అన్వేషించండి

Best Electric Cars under 10 Lakhs: పది లక్షల రూపాయల్లో లభించే ఎలక్ట్రిక్ కార్లు ఇవే! ఫీచర్లు గురించి తెలుసుకోండి!

Q: తక్కువ బడ్జెట్లో అందుబాటులో ఉన్న ఎలక్ట్రిక్ కార్లు ఏవి?

పది లక్షల బడ్జెట్లో టాటా పంచ్ ఈవీ, టాటా టియాగో ఈవీ, ఎంజీ కామెట్ అందుబాటులో ఉన్నాయి. ఇవి బడ్జెట్ ఫ్రెండ్లీ ఎలక్ట్రిక్ కార్లు.

Q: ఎంజీ కామెట్ ఏ ఫ్యామిలీలకు అనుకూలం?

ఎంజీ కామెట్ చిన్న ఫ్యామిలీల కోసం రూపొందించబడిన హ్యాచ్బ్యాక్ మోడల్. దీని బేసిక్ మోడల్ 7.50 లక్షల నుండి ప్రారంభమవుతుంది.

Q: లీప్మోటార్ T03 ఎప్పుడు విడుదల కానుంది?

లీప్మోటార్ T03 హ్యాచ్బ్యాక్ మోడల్ ను జులై లేదా వచ్చే ఏడాది మొదట్లో విడుదల చేసేందుకు ప్లాన్ చేస్తున్నారు. ఇది నగర ప్రయాణికుల కోసం ఉద్దేశించబడింది.

Best Electric Cars under 10 Lakhs: పెరిగిపోతున్న పెట్రోల్, డీజిల్ ధరలతో భయపడిపోతున్న మధ్యతరగతి ప్రజలు ఈవీల వైపు మొగ్గుచూపుతున్నారు. అలా వారి కోసం పది లక్షల్లోపు లభించే మోడల్స్ గురించి ఇక్కడ చూద్దాం.

By : Khagesh | Updated at : 07 Apr 2026 03:02 PM (IST)

affordable ev cars india prices features Tata Punch EV Tata Tiago EV MG Comet Leapmotor T03 Best Electric Cars under 10 Lakhs: పది లక్షల రూపాయల్లో లభించే ఎలక్ట్రిక్ కార్లు ఇవే! ఫీచర్లు గురించి తెలుసుకోండి!

పది లక్షల రూపాయల్లో లభించే ఎలక్ట్రిక్ కార్లు ఇవే! ఫీచర్లు గురించి తెలుసుకోండి!

Source : AI

Show Quick Read

Key points generated by AI, verified by newsroom

పశ్చిమాసియా ప్రభావంతో పెట్రోల్, డీజిల్ ధరలు పెరిగాయి.
బడ్జెట్-ఫ్రెండ్లీ ఎలక్ట్రిక్ కార్ల వైపు వినియోగదారులు మొగ్గు చూపుతున్నారు.
టాటా పంచ్ ఈవీ, టియాగో ఈవీ, ఎంజీ కామెట్ అందుబాటులో ఉన్నాయి.
లీప్‌మోటార్‌ T03, టియాగో ఈవీ ఫేస్‌లిఫ్ట్ త్వరలో రానున్నాయి.

Best Electric Cars under 10 Lakhs: పశ్చిమాసియా ప్రభావం పెట్రోల్, డీజీల్, సీఎన్జీపై పడుతోంది. అందుకే సేఫ్‌గా ఉండటానికి చాలా మంది ఎలక్ట్రిక్ వాహనాలు కొనుగోలు చేసేందుకు ఆసక్తి చూపుతున్నారు. అవి కూడా బడ్జెట్‌లో ఉండేలా ప్లాన్ చేసుకుంటున్నారు. అలాంటి వారి కోసమే టాటా, ఎంజీ, లీప్ మోటర్‌ అందుబాటు ధరల్లో కార్లు తీసుకొస్తున్నాయి. వాటి ధరలు ఎలా ఉంటాయి, ఫీచర్స్ ఏంటో ఇక్కడ వివరణాత్మకంగా తెలుసుకుందాం.

