IAS Transfers: ఏపీలో భారీగా ఐఏఎస్‌ల బదిలీ.. ఏపీటీడీసీ ఎండీ బాధ్యతల నుంచి అమ్రపాలి కాటా రిలీవ్

ఏపీ ప్రభుత్వం భారీగా ఐఏఎస్, ఐఎఫ్ఎస్ అధికారులను బదిలీ చేస్తూ ఉత్తర్వులు జారీ చేసింది. పర్యాటక, విద్యా, రవాణా తదితర కీలక శాఖలకు కొత్త అధికారులను నియమించింది.

ఏపీలో భారీగా ఐఏఎస్‌ల బదిలీ

Source : Abp desam

Show Quick Read

Key points generated by AI, verified by newsroom

• ఆంధ్రప్రదేశ్ ప్రభుత్వం భారీగా ఐఏఎస్, ఐఎఫ్‌ఎస్ అధికారులను బదిలీ చేసింది.
• పర్యాటకం, విద్య, ఆరోగ్య, రవాణా శాఖలకు కొత్త అధికారులు వచ్చారు.
• ఏపీటీడీసీకి పట్నంశెట్టి రవి సుభాష్, ఆమ్రపాలి రిలీవ్ అయ్యారు.
• గోదావరి పుష్కరాలు, టీటీడీకి ప్రత్యేక, జాయింట్ అధికారులను నియమించారు.

ఆంధ్రప్రదేశ్ రాష్ట్ర ప్రభుత్వం పరిపాలనలో భారీ మార్పులు చేపట్టింది. 20 మంది ఐఏఎస్, ఐఎఫ్ఎస్ అధికారులను బదిలీ చేస్తూ, కొత్త పోస్టింగ్‌లు కేటాయిస్తూ రాష్ట్ర ప్రభుత్వ ప్రధాన కార్యదర్శి  సాయిప్రసాద్ ఉత్తర్వులు జారీ చేశారు. ఈ ఉత్తర్వుల ప్రకారం, ఎస్.ఎస్. రావత్‌ను పర్యాటక, సాంస్కృతిక శాఖ ప్రత్యేక ప్రధాన కార్యదర్శిగా, జె. శ్యామలరావును పాఠశాల విద్యాశాఖ ప్రిన్సిపల్ సెక్రటరీగా బదిలీ చేశారు. అలాగే రవాణా, రోడ్లు-భవనాల శాఖ కార్యదర్శిగా కోనా శశిధర్, ఏపీఎస్ఆర్టీసీ జాయింట్ మేనేజింగ్ డైరెక్టర్‌గా ఐఎఫ్ఎస్ అధికారి ఎం. శివప్రసాద్‌ను నియమించారు.

జీఏడీలో రిపోర్ట్ చేయనున్న ఆమ్రపాలి కాటా
పర్యాటక శాఖ అభివృద్ధి సంస్థ (APTDC) ఎండీ బాధ్యతల నుంచి ఆమ్రపాలి కాటాను రిలీవ్ చేస్తూ, తదుపరి పోస్టింగ్ కోసం సాధారణ పరిపాలనా శాఖ (GAD)కు రిపోర్ట్ చేయాలని ప్రభుత్వం ఆదేశించింది. ఆమె స్థానంలో పట్టంశెట్టి రవి సుభాష్‌ను ఏపీటీడీసీ మేనేజింగ్ డైరెక్టర్‌గా నియమిస్తూ, ఏపీపీఎస్సీ సీఈఓ, కార్యదర్శి బాధ్యతలను పూర్తి అదనపు బాధ్యతలుగా (FAC) అప్పగించారు. కాగా, గోదావరి పుష్కరాల నిర్వహణ కోసం ప్రత్యేక అధికారిగా సురేష్ కుమార్‌ను, జాయింట్ స్పెషల్ ఆఫీసర్‌గా నారాయణ భరత్ గుప్తాను నియమించారు. పురావస్తు, మ్యూజియంల కమిషనర్‌గా ముత్యాలరాజు రేవు బాధ్యతలు చేపట్టనున్నారు.

