Harbajan Singh about Abhishek Sharma T20 World Cup | అభిషేక్ శర్మ vs ఉస్మాన్ తారిఖ్
భారత్-పాక్ మహా యుద్ధం నేడు కొలంబో వేదికగా జరగనుంది. ఈ హై-వోల్టేజ్ మ్యాచ్లో అందరి దృష్టి పాకిస్థాన్ మిస్టరీ స్పిన్నర్ ఉస్మాన్ తారిఖ్ ( Usman Tariq ) మరియు భారత యువ హిట్టర్ అభిషేక్ శర్మ ( Abhishek Sharma ) మధ్య జరగబోయే పోరుపైనే నెలకొంది.
ప్రస్తుతం పాక్ జట్టులో హాట్ టాపిక్గా మారిన ఉస్మాన్ తారిఖ్, తన డిఫరెంట్ బౌలింగ్ యాక్షన్తో బ్యాటర్లను తికమక పెడుతున్నాడు. బంతిని విసిరే ముందు క్షణం ఆగి, 'స్టాండ్ అండ్ డెలివరీ' స్టైల్లో వేసే బంతుల వేగాన్ని అంచనా వేయడం బ్యాటర్లకు కష్టమవుతోంది. ఇదే విధంగా తారిఖ్ ఇప్పుడు టీమిండియాను దెబ్బతీయాలని చూస్తున్నాడు.
ఇదే విషయంపై హర్భజన్ సింగ్ ( Harbhajan Singh ) విశ్లేషణ చేసారు. అభిషేక్ తన సహజసిద్ధమైన దూకుడును ప్రదర్శిస్తే, తారిక్ బౌలింగ్ ఏమాత్రం ప్రభావం చూపదు అని అంటున్నాడు. "తారిఖ్ బౌలింగ్ యాక్షన్ను గతంలో ఎదుర్కోని వారు కొంచెం జాగ్రత్తగా ఉండాలి. కానీ అభిషేక్ లాంటి ప్లేయర్ స్పిన్ మాయాజాలాన్ని సులభంగా ఛేదించగలడు" అని మాజీ స్పిన్నర్ హర్భజన్ సింగ్ ధీమా వ్యక్తం చేశారు. తారిఖ్ మ్యాజిక్ వర్కవుట్ అవుతుందా లేక అభిషేక్ బాదుడు ముందు పాక్ తలవంచుతుందా అనేది కొన్ని గంటల్లో తేలిపోనుంది.
టాప్ హెడ్ లైన్స్
ట్రెండింగ్ వార్తలు