టాటా పంచ్‌ ఈవీ

పది లక్షల బడ్జెట్‌లో ఈవీ కారు కొనుగోలు చేద్దామని ఆలోచించే వారి ఉన్న మొదటి ఆప్షన్ టాటా పంచ్. ఈ మోడల్‌లో బేసిక్ వేరియంట్‌ 9.69 లక్షలకు లభిస్తుంది. ఇంకా ఇందులోనే ప్రీమియం వేరియంట్ కావాలంటే మాత్రం 12.59 లక్షలు పెట్టాల్సి ఉంటుంది. ఇది ఫైవ్ సీటర్‌ ఎస్‌యూవీ. ఒకసారి ఛార్జ్ చేస్తే 315 నుంచి 468 కిలోమీటర్ల రేంజ్ ఇస్తుందని కంపెనీ ప్రకటించుకుంది. ఇందులో దాదాపు ఆరు వేరియంట్లు ఉన్నాయి.

టాటా టియాగో ఈవీ

టాటా కంపెనీ నుంచి వచ్చిన మరో మోడల్‌ టాటా టియాగో మధ్య తరగతి ప్రజలకు అందుబాటులో ఉంటుంది. ఈ హ్యాచ్‌బ్యాక్‌ విభాగంలో ఇందులో మొత్తం నాలుగు వేరియంట్స్ ఉన్నాయి. బేసిక్ వేరియంట్‌ 7.99 లక్షలకు కొనుగోలు చేయవచ్చు. ప్రీమియం వేరియంట్ కావాలంటే 11.14 లక్షలు పెట్టాల్సి ఉంటుంది. ఇది ఒకసారి ఛార్జ్ చేస్తే 223 కిలోమీటర్ల నుంచి 293కిలోమీటర్ల వరకు ఆగకుండా వెళ్లొచ్చు.

ఎంజీ కామెట్‌

ఎంజీ కామెట్‌ మధ్య తరగతి చిన్న ఫ్యామిలీల కోసం తీసుకొచ్చిన హ్యాచ్‌బ్యాక్ మోడల్ ఈ కామెట్‌. ఇందులో బేసిక్ మోడల్‌7.50 లక్షలు ఉంటే ప్రీమియం 9.97 లక్షల వరకు ఉంటుంది. ఇందులో ఐదు వేరియంట్లలో లభిస్తుంది. ఇది ఒకసారి ఛార్జ్ చేస్తే 230 కిలోమీటర్ల వరకు పరుగులు పెడుతుంది.

ప్రస్తుతానికి పది లక్షల రూపాయల్లో ఈ మూడు మోడళ్లు అందుబాటులో ఉన్నాయి. వీటితోపాటు మరో రెండు మోడళ్లు కొత్తగా మార్కెట్‌లో రానున్నాయ. వాటి గురించి తెలుసుకుందాం.

లీప్‌మోటార్‌ టీ 03

నగర ప్రయాణికుల కోసం తీసుకొస్తున్న హ్యాచ్‌బ్యాక్‌ మోడల్‌ లీప్‌మోటార్‌ T03. ఇందులో 37 kWh బ్యాటరీ ఉంటోంది. 95హెచ్‌పీ మోటర్ ఉంటుంది. ఇందులో రెండు మోడల్స్ ఉన్నాయి NEDC మోడల్ ఒకసారి ఛార్జ్ చేస్తే 400 కిలోమీటర్లు వెళ్తుంది. మరో మోడల్‌ WLTP ఒకసారి ఛార్జ్ చేస్తే 265 కిలోమీటర్లు ఆగకుండా పరుగు పెడుతుంది. జులై లేదా వచ్చే ఏడాది మొదట్లో విడుదల చేసేందుకు ప్లాన్ చేస్తున్నారు.

టాటా టియాగో ఈవీ ఫేస్‌లిఫ్ట్‌

హ్యాచ్‌బ్యాక్‌ విభాగంలో రాబోతున్న మరో మోడల్‌ టాటా టియాగో ఈవీ ఫేస్‌లిఫ్ట్‌. ఇందులో బేసిక్ మోడల్ 8.10 లక్షలు ఉంటే హై ఎండ్ మోడల్ 11.34 లక్షలు ఉంది. దీన్ని ఈ ఏడాది చివరి నాటికి మార్కెట్‌లోకి వచ్చేందుకు ప్లాన్ చేస్తున్నారు.

మరిన్ని చదవండి

అంబానీ ఫ్యామిలీ వద్ద లగ్జరీ కార్ల కలెక్షన్.. వాటి ధరలు చూస్తే మైండ్ బ్లాక్!