Most Selling 7-Seater Car: 1100 km రేంజ్‌, దేశంలో అత్యధికంగా అమ్ముడవుతున్న 7-సీటర్ MPV – దీని ధర ఇంతే!
Best Selling MPV India: మారుతి సుజుకి ఎర్టిగా మరోసారి భారతదేశంలో అత్యధికంగా అమ్ముడైన 7-సీటర్ MPVగా నిలిచింది. దాని ధర, ఫీచర్లు, ఇంజిన్ & మైలేజ్ గురించి వివరంగా తెలుసుకుందాం.
7 Seater Family Car Under Rs 12 Lakhs In India: జులై 2025లో, Maruti Suzuki Ertiga 16,604 మంది కొత్త కొనుగోలుదారులను సంపాదించుకుంది, దీంతో ఇది మరోసారి దేశంలో అత్యధికంగా అమ్ముడైన 7-సీటర్ MPVగా నిలిచింది. తక్కువ ధర, ఎక్కువ స్థలం, గొప్ప మైలేజ్ & బ్రాండ్ విలువ దీనిని భారతీయ కుటుంబానికి సరైన కారుగా నిలబెట్టాయి.
మారుతి ఎర్టిగా ధర ఎంత?
తెలుగు రాష్ట్రాల్లో, ఎర్టిగా యొక్క ఎక్స్-షోరూమ్ ధర ఢిల్లీలో రూ. 9.11 లక్షల నుంచి ప్రారంభం అవుతుంది, వేరియంట్‌ను బట్టి మారుతుంది. దీని బేస్ "LXi పెట్రోల్ మ్యాన్యువల్‌" వేరియంట్ హైదరాబాద్ & విజయవాడలో దాదాపు రూ. 10.95 లక్షల ఆన్-రోడ్‌ రేటులో లభిస్తుంది. CNG వేరియంట్ ధర రూ. 11.15 లక్షల నుంచి ప్రారంభం అవుతుంది. CNG బేస్ వేరియంట్‌ను వేరియంట్ హైదరాబాద్ & విజయవాడలో 13.77 లక్షల ఆన్-రోడ్‌ ధరకు కొనుగోలు చేయవచ్చు. పెద్ద ఫ్యామిలీ కారులో బెటర్‌ మైలేజ్ కోరుకునే కస్టమర్లకు ఇది బడ్జెట్ ధర అవుతుంది.
ఎర్టిగా - నిజంగా పరిపూర్ణ కుటుంబ MPVనా?
మారుతి ఎర్టిగా, దాని బడ్జెట్ ధర లేదా 7-సీటర్ కావడం వల్ల మాత్రమే ఫ్యామిలీ కారు కాలేదు, ఫ్యామిలీకి ఉపయోగకరమైన & స్మార్ట్ ఫీచర్ల ఇంకా చాలా ఉన్నాయి. వైర్‌లెస్ ఆండ్రాయిడ్ ఆటో & ఆపిల్ కార్‌ప్లేకు మద్దతు ఇచ్చే పెద్ద 9-అంగుళాల స్మార్ట్‌ప్లే ప్రో టచ్‌స్క్రీన్ ఇన్ఫోటైన్‌మెంట్ సిస్టమ్‌ ఈ కారులో ఉంది. ఆటోమేటిక్ క్లైమేట్ కంట్రోల్ & వెనుక AC వెంట్స్ వంటి కూలింగ్ ఫీచర్లు కూడా ఉన్నాయి, పెద్ద ఫ్యామిలీ కలిసి వెళ్లేప్పుడు రైడింగ్‌ను ఆహ్లాదభరితంగా మారుస్తాయి. డ్రైవింగ్‌ను మరింత సౌకర్యవంతంగా చేసే క్రూయిజ్ కంట్రోల్, కీలెస్ ఎంట్రీ & పుష్-బటన్ స్టార్ట్/స్టాప్ ఉన్నాయి. ఇది మాత్రమే కాదు, ఆధునిక సాంకేతికతతో కూడిన ఈ కారు స్మార్ట్‌వాచ్ కనెక్టివిటీ & అలెక్సా సపోర్ట్‌ కూడా అందిస్తుంది.
