SUV Cars Sales: గ్రామాల్లో పెరుగుతున్న ఎస్‌యూవీల అమ్మకాలు - ఈ కారుకే ఓటేస్తున్న ప్రజలు!

SUV Cars Sales Report April: భారతదేశ గ్రామాల్లో ప్రజల కొనుగోలు శక్తి పెరుగుతుందని తెలుస్తోంది. ఎస్‌యూవీ కార్ల అమ్మకాలు టైర్-3 సిటీల్లో గణనీయంగా పెరిగినట్లు సమాచారం.

ఎస్‌యూవీ కార్ల సేల్స్

Source : Somnath Chatterjee

SUV Cars Sales Report April 2024: ఖరీదైన ఎస్‌యూవీ కార్లను పెద్ద నగరాల్లోనే కాకుండా గ్రామీణ ప్రాంతాల్లో కూడా ఇష్టపడుతున్నారు. భారతదేశంలోని గ్రామీణ ప్రాంతాల్లో నివసించే ప్రజలు కూడా ఇప్పుడు ఖరీదైన వాహనాలను విపరీతంగా కొనుగోలు చేస్తున్నారు. ఎకనామిక్ టైమ్స్ నివేదిక ప్రకారం ఇటీవల ప్యాసింజర్ వాహనాల విక్రయాల గణాంకాలు బయటకు వచ్చాయి. ఇందులో గ్రామీణ ప్రాంతాల్లోని ప్రజల కొనుగోలు శక్తి పెరిగిందని పేర్కొన్నారు. దీని కారణంగా మారుతీ సుజుకి, హ్యుందాయ్, టాటా మోటార్స్, హోండా ఎస్‌యూవీల అమ్మకాలు పెరిగాయి. 

ఈ నాలుగు బ్రాండ్లకు అత్యధిక డిమాండ్
గ్రామీణ ప్రాంతాల్లో అనేక కంపెనీల ఎస్‌యూవీ విక్రయాలు పెరిగాయి. ఈ సంవత్సరం మొదటి నాలుగు నెలల్లో సైలో, వెన్యూ, క్రెటా వంటి ఎస్‌యూవీలు మొత్తం విక్రయాలలో 67 శాతం మార్కెట్ వాటాను కలిగి ఉన్నాయి. గత ఏడాది కాలంలో గ్రామీణ ప్రాంతాల్లో తొలిసారిగా కార్లు కొనుగోలు చేసే వారి సంఖ్య 44 శాతం పెరిగింది. 

మారుతి బ్రెజ్జా మోస్ట్ పాపులర్
గత ఆర్థిక సంవత్సరం 2023-24లో టాటా మోటార్స్ ఎస్‌యూవీలు గ్రామీణ ప్రాంతాల్లో కార్ల విక్రయాలలో 70 శాతం వాటాను కలిగి ఉన్నాయి. అదే సమయంలో గ్రామీణ ప్రాంతాల్లో మారుతీ సుజుకి బ్రెజ్జా విక్రయాల వాటా 43 శాతంగా ఉంది. ఇది కాకుండా హోండా కార్స్ ఇండియా తన కొత్త ఎస్‌యూవీల్లో ఎలివేట్ అమ్మకాలలో నాలుగింట ఒక వంతు టైర్-3, చుట్టుపక్కల మార్కెట్లలో జరిగినట్లు సమాచారం.

అమ్మకాలు ఎందుకు పెరిగాయి?
గ్రామీణ ప్రాంతాల్లో ఖరీదైన ఎస్‌యూవీల డిమాండ్ పెరగడానికి కారణం అక్కడి ప్రజల ఆదాయం పెరగడం, రోడ్ల పరిస్థితి మెరుగవడం అని తెలుస్తోంది. గ్రామీణ సేవా ప్రాంతాలలో ఉపాధి పెరుగుదల, మెరుగైన రహదారి కనెక్టివిటీ, అధిక ఆదాయం కార్ల విక్రయాలను పెంచుతున్నాయి. ఇది గ్రామీణ ప్రాంతాల్లో ఎస్‌యూవీలకు డిమాండ్‌ను పెంచింది.

ఆదాయం పెరగడమే కారణం
రిజర్వ్ బ్యాంక్ ఆఫ్ ఇండియా నిర్వచనం ప్రకారం 49,000 కంటే తక్కువ జనాభా ఉన్న ప్రాంతాలను (టైర్ 3-6) గ్రామీణ ప్రాంతాలుగా పరిగణిస్తారు. స్టేట్ బ్యాంక్ ఆఫ్ ఇండియా అధ్యయనం ప్రకారం 2019 నుంచి 2023 ఆర్థిక సంవత్సరాల మధ్య గ్రామీణ పేదరికం 440 బేసిస్ పాయింట్లు తగ్గింది. అయితే పట్టణ పేదరికం 170 బేసిస్ పాయింట్లు తగ్గింది. గ్రామాలు, నగరాల మధ్య ఆదాయ వ్యత్యాసాన్ని తగ్గించింది. 

Reaching closer to customers to offer a delightful car ownership experience, #MarutiSuzuki inaugurated its 5,000th Service touchpoint at Gurugram. Our network serves customers across 2,500+ cities. Notably, we added 400 Service touchpoints in the last financial year. pic.twitter.com/eViq2rXaLe

— Maruti Suzuki (@Maruti_Corp) May 28, 2024

#MarutiSuzuki rolls out Ertiga at the new assembly line at Manesar plant. The new line brings additional capability of 100,000 units per annum and increases total capability at Manesar to 900,000 units per annum. pic.twitter.com/avK8mIoQLy

— Maruti Suzuki (@Maruti_Corp) April 9, 2024