Hero HF Deluxe Flex Fuel Bike Emi: హీరో హెచ్ఎఫ్ డీలక్స్ ఫ్లెక్స్ ఫ్యూయల్ లాంచ్: పెట్రోల్ ఖర్చులు తగ్గించే సరికొత్త టెక్నాలజీ.. ఎంత ఈఎంఐ కట్టాలో తెలుసా?: 

హీరో మోటోకార్ప్ ఇథనాల్ తో నడిచే హెచ్ఎఫ్ డీలక్స్ ఫ్లెక్స్ ఫ్యూయల్ బైక్ ను 72,792 రూపాయల ఎక్స్ షోరూమ్ ధరతో ఇండియా మార్కెట్ లోకి రిలీజ్ చేసింది.

హీరో ఫ్లెక్స్ ఫ్యూయల్ బైక్స్

Source : x.com/91wheels

Hero MotoCorp Launches HF Deluxe Flex Fuel Bike:  ప్రముఖ టూవీలర్ తయారీ సంస్థ హీరో మోటోకార్ప్ ఇండియాలో సరికొత్త హెచ్ఎఫ్ డీలక్స్ ఫ్లెక్స్ ఫ్యూయల్ బైక్ ను లాంచ్ చేసింది. దీని ఎక్స్ షోరూమ్ ధరను రూ. 72,792 గా కంపెనీ డిసైడ్ చేసింది. ఇండియాలో ఇథనాల్ బ్లెండెడ్ పెట్రోల్ వాడకాన్ని పెంచాలని గవర్నమెంట్ చూస్తున్న టైమ్ లో ఈ బైక్ మార్కెట్ లోకి రావడం విశేషం. ఫ్యూచర్ లో ఫ్యూయల్ స్టేషన్లలో అందుబాటులోకి రాబోయే ఈ85 ఇథనాల్ పెట్రోల్ కు సపోర్ట్ చేసేలా ఈ బైక్ లో కీలకమైన టెక్నాలజీ అప్‌డేట్స్ చేశారు. ఈ85 అంటే అందులో 85 పర్సెంట్ ఇథనాల్, 15 పర్సెంట్ పెట్రోల్ మిక్స్ అయి ఉంటాయి.

ఫ్లెక్స్ ఫ్యూయల్ ఇంజన్ టెక్నాలజీ.. పాత మోడల్స్ తో పోలిస్తే ప్రైస్ డిఫరెన్స్

ఈ కొత్త ఫ్లెక్స్ ఫ్యూయల్ బైక్ లో స్టాండర్డ్ మోడల్ లో ఉండే ఇంజన్ నే వాడినప్పటికీ, ఇథనాల్ ఇంధనానికి సూట్ అయ్యేలా మెకానికల్ మార్పులు చేశారు. మార్కెట్ లో ఉన్న మిగతా హీరో బైక్ లతో పోలిస్తే దీని ధర రీజనబుల్ గానే ఉంది. ప్రస్తుతం సాధారణ హీరో హెచ్ఎఫ్ డీలక్స్ ధర రూ. 55,992 నుంచి రూ. 66,382 వరకు ఉండగా, ఫ్లెక్స్ ఫ్యూయల్ మోడల్ ధర రూ. 72,792 గా ఉంది. హీరో గ్లామర్ ధర రూ. 81,063 నుంచి స్టార్ట్ అవుతుండగా, ప్యాషన్ ప్లస్ ధర రూ. 76,691 నుంచి అందుబాటులో ఉంది.

నెలవారీ ఈఎంఐ క్యాలిక్యులేషన్స్.. 

ఈ కొత్త బైక్ ను లోన్ పై కొనాలని ప్లాన్ చేసే వారి కోసం నెలవారీ ఈఎంఐ డీటెయిల్స్ ను కంపెనీ అంచనా వేసింది. ఎక్స్ షోరూమ్ ధరపై 100 పర్సెంట్ లోన్ తీసుకొని, 9.5 పర్సెంట్ ఇంట్రెస్ట్ రేట్ వేసుకుంటే టెన్యూర్ బట్టి ఈఎంఐ మారుతుంది. ఒకవేళ 12 నెలల రీపేమెంట్ టెన్యూర్ సెలెక్ట్ చేసుకుంటే నెలకు రూ. 6,383 ఈఎంఐ కట్టాల్సి ఉంటుంది. అదే 24 నెలల లాంగ్ టెన్యూర్ ఆప్షన్ ఎంచుకుంటే నెలవారీ ఈఎంఐ భారం తగ్గి రూ. 3,342 మాత్రమే అవుతుంది.

డౌన్ పేమెంట్ బట్టి మారే ఛాన్స్.. 

కస్టమర్లు కట్టే డౌన్ పేమెంట్ అమౌంట్, బ్యాంక్ ఇచ్చే ఇంట్రెస్ట్ రేట్, లోన్ తీసుకునే టైమ్ పీరియడ్ ఆధారంగా ఈ ఈఎంఐ లెక్కలు మారుతుంటాయని ఫైనాన్స్ నిపుణులు చెబుతున్నారు. ఈ ఫ్లెక్స్ ఫ్యూయల్ బైక్ ద్వారా పెట్రోల్ ఖర్చులు భారీగా తగ్గే అవకాశం ఉండటంతో మిడిల్ క్లాస్ బయ్యర్స్ దీనిపై ఇంట్రెస్ట్ చూపిస్తున్నారు. పూర్తి ఆఫర్స్, ఖచ్చితమైన లోన్ డీటెయిల్స్ కోసం దగ్గరలోని హీరో డీలర్‌షిప్ ను సంప్రదించాలని కంపెనీ స్పష్టం చేసింది.

మరిన్ని చదవండి

పెట్రోల్, డీజిల్ ధరలు మళ్లీ పెరుగుతాయా? చమురు కంపెనీల నిర్ణయానికి కారణాలివే

మరింత లగ్జరీగా టాటా టియాగో 2026 మోడల్.. సిటీ డ్రైవింగ్ కు పర్ఫెక్ట్ ఛాయిస్.. 6 ఎయిర్ బ్యాగ్స్ తో సేఫ్టీ, రివ్యూ వివ‌రాలు ఇవిగో..!