వైద్యారోగ్య, ఇతర శాఖల్లో కూడా పలు కీలక బాధ్యతలను అప్పగించారు. కె.వి.ఎన్. చక్రధర బాబుకు ఆరోగ్య, కుటుంబ సంక్షేమ కమిషనర్, నేషనల్ హెల్త్ మిషన్ ఎండీగా ఎఫ్ఏసీ బాధ్యతలు ఇచ్చారు. హౌసింగ్ శాఖ ప్రత్యేక కార్యదర్శిగా హెప్సిబా రాణి కొర్లపాటిని నియమించి, ఏపీ హౌసింగ్ కార్పొరేషన్ వీసీ అండ్ ఎండీగా ఎఫ్ఏసీ అప్పగించారు. పి. అరుణ్ బాబు డ్రగ్ కంట్రోల్ అడ్మినిస్ట్రేషన్ డైరెక్టర్ జనరల్‌గా, ప్రఖర్ జైన్ వీఎమ్‌ఆర్‌డీఏ కమిషనర్‌గా నియమితులయ్యారు. ఏపీ స్టేట్ ఫైబర్ నెట్ ఎండీగా గీతాంజలి శర్మ, విపత్తు నిర్వహణ శాఖ డైరెక్టర్‌గా చేతన్ టి.ఎస్.లకు అదనపు బాధ్యతలు ఇచ్చారు.  

తిరుపతి మున్సిపల్ కార్పొరేషన్ కమిషనర్‌గా ఎం. జయకృష్ణ నియమితులు కాగా, తిరుమల తిరుపతి దేవస్థానం (టీటీడీ) జాయింట్ ఎగ్జిక్యూటివ్ ఆఫీసర్ (హెల్త్ అండ్ ఎడ్యుకేషన్) బాధ్యతలను ప్రభల గోపీనాథ్‌కు అప్పగిస్తూనే, రిటైర్డ్ ఐఏఎస్ అధికారి డాక్టర్ ఎ. శరత్‌ను కూడా అదే హోదాలో కొనసాగించారు. ఎన్టీఆర్ వైద్య సేవా ట్రస్ట్ ఈఓగా ఎ.ఎ.ఎల్. పద్మావతిని, ఏపీ స్వచ్ఛ ఆంధ్ర కార్పొరేషన్ ఎండీగా ఐఎఫ్ఎస్ అధికారి బి. సునీల్ కుమార్ రెడ్డికి ఎఫ్ఏసీ బాధ్యతలు అప్పగించారు.

ఆంధ్రప్రదేశ్లో IAS అధికారుల బదిలీలు, నియామకాలు...

ఎస్ ఎస్. రావత్ – పర్యాటక, సాంస్కృతిక శాఖ ప్రత్యేక ప్రధాన కార్యదర్శిగా బదిలీ.

జె. శ్యామలరావు – పాఠశాల విద్యాశాఖ ప్రిన్సిపల్ సెక్రటరీగా బదిలీ.

అమ్రపాలి కాటా – ఏపీటీడీసీ ఎండీ బాధ్యతల నుంచి రిలీవ్. తదుపరి పోస్టింగ్ కోసం GADకు రిపోర్ట్ చేయాలని ఆదేశం.

కోనా శశిధర్ – రవాణా, రోడ్లు భవనాల శాఖ కార్యదర్శిగా నియామకం.

ఎం. శివ ప్రసాద్, IFS – ఏపీఎస్‌ఆర్టీసీ జాయింట్ మేనేజింగ్ డైరెక్టర్‌గా బదిలీ.

పట్టంశెట్టి రవి సుభాష్ – ఏపీటీడీసీ మేనేజింగ్ డైరెక్టర్‌గా నియామకం. APPSCలో CEO, సెక్రటరీ పోస్టులకు FAC బాధ్యతలు.

