Honda Bikes Price Cut: హోండా బైక్లు, స్కూటర్లు కొనడం ఇంకా ఈజీ, రూ.19,000 వరకు ఆదా - ఇదిగో లిస్ట్
Honda Two Wheeler Price Cut: హోండా బైక్లు, స్కూటర్లపై గరిష్టంగా రూ.18,887 వరకు ధర తగ్గింపు. ఆక్టివా, షైన్ 125, యూనికార్న్, CB350 మోడళ్లకు లాభం.
Honda Bikes, Scooters Price Cut After GST: దేశంలో కొత్త GST రేట్లతో హోండా బైక్లు, స్కూటర్ల ధరలు భారీగా తగ్గాయి. జపాన్ టూ-వీలర్ తయారీ కంపెనీ హోండా మోటార్సైకిల్ అండ్ స్కూటర్ ఇండియా (HMSI), తమ మోస్ట్ పాపులర్ మోడళ్లపై తగ్గింపు ధరలను ప్రకటించింది. కంపెనీ తెలిపిన వివరాల ప్రకారం, కస్టమర్లు గరిష్టంగా రూ. 18,887 వరకు (ఎక్స్షోరూం ధరలపై) ప్రయోజనం పొందవచ్చు.
GST తగ్గింపుతో వచ్చిన మార్పులు
ఇంతకుముందు, 350cc లోపు ఉన్న బైక్లు, స్కూటర్లపై 28% GST వసూలు చేయగా, ఇప్పుడు కొత్త రేట్ల ప్రకారం అది 18% కి తగ్గింది. ఈ తగ్గింపుతో హోండా కమ్యూటర్ బైక్లు, స్కూటర్లు చౌకయ్యాయి. ఆక్టివా, షైన్ 125, యూనికార్న్, CB350 వంటి మోడళ్లు ఈ జాబితాలో ఉన్నాయి.
ప్రజాదరణ పొందిన మోడళ్లపై లాభం
తెలుగు రాష్ట్రాల్లో అత్యధికంగా అమ్ముడయ్యే హోండా ఆక్టివా స్కూటర్ ధర తగ్గడం, స్కూటర్ కొనాలనుకునే వారికి పెద్ద ప్లస్. అదే విధంగా షైన్ 125 & యూనికార్న్ వంటి బైక్లు మధ్య తరగతి ప్రజలను ఆకట్టుకునే మోడళ్లు కావడంతో వీటిపై ధర తగ్గడం ఈ పండుగ సీజన్లో పెద్ద బెనిఫిట్ అవుతుంది. యువతను కొత్తగా ఆకట్టుకుంటున్న Honda CB350 కూడా ఈ తగ్గింపు ప్రయోజనం కిందకు వచ్చింది.
ఏ మోడల్పై ఎంత తగ్గుతుంది?
| మోడల్ | GST ప్రయోజనం (ఎక్స్షోరూం ధరపై) |
| Honda Activa 110 | రూ. 7,874 వరకు |
| Honda Dio 110 | రూ. 7,157 వరకు |
| Honda Activa 125 | రూ. 8,259 వరకు |
| Honda Dio 125 | రూ. 8,042 వరకు |
| Honda Shine 100 | రూ. 5,672 వరకు |
| Honda Shine 100 DX | రూ. 6,256 వరకు |
| Honda Livo 110 | రూ. 7,165 వరకు |
| Honda Shine 125 | రూ. 7,443 వరకు |
| Honda SP125 | రూ. 8,447 వరకు |
| Honda CB125 Hornet | రూ. 9,229 వరకు |
| Honda Unicorn | రూ. 9,948 వరకు |
| Honda SP160 | రూ. 10,635 వరకు |
| Honda Hornet 2.0 | రూ. 13,026 వరకు |
| Honda NX200 | రూ. 13,978 వరకు |
| Honda CB350 H'ness | రూ. 18,598 వరకు |
| Honda CB350RS | రూ. 18,857 వరకు |
| Honda CB350 | రూ. 18,887 వరకు |
పెద్ద బైక్లకు షాక్
అయితే, 350cc పైబడిన బైక్ల పరిస్థితి మాత్రం వేరేలా ఉంది. వాటిపై GST రేటు 31% నుంచి 40% కి పెరగడంతో వాటి ధరలు పెరుగుతాయి. ముఖ్యంగా, హోండా దిగుమతి చేసుకునే ప్రీమియం బైక్లపై ఈ ప్రభావం ఎక్కువగా ఉంటుంది. కంపెనీ ఇప్పటివరకు కొత్త ధరలను అధికారికంగా ప్రకటించలేదు. కానీ, ధరలు పెరగడం మాత్రం ఖాయం.
తెలుగు రాష్ట్రాల్లో పరిస్థితి
హైదరాబాద్, విజయవాడ వంటి నగరాల్లో హోండా టూ వీలర్లకు విపరీతమైన డిమాండ్ ఉంది. ఆక్టివా స్కూటర్ నుంచి యూనికార్న్ బైక్ వరకు హోండా మోడళ్లు ఫ్యామిలీల నుంచి యంగ్స్టర్స్ వరకు అన్ని వర్గాలను ఆకట్టుకుంటున్నాయి. ఇప్పుడు ధర తగ్గడంతో వాటి కొనుగోలు మరింత సులభం అవుతుందని డీలర్లు చెబుతున్నారు.
GST తగ్గింపుతో హోండా బైక్లు, స్కూటర్లు చౌకగా మారడం తెలుగు ప్రజలకు మంచి వార్త. ముఖ్యంగా.. ఆక్టివా, షైన్ 125, యూనికార్న్, CB350 మోడళ్లు కొనాలనుకునే వారికి ఇది మంచి సమయం. అయితే 350cc కంటే ఎక్కువ ఇంజిన్ ఉన్న బైకుల విషయంలో మాత్రం రాబోయే రోజుల్లో ఎక్కువ ఖర్చు పెట్టాల్సి ఉంటుంది.
టాప్ హెడ్ లైన్స్
ట్రెండింగ్ వార్తలు
