Most Expensive Car: విరాట్ కాదు, సచిన్ కాదు! ఈ భారత క్రికెటర్ వద్ద ఖరీదైన లగ్జరీ కార్ ఉంది
Abhishek Sharma car is more expensive | టీ20 వరల్డ్ కప్ ఫైనల్లో ప్రదర్శన తర్వాత, అభిషేక్ శర్మ లగ్జరీ లైఫ్ స్టైల్తో కూడా వార్తల్లో నిలిచాడు. అతడి వద్ద దిగ్గజ క్రికెటర్ల వద్ద ఖరీదైన కారు ఉంది.
విరాట్ కాదు, సచిన్ కాదు! ఈ యంగ్ టీమిండియా క్రికెటర్ వద్ద కోట్ల రూపాయల సూపర్ కార్ ఉంది. దీని స్పీడ్, ధర తెలిస్తే మీరు ఆశ్చర్యపోతారు. ఫైనల్లో ఫాస్టెస్ట్ హాఫ్ సెంచరీతో రాణించిన అభిషేక్ శర్మ ప్రదర్శన తర్వాత, తన లగ్జరీ లైఫ్ స్టైల్తో కూడా వార్తల్లో నిలిచాడు. చాలా మంది దిగ్గజ క్రికెటర్ల వద్ద కూడా లేని అత్యంత ఖరీదైన కారు అభిషేక్ వద్ద ఉంది.
భారత స్టార్ బ్యాటర్ అభిషేక్ శర్మ తన మెరుపు బ్యాటింగ్తో ఎంత గుర్తింపు పొందాడో, కార్ కలెక్షన్ తో వార్తల్లో నిలిచాడు. మీడియా నివేదికల ప్రకారం, అభిషేక్ శర్మ ఇటీవల ప్రపంచంలోని అత్యంత లగ్జరీ, ఖరీదైన కార్లలో ఒకటైన Ferrari Purosangueను కొనుగోలు చేశారు. ఢిల్లీలో ఈ కారు ఆన్-రోడ్ ధర సుమారు రూ. 11.42 కోట్లు ఉంది. ఈ కారు చాలా మంది దిగ్గజ క్రికెటర్ల వద్ద ఉన్న కార్ల కంటే కూడా ఖరీదైనది.
టీ-20 స్టార్ బ్యాటర్ అభిషేక్ శర్మ
అభిషేక్ శర్మ చాలా తక్కువ సమయంలోనే భారత క్రికెట్లో తనకంటూ ప్రత్యేక గుర్తింపు తెచ్చుకున్నారు. టీ-20 ఫార్మాట్లో అత్యంత దూకుడుగా ఆడే బ్యాటర్లలో అభిషేక్ ఒకరు. ఇప్పటివరకు 39 అంతర్జాతీయ టీ-20 మ్యాచ్లు ఆడి, 194.45 అద్భుత స్ట్రైక్ రేట్తో 1297 పరుగులు చేశాడు. దూకుడు బ్యాటింగ్ కారణంగా, ప్రపంచంలోనే అత్యంత ప్రమాదకరమైన టీ-20 బ్యాటర్లలో ఒకరిగా పేరు తెచ్చుకున్నాడు.
Ferrari Purosangue ఎందుకంత ప్రత్యేకం?
Ferrari Purosangue అనేది ఒక అద్భుతం అని చెప్పాలి. ఈ లగ్జరీ 4-సీటర్ SUV ప్రత్యేకత ఏమిటంటే దీని వేగం. ఈ కారు కేవలం 3.3 సెకన్లలోనే 0 నుండి 100 కిలోమీటర్ల వేగాన్ని అందుకుంటుంది. దీని గరిష్ట వేగం గంటకు సుమారు 310 కిలోమీటర్లు, ఇది ప్రపంచంలోని అత్యంత వేగవంతమైన లగ్జరీ SUVలలో ఒకటి. కారు లోపల అత్యంత ప్రీమియం ఫీచర్లు ఉన్నాయి. ఇందులో మసాజ్ చేసే సౌకర్యవంతమైన సీట్లు, రెండు పెద్ద టచ్స్క్రీన్ డిస్ప్లేలు ఉంటాయి. ఇవి డ్రైవింగ్ ఎక్స్పీరియన్స్ మరింత మెరుగ్గా ఉండేలా మారుస్తాయి.
దిగ్గజ క్రికెటర్ల కంటే కూడా ఖరీదైన కారు
చాలా మంది గొప్ప భారత క్రికెటర్ల వద్ద కూడా ఇంత ఖరీదైన కారు లేదు. నివేదికల ప్రకారం, మాజీ క్రికెటర్లు సచిన్ టెండూల్కర్, ఎంఎస్ ధోనీ, విరాట్ కోహ్లీ వంటి దిగ్గజ ఆటగాళ్ల వద్ద కూడా దీని కంటే ఖరీదైన కారు లేదు. అభిషేక్ శర్మ ఈ కారును కొనుగోలు చేయడం క్రికెట్ ప్రపంచంలో హాట్ టాపిక్ అవుతోంది. ఈ సూపర్ లగ్జరీ కారు అతనికి మిగిలిన ఆటగాళ్ల కంటే భిన్నమైన గుర్తింపును ఇస్తుంది.
అభిషేక్ శర్మ కార్ కలెక్షన్లో ఇంకేమున్నాయి?
టీమిండియా ఓపెనర్ అభిషేక్ శర్మ వద్ద కేవలం Ferrari Purosangue మాత్రమే కాదు, పలు లగ్జరీ కార్లు ఉన్నాయి. నివేదికల ప్రకారం, అతని గ్యారేజీలో Toyota Innova, BMW 320d, టయోటా ఫార్చునర్ (Toyota Fortuner), Mahindra Thar వంటి వాహనాలు కూడా ఉన్నాయి. ఇవే కాకుండా Mahindra XUV 3XO కూడా ఉంది.
టాప్ హెడ్ లైన్స్
ట్రెండింగ్ వార్తలు
