మార్చిలో కార్ల మేళా: రెనాల్ట్ డస్టర్ రీఎంట్రీ, స్కోడా కుషాక్ ఫేస్లిఫ్ట్ అప్డేట్ - మార్చిలో వస్తున్న మీకు నచ్చే కార్లు
2026 మార్చిలో రెనాల్ట్ డస్టర్, స్కోడా కుషాక్ ఫేస్లిఫ్ట్, మెర్సిడెస్ V క్లాస్, ఆడి SQ8, టయోటా అర్బన్ క్రూజర్ ఎలక్ట్రిక్ మోడల్ ఇబెల్లా రిలీజ్ కానున్నాయి.
Upcoming Cars March 2026: ఫిబ్రవరి నెలలో కార్ల మార్కెట్లో మంచి సందడి నెలకొంది. ఇప్పుడు మార్చి నెలలో కూడా అదే జోరు కొనసాగబోతోంది. ఈ నెలలో, కొత్త ఎలక్ట్రిక్ కార్ 'ఇబెల్లా'తో పాటు లగ్జరీ MPV నుంచి మిడ్సైజ్ SUV వరకు మార్కెట్లోకి రావడానికి సిద్ధంగా ఉన్నాయి. తెలుగు రాష్ట్రాల్లో కొత్త కారు కొనాలనుకునే వారికి ఇది సరైన సమయం కాబోతోంది!.
మెర్సిడెస్ V క్లాస్ - లగ్జరీకి కొత్త అర్థం
మార్చి 2న, Mercedes V Class రీఎంట్రీ ఇవ్వబోతోంది. 2022లో కంపెనీ ఈ మోడల్ను నిలిపివేసింది. ఇప్పుడు ఫేస్లిఫ్ట్ రూపంలో మళ్లీ తీసుకొస్తోంది. 6, 7, 8 సీట్ల లేఅవుట్లలో అందుబాటులో ఉండే అవకాశముంది. రెండో, మూడో వరుసల్లో క్యాప్టెన్ సీట్లు ఉండే వెర్షన్ ప్రీమియం కస్టమర్లను ఆకట్టుకుంటుంది. హైదరాబాద్, విజయవాడ మార్కెట్లలో ఈ మోడల్ ఎక్స్-షోరూమ్ ధర రూ.90 లక్షల పైగా ఉండే అవకాశం ఉంది.
రెనాల్ట్ డస్టర్ - మళ్లీ దూసుకొస్తోంది
మార్చి 17న Renault Duster అధికారికంగా విడుదల కానుంది. ఇప్పటికే షోరూమ్లకు డిస్ప్లే మోడళ్లు చేరుతున్నాయి. ఏప్రిల్ నుంచి డెలివరీలు మొదలవుతాయి. ఈ కారులో రెండు టర్బో పెట్రోల్ ఇంజిన్ ఆప్షన్లు ఉంటాయి.
1.0 లీటర్ టర్బో పెట్రోల్ - 100hp శక్తిమంతమైన అవుట్పుట్
1.3 లీటర్ టర్బో పెట్రోల్ - 163hp పవర్
ఈ రెండింటికీ 6-స్పీడ్ మాన్యువల్ గేర్బాక్స్ ఇస్తారు. 1.3 లీటర్ వెర్షన్కు 6-స్పీడ్ DCT కూడా అందిస్తారు.
హైబ్రిడ్ వెర్షన్ను దీపావళి సమయానికి తీసుకురావడానికి కంపెనీ ప్లాన్ చేస్తోంది. ఇది 1.8 లీటర్ ఇంజిన్తో 160hp కంబైన్డ్ పవర్ ఇస్తుంది. మన తెలుగు రాష్ట్రాల్లో ఎక్స్-షోరూమ్ ధర సుమారు రూ. 11 లక్షల నుంచి ప్రారంభం అయ్యే అవకాశం ఉంది, ఇది క్లాస్గా కనిపించే పవర్ఫుల్ మిడిల్-క్లాస్ కారు.
ఆడి SQ8 - పవర్ఫుల్ SUV
మార్చి 17నే Audi SQ8 కూడా మార్కెట్లోకి వస్తోంది. ఇందులో 4.0 లీటర్ ట్విన్ టర్బో V8 ఇంజిన్ ఉంటుంది. ఇది 507hp పవర్, 770Nm టార్క్ ఇస్తుంది. 0-100 కిమీ వేగాన్ని కేవలం 4.1 సెకన్లలో అందుకుంటుంది. 8-స్పీడ్ ఆటోమేటిక్ గేర్బాక్స్తో నాలుగు వీళ్లకు పవర్ పంపుతుంది. హైదరాబాద్ మార్కెట్లో ఎక్స్-షోరూమ్ ధర రూ. 1.4 కోట్లు దాటే అవకాశముంది.
స్కోడా కుషాక్ ఫేస్లిఫ్ట్ - మరింత స్టైలిష్
Skoda Kushaq Facelift లాంచ్ తేదీని ఇంకా ప్రకటించలేదు. అయితే మార్చిలోనే విడుదల చేసే అవకాశం ఉంది. కొత్త డిజైన్లో షార్ప్ హెడ్ల్యాంప్స్, అగ్రెసివ్ ఫ్రంట్ లుక్ కనిపిస్తాయి. పానోరమిక్ సన్రూఫ్, రియర్ సీట్స్కు మసాజ్ ఫంక్షన్ వంటి ఫీచర్లు ఇస్తారు.
1.0 లీటర్ టర్బో పెట్రోల్ ఇంజిన్కు కొత్త 8-స్పీడ్ ఆటోమేటిక్ గేర్బాక్స్ జోడిస్తారు. 1.5 లీటర్ వెర్షన్కు 7-స్పీడ్ DCT కొనసాగుతుంది. ఆంధ్రప్రదేశ్ & తెలంగాణలో ఎక్స్-షోరూమ్ ధర రూ. 11.50 లక్షల నుంచి మొదలయ్యే అవకాశం ఉంది.
టయోటా అర్బన్ క్రూజర్ ఎలక్ట్రిక్ - ఇబెల్లా
టయోటా తన మొదటి మాస్ మార్కెట్ ఎలక్ట్రిక్ SUV ఇబెల్లా (Toyota Ebella) ధరను కూడా ఈ నెలలోనే ప్రకటించే అవకాశం ఉంది. 49kWh, 61kWh బ్యాటరీ ఆప్షన్లను ఈ కారుతో పాటు అందిస్తారు. పెద్ద బ్యాటరీతో 543 km రేంజ్ ఇస్తుందని కంపెనీ చెబుతోంది.
8 సంవత్సరాల బ్యాటరీ వారంటీ, 60 శాతం బైబ్యాక్ హామీ కూడా ఇస్తారు. తెలుగు నగరాల్లో ఎక్స్-షోరూమ్ ధర సుమారు రూ. 18 లక్షల నుంచి ఉండే అవకాశం ఉంది.
SUV కొనాలా? లగ్జరీ MPV కొనాలా? లేక ఎలక్ట్రిక్ వైపు అడుగు వేయాలా?. మీ బడ్జెట్, అవసరం చూసుకుని సరైన మోడల్ను ఎంపిక చేసుకోవడానికి మార్చి నెలే సరైన సమయం కావచ్చు.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