కుటుంబ సభ్యులకు అదనపు భద్రతలు
మారుతి సుజుకీ, ఎర్టిగా ప్రయాణీకుల భద్రతపై పూర్తి శ్రద్ధ పెట్టింది. ఇప్పుడు ఈ MPV అన్ని వేరియంట్లలో 6 ఎయిర్‌బ్యాగ్‌లు ప్రామాణికంగా ఉన్నాయి, ఏదైనా అత్యవసర పరిస్థితిలో కారులోని ప్రయాణీకులకు మరింత భద్రతను అందిస్తాయి. దీంతో పాటు, ఇందులో EBDతో కూడిన ABS & బ్రేక్ అసిస్ట్, ఎలక్ట్రానిక్ స్టెబిలిటీ ప్రోగ్రామ్ (ESP) & హిల్ హోల్డ్ అసిస్ట్ వంటి లక్షణాలు కూడా ఉన్నాయి, ఇవి ప్రతి డ్రైవ్‌ను మరింత సురక్షితంగా ఉంచుతాయి.
ఇంజిన్ & పనితీరు
మారుతి ఎర్టిగా 1.5-లీటర్ స్మార్ట్ హైబ్రిడ్ పెట్రోల్ ఇంజిన్‌తో పని చేస్తుంది, ఇది 101.65 bhp శక్తిని & 136.8 Nm టార్క్‌ను ఇస్తుంది. ఈ ఇంజిన్ పెట్రోల్ & CNG వేరియంట్లలో లభిస్తుంది. CNG వేరియంట్‌లో, ఈ ఇంజిన్ 88 PS పవర్‌ను & 121.5 Nm టార్క్‌ను జనరేట్‌ చేస్తుంది. ట్రాన్స్‌మిషన్‌ పరంగా... పెట్రోల్ మోడల్ 5-స్పీడ్ మాన్యువల్ & 6-స్పీడ్ ఆటోమేటిక్ గేర్‌బాక్స్ ఆప్షన్లలో లభిస్తుంది. CNG వేరియంట్ 5-స్పీడ్ మాన్యువల్ ట్రాన్స్‌మిషన్‌తో మాత్రమే వచ్చింది. ఈ పవర్‌ట్రెయిన్ సెటప్ నగరం & హైవే పరిస్థితులలో చాలా మృదువైన & మెరుగైన పనితీరును అందించడానికి వీలు కల్పిస్తుంది.
మైలేజీలో ఛాంపియన్
ఎర్టిగా భారతదేశంలో అత్యంత ఇంధన సామర్థ్యం కలిగిన 7-సీట్ల MPVలలో ఒకటిగా పేరు తెచ్చుకుంది. దీని పెట్రోల్ & CNG వేరియంట్‌లు అద్భుతమైన ఇంధన సామర్థ్యాన్ని అందిస్తాయి. ఎర్టిగాలో 45 లీటర్ల పెట్రోల్ ట్యాంక్ & 60 లీటర్ల CNG ట్యాంక్ ఉన్నాయి. ఎర్టిగా VXi వేరియంట్‌లో.. పెట్రోల్ & CNG రెండింటినీ ఫుల్‌ ట్యాంక్ చేస్తే, ఈ MPV 1000 నుంచి 1100 కిలోమీటర్ల దూరాన్ని సులభంగా కవర్‌ చేయగలదు, పదే పదే ట్యాంక్ నింపాల్సిన అవసరం లేకుండా ప్రయాణాన్ని పూర్తి చేయగలదు.
టాప్ హెడ్ లైన్స్
ట్రెండింగ్ వార్తలు
