R15 కంటే పవర్ఫుల్ బైక్.. Yamaha R2 ని కేవలం రూ.10,000 తో బుక్ చేసుకోవచ్చు
Yamaha R2 ప్రీ బుకింగ్స్ ప్రారంభమయ్యాయి. రూ.10,000తో బుక్ చేసుకోవచ్చు. 200-220cc ఇంజిన్తో వచ్చే ఈ బైక్ ధర రూ.2-2.20 లక్షల వరకు ఉండొచ్చని అంచనా.
Yamaha R2 Price And Features Telugu: యమహా నుంచి త్వరలో ఓ కొత్త సర్ప్రైజ్ రాబోతోంది. యువత ఎంతో ఆసక్తిగా ఎదురుచూస్తున్న R2 సూపర్స్పోర్ట్ బైక్ ప్రీ బుకింగ్స్ను ఈ కంపెనీ ప్రారంభించింది. కేవలం రూ.10,000 చెల్లించి ఈ బైక్ను ముందుగా బుక్ చేసుకోవచ్చు. Yamaha R2 ని ఆగస్టు 27న అధికారికంగా విడుదల చేయనున్నారు.
ఇక్కడ ఓ ముఖ్యమైన విషయం గమనించాలి. ప్రీ బుకింగ్ కోసం చెల్లించే రూ.10,000 పూర్తిగా రీఫండబుల్. రీఫండ్ను సెప్టెంబర్ 5 తర్వాత మాత్రమే ప్రాసెస్ చేస్తారు. విడుదలకు ముందే బైక్ను బుక్ చేసుకున్న కస్టమర్లకు యమహా ప్రాధాన్యత ఇస్తుంది.
రూ.2 లక్షల నుంచి..
Yamaha R2 ధరపై కంపెనీ ఇంకా అధికారిక ప్రకటన చేయలేదు. అయితే ఈ బైక్ ధర సుమారు రూ.2 లక్షల నుంచి రూ.2.20 లక్షల మధ్య ఉండొచ్చని అంచనా. ప్రస్తుతం R15 శ్రేణిలో ధరలు రూ.1.57 లక్షల నుంచి రూ.1.98 లక్షల వరకు ఉన్నాయి. దీంతో R2ను R15 కంటే పై స్థాయిలో ఉంచనున్నారు.
R15 స్థానాన్ని R2 భర్తీ చేయదు. అయితే యమహా R15 లైనప్లో కొన్ని మార్పులు చేసే అవకాశం ఉంది. ప్రస్తుతం టాప్ వేరియంట్గా ఉన్న R15 Mను నిలిపివేసి, దాని స్థానంలో R2ను తీసుకురావచ్చని తెలుస్తోంది. మూడో తరం R15 ఆధారంగా ఉన్న R15 S కూడా భవిష్యత్తులో నిలిచిపోయే అవకాశం ఉంది.
200-220cc ఇంజిన్తో వచ్చే అవకాశం
Yamaha R2లో ఏ ఇంజిన్ను ఉపయోగిస్తారనే విషయంపై పూర్తి సమాచారం ఇంకా వెల్లడికాలేదు. అయితే ఈ బైక్లో 200cc నుంచి 220cc మధ్య సామర్థ్యం ఉన్న సింగిల్ సిలిండర్ ఇంజిన్ ఉండొచ్చని అంచనా.
R15లోని 155cc ఇంజిన్ తరహాలోనే R2 ఇంజిన్ కూడా హై-రేవింగ్ వద్ద మంచి పెర్ఫార్మెన్స్ అందించేలా తీర్చిదిద్దే అవకాశం ఉంది. పవర్ వివరాలు ఇంకా వెల్లడికాలేదు. ప్రత్యర్థి బైక్లకు సమానంగా లేదా వాటి కంటే మెరుగైన పనితీరు అందించే అవకాశం ఉందని తెలుస్తోంది.
KTM RC 200, Hero Karizma XMRకు పోటీ
Yamaha R2 మార్కెట్లో KTM RC 200 & Hero Karizma XMR వంటి బైక్లకు పోటీ ఇవ్వనుంది. ఈ రెండు బైక్లు సుమారు 25hp శక్తిని అందిస్తాయి. దీంతో R2 కూడా దాదాపు ఇదే స్థాయిలో పవర్ను అందించొచ్చు!.
బరువు విషయంలోనూ R2కు ప్రయోజనం ఉండొచ్చు. ప్రస్తుతం KTM RC 200 బరువు 160 కిలోలు. Hero Karizma XMR బరువు 163.5 కిలోలు. Yamaha R15 V4 బరువు కేవలం 141 కిలోలు. R2 కూడా తక్కువ బరువుతో వస్తే మెరుగైన చురుకుదనం & పవర్ టు వెయిట్ నిష్పత్తిని అందించే అవకాశం ఉంది.
భారత్లోనే తయారీ
Yamaha R2ను పూర్తిగా భారత్లో తయారు చేయనున్నారు, ఇక్కడి నుంచే అంతర్జాతీయ మార్కెట్లకు కూడా ఎగుమతి చేస్తారు. దీంతో భారత్ యమహా R2 ఉత్పత్తిలో కీలక కేంద్రంగా మారనుంది.
R15 సిరీస్లోని స్పోర్టీ రైడింగ్ అనుభూతిని మరింత శక్తిమంతమైన ఇంజిన్తో అందించడమే R2 ప్రధాన లక్ష్యంగా కనిపిస్తోంది. ధర, ఇంజిన్ సామర్థ్యం, పవర్, ఫీచర్లు వంటి పూర్తి వివరాలు ఆగస్టు 27న, లాంచ్ సమయంలో వెల్లడయ్యే అవకాశం ఉంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
