FIFA వరల్డ్ కప్ గెలిస్తే 100 మందికి ఉచితంగా Jeep Wrangler.. SUV ధర, ఫీచర్ల వివరాలు

ఫిఫా వరల్డ్ కప్ 2026 గెలిస్తే ఉచితంగా లభించనున్న జీప్ రాంగ్లర్. ఈ జీప్ యొక్క వినూత్న మరియు ఆసక్తికరమైన ఆఫర్ గురించి, అలాగే ఈ శక్తివంతమైన ఆఫ్-రోడర్ SUV ఫీచర్లు మరియు ధర ఏమిటో తెలుసుకోండి...

జీప్ రాంగ్లర్

Source : AI

ఐపీఎల్ 2026 ముగిసిన తర్వాత ప్రపంచ వ్యాప్తంగా స్పోర్ట్స్ ఫ్యాన్స్ అందరి దృష్టి ఫిఫా వరల్డ్ కప్ 2026 పైనే ఉంది. ప్రముఖ ఆటోమేకర్ కంపెనీ జీప్ ఒక ఆసక్తికరమైన ఆఫర్‌ ప్రకటించి సోషల్ మీడియాలో సంచలనం సృష్టించింది. ఈసారి అమెరికా ఫుట్‌బాల్ జట్టు వరల్డ్ కప్ గెలిస్తే కనుక 100 మందికి సరికొత్త జీప్ రాంగ్లర్ ఎస్‌యూవీలను పూర్తిగా ఉచితంగా గిఫ్ట్‌గా ఇస్తామని జీప్ ప్రామిస్ చేసింది. ఈ ప్రకటన కారణంగా జీప్ రాంగ్లర్ ధర, ఫీచర్లు గురించి సెర్చ్ చేస్తున్నారు. కానీ ఈ ఆఫర్‌తో పాటు జీప్ కంపెనీ ఒక ప్రత్యేకమైన కండీషన్ కూడా పెట్టింది. అది వింటే మీరు కూడా ఆశ్చర్యపోతారు. భారత ఆటో మార్కెట్లో ఉన్న ఈ పవర్‌ఫుల్ ఆఫ్-రోడర్ ఎస్‌యూవీ ధర, ఫీచర్లు ఇక్కడ తెలుసుకుందాం. 

జీప్ రాంగ్లర్ ఫీచర్లు అద్భుతం

జీప్ రాంగ్లర్ అనేది చాలా పవర్‌ఫుల్, ఐకానిక్ SUV. రాంగ్లర్ వాహనంలో 2.0 లీటర్ పవర్‌ఫుల్ టర్బో పెట్రోల్ ఇంజన్ ఇచ్చారు. ఇది 270 bhp పవర్‌ను, 400 Nm టార్క్‌ను జనరేట్ చేస్తుంది. ఈ ఇంజన్ 8 స్పీడ్ ఆటోమేటిక్ గేర్‌బాక్స్, జీప్ ఫేమస్ 4x4 రాక్ ట్రాక్ సిస్టమ్‌తో వస్తుంది.

జీప్ రాంగ్లర్ ఫీచర్ల విషయానికి వస్తే.. ఇందులో 12.3 ఇంచుల పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, వాషబుల్ ఇంటీరియర్,  రిమూవబుల్ డోర్లు, రూఫ్ ఉంటాయి. ఇవి మీకు ఆఫ్-రోడింగ్‌లో అద్భుతమైన అనుభూతిని కలిగిస్తాయి. సేఫ్టీ విషయానికి వస్తే.. అడాస్ (ADAS), 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ వంటి ఫీచర్లు అందించారు. 

భారత మార్కెట్లో ధర ఎంత?

భారత ఆటోమొబైల్ విషయానికి వస్తే.. కఠినమైన దారుల్లో ప్రయాణించడాన్ని ఇష్టపడే వారు జీప్ రాంగ్లర్‌ను ఇష్టపడతారు. మన దేశంలో జీప్ రాంగ్లర్ 2 ప్రధాన వేరియంట్లలో లభిస్తుంది. అన్‌లిమిటెడ్, రుబికాన్. రాంగ్లర్ ఎస్‌యూవీ ప్రారంభ ఎక్స్-షోరూమ్ ధర సుమారు రూ. 67.65 లక్షల నుండి ప్రారంభమై రూ. 71.65 లక్షల వరకు ఉంటుంది.

జీప్ కంపెనీ దీనిని భారత్‌లోనే అసెంబుల్ చేస్తుంది. దీనివల్ల విదేశాలతో పోల్చితే ధర చాలా వరకు తక్కువగా ఉంది. ఎలాంటి భయం లేకుండా బురద, కొండ ప్రాంతాలు, రాళ్ల మధ్య తమ వాహనాన్ని అడ్వెంచర్ కోసం తీసుకెళ్లడానికి ఇష్టపడే వారికి ఈ SUV ఒక పర్ఫెక్ట్ ఛాయిస్.

ఈ వ్యక్తులకు కారు ఉచితం

ఫిఫా వరల్డ్ కప్ 2026 జరుగుతున్న సందర్భంగా జీప్ కంపెనీ ఉచితంగా కారును ఇస్తామని ప్రకటించింది. 'ఆల్ ఇన్ ఆన్ అమెరికా' క్యాంపెయిన్ కింద ఉచిత రాంగ్లర్ పొందడానికి మీ పేరు అమెరికా మొదటి అధ్యక్షుడు జార్జ్ వాషింగ్టన్ అని ఉండాలి. వినడానికి వింతగా ఉన్నా.. కంపెనీ కండీషన్ ముమ్మాటికీ నిజం. కంపెనీ వెబ్‌సైట్‌లో రిజిస్టర్ చేసుకునే మొదటి 100 మంది అమెరికా పౌరులు, ఎవరి లీగల్ పేరు జార్జ్ వాషింగ్టన్ అని ఉంటుందో వారు ఉచిత ఎస్‌యూవీ పొందడానికి అర్హులు అవుతారు. కానీ అసలైన ట్విస్ట్ ఏంటంటే, USA పురుషుల ఫుట్‌బాల్ టీం ఫిఫా వరల్డ్ కప్ 2026 గెలవాల్సి ఉంటుంది.

మరిన్ని చదవండి

రోహిత్ శర్మ, ప్రసిద్ధ్ కృష్ణ కాంబో హ్యాట్రిక్ వికెట్లు, అఫ్గాన్‌తో 3వ వన్డేలో అరుదైన రికార్డ్

అమెరికాలో ఇరాన్ టీమ్‌కు ఊహించని షాక్, అర్ధరాత్రి US ఖాళీ చేయాలని ఆర్డర్.. కోచ్ ఫైర్..!