Mahindra Scorpio N లేదా Tata Harrier .. ఏ కారు కొంటే EMI ఖర్చు తక్కువ అవుతుంది?

Mahindra Scorpio vs Tata Harrier: మహీంద్రా స్కార్పియో, టాటా హారియర్ లలో ఏది కొనాలో క్లారిటీ రావడం లేదా.. అయితే వీటి ధర, ఫైనాన్స్ ప్లాన్, EMI చెల్లింపు వివరాలు తెలుసుకోండి.

మహీంద్రా స్కార్పియో ఎన్, టాటా హ

Source : Tata Motors/ Mahindra

టాటా హారియర్, మహీంద్రా స్కార్పియో N భారత్‌లో అత్యంత ప్రజాదరణ పొందిన SUVలుగా ఉన్నాయి. కంపెనీపై నమ్మకం, మంచి పనితీరు కారణంగా ఈ వాహనాల పట్ల అన్ని వర్గాల ప్రజలలో క్రేజ్ కనిపిస్తుంది. మహీంద్రా స్కార్పియో N పెట్రోల్,  డీజిల్ పవర్‌ట్రైన్‌లతో వస్తుంది. ఈ కారు ఎక్స్-షోరూమ్ ధర రూ. 13.49 లక్షల నుంచి ప్రారంభం అవుతుంది.

టాటా హారియర్ ఎస్‌యూవీ ధర రూ. 14 లక్షల నుండి ప్రారంభమై టాప్ మోడల్ రూ. 25.25 లక్షల వరకు ఉంటుంది. ఒకవేళ మీరు ఈ రెండు కార్లలో దేనిని కొనుగోలు చేయాలనే విషయంలో తేల్చేకోలేకపోతున్నారా.. అయితే పూర్తి పేమెంట్ కాకుండా ఫైనాన్స్ చేయించుకోవాలనుకుంటే, ఏ కారు EMI మీకు చౌకగా ఉంటుందో తెలుసుకుని కొనేయండి.

టాటా హారియర్ ఫైనాన్స్ ప్లాన్

టాటా హారియర్ అత్యంత చవకైన మోడల్ ధర రూ. 13.99 లక్షలకు వస్తుంది. ఈ కారును కొనుగోలు చేయడానికి మీరు రూ. 12.60 లక్షల వరకు Loan పొందవచ్చు. ఇది ఎక్స్-షోరూమ్ ధరపై లభించే లోన్. ఒకవేళ మీరు 4 సంవత్సరాల కాలపరిమితికి వెహికల్ లోన్ తీసుకుంటే, ఈ లోన్ మీద 9 శాతం వడ్డీ అయితే.. అప్పుడు మీరు ప్రతి నెలా రూ. 31,400 EMI చెల్లించాల్సి ఉంటుంది. ఒకవేళ మీరు 5 సంవత్సరాల కాలానికి లోన్ తీసుకుంటే, 9 శాతం వడ్డీతో ప్రతి నెలా సుమారు రూ. 26 వేల ఈఎంఐ చెల్లించాలి.

మహీంద్రా స్కార్పియో EMI ప్లాన్

బెస్ట్ ఎస్‌యూవీలలో ఒకటైన మహీంద్రా స్కార్పియో Nలో Z2 పెట్రోల్ వేరియంట్‌ను కొనుగోలు చేస్తే, ఈ కారు కొనుగోలు కోసం మీకు రూ. 14,19,167 (14 లక్షల 19 వేల నూట అరవై ఏడు రూపాయల) వరకు లోన్ లభిస్తుంది. మీరు కారు కొనుగోలు కోసం లక్ష రూపాయలు డౌన్ పేమెంట్ రూపంలో చెల్లిస్తే, 4 సంవత్సరాల కాలపరిమితికి 9.8 శాతం వడ్డీతో ప్రతి నెలా సుమారు రూ. 37,323 చెల్లించాల్సి వస్తుంది. 

ఒకవేళ మీరు 2 లక్షల రూపాయల డౌన్ పేమెంట్ చేసి, 4 ఏళ్ల కార్ లోన్‌పై 9.8 శాతం వడ్డీ కట్టాల్సి వస్తే.. మీరు ప్రతి నెలా రూ. 34,796 ఈఎంఐ చెల్లించాల్సి ఉంటుంది. ఒకవేళ మీరు 5 సంవత్సరాల టైంకు కార్ లోన్ తీసుకుంటే 9.8 శాతం వడ్డీతో ప్రతి నెలా రూ. 23,532 వరకు చెల్లించాల్సి వస్తుంది. కనుక వాహనం కొనుగోలు చేయడానికి ముందు దాని ఎక్స్ షోరూమ్ ధర, ఆన్ రోడ్ ధర తెలుసుకోవడంతో పాటు మీ ఫైనాన్స్ ప్లాన్, ఈఎంఐ చెల్లించాల్సిన వివరాలు సరిగ్గా తెలుసుకోవాలి.

మరిన్ని చదవండి

కేవలం 15,000 EMI తో Maruti Baleno కొనుగోలు చేస్తే ఎన్నేళ్ల వరకు లోన్ చెల్లించాలి

బైక్ కొనేవారు కూడా కారు ఈజీగా కొనవచ్చు! టాప్ 5 చౌకైన ఫ్యామిలీ కార్లు ఇవే