Splendor Plus Flex Fuel Bike EMI: హీరో స్ప్లెండర్ ప్లస్ ఫ్లెక్స్ ఫ్యూయల్ లాంచ్: పెట్రోల్ తో పనిలేకుండా ఇథనాల్ తో నడిచే సరికొత్త మోడల్.. నెలకు ఎంత ఈఎంఐ కట్టాలో పూర్తి డీటెయిల్స్
హీరో మోటోకార్ప్ దేశంలోనే మోస్ట్ పాపులర్ మోటార్ సైకిల్ స్ప్లెండర్ ప్లస్ ను ఇథనాల్ ఇంధనంతో నడిచే సరికొత్త ఫ్లెక్స్ ఫ్యూయల్ వెర్షన్ లో రూ. 82,810 ఎక్స్ షోరూమ్ ధరతో లాంచ్ చేసింది.
Hero MotoCorp Launches Splendor Plus Flex Fuel Bike In India And Emi Details: ఇండియాలో అత్యధికంగా అమ్ముడయ్యే కమ్యూటర్ బైక్ హీరో స్ప్లెండర్ ప్లస్ ఇప్పుడు సరికొత్త టెక్నాలజీతో మార్కెట్ లోకి వచ్చింది. హీరో మోటోకార్ప్ కంపెనీ హెచ్ఎఫ్ డీలక్స్ తో పాటు స్ప్లెండర్ ప్లస్ ఫ్లెక్స్ ఫ్యూయల్ మోడల్ ను కూడా అఫీషియల్ గా రిలీజ్ చేసింది. దీని ఎక్స్ షోరూమ్ ధరను రూ. 82,810 గా కంపెనీ అనౌన్స్ చేసింది. దేశ ఇంధన భద్రతను పెంచేందుకు కేంద్ర ప్రభుత్వం పెట్రోల్ లో ఇథనాల్ శాతాన్ని పెంచాలని చూస్తున్న తరుణంలో ఈ ఫ్యూచర్ రెడీ బైక్ ఎంట్రీ ఇవ్వడం విశేషం. ఇది త్వరలోనే అందుబాటులోకి రాబోయే ఈ85 ఫ్యూయల్ (85 పర్సెంట్ ఇథనాల్, 15 పర్సెంట్ పెట్రోల్ మిశ్రమం) తో రన్ అవుతుంది.
టెక్నికల్ అప్గ్రేడ్స్ తో కొత్త మోడల్..
సాధారణ ఈ20 పెట్రోల్ తో నడిచే స్టాండర్డ్ స్ప్లెండర్ ప్లస్ మోడల్ తో పోలిస్తే ఈ కొత్త ఫ్లెక్స్ ఫ్యూయల్ వెర్షన్ ధర కేవలం రూ. 2,500 మాత్రమే ఎక్కువ. ఇథనాల్ బ్లెండ్ కు సపోర్ట్ చేసేలా ఇంజన్ సిస్టమ్ లో చాలా టెక్నికల్ మార్పులు చేశారు. మార్కెట్ లో ఉన్న మిగతా హీరో బైక్స్ తో పోల్చితే దీని ప్రైస్ రీజనబుల్ గానే ఉంది. ప్రస్తుతం హీరో గ్లామర్ ధర రూ. 81,063 నుంచి రూ. 84,751 వరకు, గ్లామర్ ఎక్స్టెక్ ధర రూ. 90,498 నుంచి రూ. 95,098 వరకు ఉంది. అలాగే ప్యాషన్ ప్లస్ రూ. 76,691 నుంచి రూ. 78,074 ధరకు లభిస్తోంది.
నెలవారీ ఈఎంఐ లెక్కలు..
ఈ కొత్త స్ప్లెండర్ ప్లస్ ఫ్లెక్స్ ఫ్యూయల్ బైక్ ను ఫైనాన్స్ లో కొనాలనుకునే కస్టమర్ల కోసం కంపెనీ ఒక ఈఎంఐ అంచనాను రెడీ చేసింది. ఎక్స్ షోరూమ్ ధరపై 100 పర్సెంట్ లోన్ తీసుకొని, 9.5 పర్సెంట్ వడ్డీ రేటు వేసుకుంటే రీపేమెంట్ టెన్యూర్ బట్టి ఈఎంఐ లు మారుతాయి. ఒకవేళ 12 నెలల తక్కువ టైమ్ పీరియడ్ సెలెక్ట్ చేసుకుంటే నెలకు రూ. 7,261 ఈఎంఐ కట్టాల్సి ఉంటుంది. అదే 24 నెలల లాంగ్ టెన్యూర్ ఆప్షన్ ఎంచుకుంటే నెలవారీ భారం తగ్గి రూ. 3,802 మాత్రమే అవుతుంది.
డౌన్ పేమెంట్ బట్టి మారే అవకాశం..
కస్టమర్లు చెల్లించే డౌన్ పేమెంట్ అమౌంట్, బ్యాంక్ ఇచ్చే ఫైనల్ ఇంట్రెస్ట్ రేట్, లోన్ తీసుకునే టెన్యూర్ ఆధారంగా ఈ నెలవారీ ఈఎంఐ లెక్కలు మారుతుంటాయని ఫైనాన్స్ నిపుణులు చెబుతున్నారు. ఈ బైక్ ద్వారా రోజువారీ పెట్రోల్ ఖర్చులు భారీగా తగ్గే ఛాన్స్ ఉండటంతో కమ్యూటర్స్ దీనిపై ఎక్కువ ఇంట్రెస్ట్ చూపిస్తున్నారు. లేటెస్ట్ ఆఫర్స్, ఖచ్చితమైన ఆన్ రోడ్ ప్రైస్ డీటెయిల్స్ కోసం దగ్గరలోని హీరో మోటోకార్ప్ డీలర్షిప్ ను సంప్రదించాలని కంపెనీ స్పష్టం చేసింది.
టాప్ హెడ్ లైన్స్
ట్రెండింగ్ వార్తలు
