Car AC cooling coil: కారు కూలింగ్ కాయిల్స్ ఏం చేస్తే సేఫ్ ? లేకపోతే ఇంజిన్, కంప్రెసర్పై ఒత్తిడి తప్పదు
Car Care Tips | కారు AC లో కాయిల్ ఒక కీలకమైన భాగం. వాహనం లోపల ఉన్న వేడి గాలిని చల్లగా చేసి, తిరిగి క్యాబిన్లోకి పంపడం దీని పని. దుమ్ము పేరుకుపోతే కనుక ఇంజిన్, కంప్రెషర్పై ఒత్తిడి పెరుగుతుంది.
వేసవి కాలం రాగానే కార్ డ్రైవర్లకు ఏసీ అత్యంత ముఖ్యమైన అవసరంగా మారుతుంది. అయితే, చాలా సార్లు ఏసీలో వచ్చే చిన్న చిన్న సమస్యలను వాహనదారులు, డ్రైవర్లు నిర్లక్ష్యం చేస్తారు. ఇవే తరువాత రోజులల్లో పెద్ద ఇబ్బందులకు కారణమవుతాయి. ముఖ్యంగా కూలింగ్ తగ్గడం ప్రారంభమైనా లేదా కారు లోపల నుండి దుర్వాసన రావడం మొదలైతే ఏసీ సిస్టమ్ లోపల ఉండే కూలింగ్ కాయిల్ (Evaporator Coil) మురికిగా మారిందని మీరు అర్థం చేసుకోవాలి.
సమయానికి కూలింగ్ కాయిల్ కనుక శుభ్రం చేయకపోతే, దాని ప్రభావం నేరుగా ఇంజిన్, కంప్రెసర్ మీద పడుతుంది. అటువంటి పరిస్థితిలో కారు కూలింగ్ కాయిల్ను డస్ట్ నుండి ఎలా కాపాడుకోవాలో పూర్తి వివరాలు ఇక్కడ అందిస్తున్నాం. క్లీన్ చేయకపోతే కనుక ఇంజిన్, కంప్రెసర్ మీద లోడ్ పెరుగుతుంది.
కూలింగ్ కాయిల్ అంటే ఏమిటి?
కారు ఏసీ సిస్టమ్లో ఎవాపరేటర్ కాయిల్ అనేది ఒక ముఖ్యమైన భాగం. కారు లోపల ఉన్న వేడి గాలిని చల్లగా చేసి మళ్ళీ క్యాబిన్లోకి పంపేది ఇదే. నిరంతరం గాలితో రియాక్షన్ కలిగి ఉండటం వల్ల దీనిపై ధూళి, తేమ, బ్యాక్టీరియా, ఫంగస్ చేరుతూ ఉంటాయి. ఈ మురికి పెరిగినప్పుడు గాలి ప్రసరణ తగ్గిపోయి కూలింగ్ కాయిల్ మీద ప్రభావం పడుతుంది. ఆపై తేమ కారణంగా బ్యాక్టీరియా పెరిగి, కారు లోపల దుర్వాసన రావడం మొదలై మీరు అసౌకర్యంగా ఫీలవుతారు.
దానివల్ల వచ్చే ఇబ్బందులు ఏమిటి?
కూలింగ్ కాయిల్ను చాలా కాలం పాటు మీరు క్లీన్ చేయకపోతే అనేక సమస్యలు వస్తాయి. మొదటగా మీ కారు ఏసీ కూలింగ్ తగ్గిపోతుంది. కారు చల్లగా అవడానికి ఎక్కువ సమయం పడుతుంది. దీనితో పాటు ఏసీ ఆన్ చేయగానే బ్యాక్టీరియా, ఫంగస్ కారణంగా చాలా దుర్వాసన వస్తుంది. అంతేకాదు, ఏసీ సిస్టమ్ ఎక్కువ కష్టపడాల్సి రావడం వల్ల ఇంజిన్పై లోడ్ పెరిగి, దీనివల్ల ఇంధన వినియోగం కూడా పెరిగే అవకాశం ఉంది.
టాప్ హెడ్ లైన్స్
ట్రెండింగ్ వార్తలు
