుడు మీరు పట్టుకోవడానికి ప్రయత్నించడకూడదని చెప్పింది. దానికి ఫైమా ఓకే చెప్పింది. 

గీతూ ఆట స్పెషల్...
బిగ్‌బాస్ రూల్స్‌కి బదులు గీతూ తన రూల్స్ కొత్తగా పెట్టుకుని ఆడడం మొదలుపెట్టింది. దీనిపై చాలా చిరాకు పడ్డారు ఇంటి సభ్యులు. ఇక శ్రీ సత్య ‘ఇలా ఆడితేనే చప్పట్లు కొడతారు’ అంటూ నాగార్జునకేనా చురకలేసింది. తాను బొమ్మలు కొనకుండానే బొమ్మలు దొంగిలించడం మొదలుపెట్టింది.

‘వాడు’పై గొడవ
శ్రీహాన్‌ను ఉద్దేశించి ఇనయా ‘వాడు’ అనే పదం సంభోధించింది. దీంతో పెద్ద గొడవ జరిగింది. శ్రీహాన్, రేవంత్ కలిసి ఆమెతో గొడవకు దిగారు. రేవంత్ అయితే ‘లాగి కొడతా’ అని ఇనయాను అన్నాడు. దానికి ఇనయా ‘నన్ను కొడతానని ఎలా అంటావ్’ అంటూ చాలా సేపు లాగింది గొడవని. నేహా కూడా మాట్లాడడం నేర్చుకో అంటూ అరిచింది.