Tilak Varma Fitness T20 World Cup | గాయం నుంచి పూర్తిగా కోలుకున్న తిలక్ వర్మ
టీమ్ ఇండియా ఫ్యాన్స్ కు శుభవార్త. స్టార్ ప్లేయర్ తిలక్ వర్మ ( Tilak Varma ) గాయం నుంచి పూర్తిగా కోలుకున్నాడు. వరల్డ్కప్ కు ( T20 World Cup ) ముందు భారత జట్టుకు ఇది పెద్ద శుభవార్త అని చెప్పొచ్చు. అమెరికాతో జరిగిన వార్మప్ మ్యాచ్లో మంచి ప్రదర్శన కనబర్చాడు తిలక్.
భారత్-ఏ, అమెరికా టీమ్స్ మధ్య జరిగిన ప్రాక్టీస్ మ్యాచ్లో తిలక్ మూడో స్థానంలో బ్యాటింగ్కు వచ్చాడు. 24 బంతుల్లో 38 పరుగులు చేశాడు. తిలక్ ఇన్నింగ్స్లో మూడు ఫోర్లు, రెండు సిక్స్లు ఉన్నాయి. స్పీడ్గా ఆడే క్రమంలో అవుట్ అయ్యాడు. విజయ్ హజారే ట్రోఫీ ( Vijay Hazare Trophy ) ఆడుతున్నప్పుడు తిలక్ వర్మ గాయపడ్డాడు. గాయం తీవ్రత ఎక్కువ ఉండడంతో శస్త్రచికిత్స చేయించుకున్నాడు. ఈ కారణంతోనే న్యూజిలాండ్తో జరిగిన టీ20 సిరీస్కు దూరమయ్యాడు.
ఇప్పుడు తిలక్ పూర్తిగా కొలొకోవడంతో తిరిగి టీమ్ లోకి చేరాడు. వార్మ్ అప్ మ్యాచ్ లో తిలక్, ఓపెనర్ నారాయణ్ జగదీశన్తో కలిసి రెండో వికెట్కు 113 పరుగుల కీలక భాగస్వామ్యం నెలకొల్పాడు. తిలక్ బౌలింగ్లో కూడా ఒక ఓవర్ వేసి ఆండ్రీస్ గౌస్ వికెట్ పడగొట్టాడు.
టాప్ హెడ్ లైన్స్
ట్రెండింగ్ వార్తలు