కె.వి.ఎన్. చక్రధర బాబు – ఆరోగ్య, కుటుంబ సంక్షేమ కమిషనర్, నేషనల్ హెల్త్ మిషన్ ఎండీగా FAC బాధ్యతలు.

హెప్సిబా రాణి కొర్లపాటి – హౌసింగ్ శాఖ ప్రత్యేక కార్యదర్శిగా నియామకం; ఏపీ హౌసింగ్ కార్పొరేషన్ వైస్ చైర్మన్, ఎండీగా FAC.

పి. అరుణ్ బాబు – డ్రగ్ కంట్రోల్ అడ్మినిస్ట్రేషన్ డైరెక్టర్ జనరల్‌గా నియామకం.

సురేష్ కుమార్ – గోదావరి పుష్కరాల ప్రత్యేక అధికారిగా నియామకం.

నారాయణ భరత్ గుప్తా – గోదావరి పుష్కరాల జాయింట్ స్పెషల్ ఆఫీసర్‌గా నియామకం.

ముత్యాలరాజు రేవు – పురావస్తు, మ్యూజియంల కమిషనర్‌గా బదిలీ.

ఎన్. తేజ్ భరత్ – విశాఖపట్నం మెట్రోపాలిటన్ రీజియన్ డెవలప్‌మెంట్ అథారిటీ కమిషనర్ బాధ్యతల నుంచి రిలీవ్.

ప్రఖర్ జైన్ – విశాఖపట్నం మెట్రోపాలిటన్ రీజియన్ డెవలప్‌మెంట్ అథారిటీ కమిషనర్‌గా నియామకం.

గీతాంజలి శర్మ – ఏపీ స్టేట్ ఫైబర్‌నెట్ లిమిటెడ్ ఎండీగా FAC బాధ్యతలు.

చేతన్ టి.ఎస్. – డైరెక్టర్, డిజాస్టర్ మేనేజ్‌మెంట్‌గా FAC బాధ్యతలు.

డా. ఎ. శరత్ (రిటైర్డ్ IAS) – తిరుమల తిరుపతి దేవస్థానాల జాయింట్ ఎగ్జిక్యూటివ్ ఆఫీసర్ (హెల్త్ & ఎడ్యుకేషన్)గా కొనసాగింపు.

టీటీడీలో హెల్త్ & ఎడ్యుకేషన్ విభాగానికి జాయింట్ ఈవోగా డా. ఎ. శరత్ కొనసాగింపు.

ప్రభల గోపీనాథ్‌కు టీటీడీ జేఈవో (హెల్త్ & ఎడ్యుకేషన్) బాధ్యతలు.

ప్రభల గోపీనాథ్ – టీటీడీ జాయింట్ ఎగ్జిక్యూటివ్ ఆఫీసర్ (హెల్త్ & ఎడ్యుకేషన్)గా నియామకం.

ఎ.ఎ.ఎల్. పద్మావతి – ఎన్‌టీఆర్ వైద్య సేవా ట్రస్ట్ ఎగ్జిక్యూటివ్ ఆఫీసర్‌గా FAC బాధ్యతలు.

ఎం. జయకృష్ణ – తిరుపతి మున్సిపల్ కార్పొరేషన్ కమిషనర్‌గా నియామకం.

బి. అనిల్ కుమార్ రెడ్డి – ఏపీ స్వచ్ఛ ఆంధ్ర కార్పొరేషన్ ఎండీ బాధ్యతల నుంచి రిలీవ్.

బి. సునీల్ కుమార్ రెడ్డి, IFS – ఏపీ స్వచ్ఛ ఆంధ్ర కార్పొరేషన్ మేనేజింగ్ డైరెక్టర్‌గా FAC బాధ్యతలు.

తిరుపతి మున్సిపల్ కార్పొరేషన్‌కు కొత్త కమిషనర్‌గా ఎం. జయకృష్ణ IAS.

ఎన్‌టీఆర్ వైద్య సేవా ట్రస్ట్‌కు ఎ.ఎ.ఎల్. పద్మావతికి FAC బాధ్యతలు.