Nissan new Juke EV and X Trail Hybrid SUV: అదిరిపోయే ఫీచర్స్‌తో వస్తున్న నిసాన్‌ ఈవీ జూక్‌, హైబ్రిడ్ ఎక్స్‌ట్రైల్!

Nissan new Juke EV and X Trail Hybrid SUV: నిసాన్ తన కొత్త  ఈవీ, ఎక్స్‌ట్రైల్‌ హైబ్రిడ్‌ ఎస్‌యూవీను ఆవిష్కరించింది. ఆశ్చర్యపరిచే రేంజ్‌, ఫీచర్లతో వస్తున్నాయీ కార్లు. 

అదిరిపోయే ఫీచర్స్‌తో వస్తున్న నిసాన్‌ ఈవీ జూక్‌, హైబ్రిడ్ ఎక్స్‌ట్రైల్!

Source : Social Media

Show Quick Read

Key points generated by AI, verified by newsroom

• నిసాన్ జూక్ ఈవీ, ఎక్స్‌ట్రైల్‌ హైబ్రిడ్‌ కొత్త ఎస్‌యూవీలను ఆవిష్కరించింది.
• జూక్ ఈవీ ఎలక్ట్రిక్, ఎక్స్‌ట్రైల్‌ హైబ్రిడ్‌ ఇంజన్‌తో వస్తుంది.
• జూక్ ఈవీకి 52 kWh, 75kWh బ్యాటరీ ఆప్షన్లు లభ్యం కావచ్చు.
• ఎక్స్‌ట్రైల్‌లో పెట్రోల్ ఇంజిన్ బ్యాటరీ ఛార్జింగ్‌కు మాత్రమే ఉపయోగపడుతుంది.

Nissan new Juke EV and X Trail Hybrid SUV: నిసాన్ తన గ్లోబల్‌ ఈవెంట్‌లో జూక్ ఈవీ, ఎక్స్‌ట్రైల్‌ హైబ్రిడ్‌ రెండు కొత్త ఎస్‌యూవీలను ఆవిష్కరించింది. ఈ రెండు కార్లు కంపెనీ సరికొత్త సాంకేతికత, డిజైన‌ను కలిగి ఉన్నాయి. కొత్త జూక్ మోడల్ పూర్తిగా ఎలక్ట్రిక్‌గా ఉండగా, ెక్స్‌ ట్రైల్‌లో మొదటిసారి హైబ్రిడ్‌ ఇంజన్‌ను అమర్చారు. జూక్ ఈవీ నిసాన్ మూడో ఎలక్ట్రిక్ కారు కానుంది. ఇది ఎలక్ట్రిక్ వాహనాలపై  కంపెనీ ప్రత్యేకంగా ఫోకస్ చేసినట్టు దీని బట్టి అర్థమవుతుంది. పెట్రోల్, ఎలక్ట్రిక్ వాహనాలు రెండింటి ప్రయోజనాలను కోరుకునే వారికి ఎక్స్‌ట్రైల్ ఒక మంచి ఆప్షన్. 

జూక్‌ ఈవీ డిజైన్‌  ఎలా ఉందంటే

కొత్త నిసాన్ జూక్ ఈవీ, ఎప్పటిలాగే, దాని విలక్షణమైన, స్టైలిష్‌ డిజైన్‌తో ప్రత్యేకంగా నిలుస్తుంది. కారు అంతటా ఉన్న షార్ప్ కట్స్ దీనికి ఆధునిక, స్పోర్టీ లుక్‌ను ఇస్తాయి. బోనెట్‌, రూఫ్‌, బ్యాక్‌ సైడ్ నలుపురంగులో ఉండటం వల్ల ఇది మరింత ఆకర్షణీయంగా ఉంటుంది. ఈ కారులో స్ప్లిట్‌ హెడ్‌లైట్ డిజైన్ ఉంది. ఇది ఈరోజుల్లో బాగా ప్రాచుర్యం పొందిన ఎంపిక. ఇందులో కొత్తా డిజైన్ చేసిన అల్లాయ్‌ వీల్స్ కూడా ఉన్నాయి. వెనుక డోర్‌ హ్యాండిల్స్‌ సి పిల్లర్‌లో అమర్చిన ఉండం వల్ల కారు మరింత స్పష్టంగా కనిపిస్తోంది. బాడీ చుట్టూ ఉన్న దృఢమై క్లాడింగ్, దీనికి శక్తిమంతమైన ఎస్‌యూవీ లాంటి రూపాన్ని ఇస్తుంది.

జూక్ ఈవీ బ్యాటరీ పనితీరు

కొత్త జూక్‌ ఈవీలో నిసాన్ లీఫ్‌లో ఉన్నటువంటి బ్యాటరీని అమర్చవచ్చని తెలుస్తోంది. ఇది 52 kWh, 75kWh అనే రెండు బ్యాటరీ ఆప్షన్లలో లభ్యం కావచ్చు. ఈ బ్యాటరీలు ముందు వైపు ఉండే ఎలక్ట్రిక్ మోటార్‌తో కలిసి పని చేస్తాయి. ఇది నగరాలు, హైవే రెండింటిలోనూ సున్నితమైన డ్రైవ్‌ను, మంచి పని తీరును అందిస్తుంది. కంపెనీ దీని పూర్తి రేంజ్‌, పవర్ అవుట్‌పుట్‌ను ఇంకా వెల్లడించనప్పటికీ, ఇది మంచి రేంజ్‌ను అందిస్తుందని భావిస్తున్నారు. 

ఎక్స్‌ట్రైల్‌ హైబ్రిడ్‌ డిజైన్‌, ఫీచర్లు

కొత్త నిసాన్ ఎక్స్‌ట్రైల్‌ జూక్‌ కంటే కొంచెం సింపుల్‌గా ఉంటుంది. ముందు భాగంలో హెడ్‌లైట్‌లను కలిగి ఉన్న ఒక పెద్ద బ్లాక్ సెక్షన్ ఉంది. ఇది  హెగ్జాగోనల్ డీఆర్‌ఎల్, గ్రిల్‌ను కూడా కలిగి ఉండి, దానికి స్ట్రాంగ్ లుక్‌ను ఇస్తుంది. పక్క నుంచి చూసినప్పుడు కారు నిటారుగా , పొడవుగా కనిపిస్తూ, ఎక్కువ స్థలం ఉన్న భావన కలుగుతుంది. వెనుక భాగంలో, పెద్ద ఎల్‌ఈడీ టెయిల్‌ ల్యాంప్‌లు, స్ట్రాంగ్ బంపర్‌  మరింత హుందాతనాన్ని తీసుకొస్తాయి. ఇది నిసాన్ ఇ-పవర్‌ హైబ్రిడ్‌ సిస్టమ్‌ను కలిగి ఉంది. దీనిలో ఎలక్ట్రిక్‌ మోటార్లు చక్రాలకు శక్తిని అందిస్తాయి. అయితే పెట్రోల్ ఇంజిన్ కేవలం బ్యాటరీని ఛార్జ్ చేయడానికి మాత్రమే బాధ్యత వహిస్తుంది.                                     

 

మరిన్ని చదవండి

కారు బ్యాటరీ డెడ్ అయ్యే ముందు వచ్చే సంకేతాలు - నిర్లక్ష్యం చేస్తే నడిరోడ్డుపై ఇబ్బందే!

కారు కూలింగ్ కాయిల్స్‌ ఏం చేస్తే సేఫ్ ? లేకపోతే ఇంజిన్, కంప్రెసర్‌పై ఒత్తిడి తప్పదు