Ind vs Pak Match Highlights | T20 World Cup 2024 ఇంత కంటే హై టెన్షన్ థ్రిల్లర్ చూడలేం | ABP Desam

 అలా కాదండీ ఇక్కడ అర్థం కానిది ఏంటంటే మనోళ్లు చచ్చీ చేడి చెమటోడ్చి పాకిస్థాన్ కి ఇచ్చిన టార్గెట్ 120 పరుగులు. ఎంత బౌలింగ్ పిచ్ అయినా టీ20ల్లో అది జుజుబీ. పాకిస్థాన్  కూడా ఏదో పడుతూ లేస్తూ ఆడేస్తుంది. మన బౌలర్లు ఏమో అంతంత మాత్రంగానే వేస్తున్నారు. పరుగులు అయితే ఆపుతున్నారు వికెట్లు మాత్రం పడటం లేదు.ఆ ఇంక ఏముందిలే అర్థరాత్రైపోయింది పడుకోండి అని రావు రమేష్ స్టైల్ లో భారతీయ అభిమానులు వాళ్లకు వాళ్లు సర్ది చెప్పుకుంటున్న టైమ్ లో వచ్చాడండీ ఒకడు.  అసలు ఆశలు లేని మ్యాచ్ లో ఆశలు కల్పిస్తూ. బూమ్ బూమ్ బ్రాండ్ తాగినా రాని కిక్కును తన పదునైన యార్కర్లతో ఎక్కిస్తూ పాకిస్థాన్ కు అయితే పిచ్చెక్కించాడు. ఆఖరి మూడు ఓవర్లలో ముఫై పరుగులు చేస్తే చాలు పాకిస్థానోళ్లు గెలిచిపోతారు చేతిలో ఇంకా ఐదు వికెట్లు ఉన్నాయి కూడా. అయినా సరే వరల్డ్ కప్పుల్లో మా మీద మీకంత సీన్ లేదనురా అన్నట్లు...గెలిచేద్దామని ఆల్మోస్ట్ ఫిక్స్ అయిన బాబర్ అజామ్ బ్యాచ్ కి పట్టపగలే న్యూయార్క్ లో చుక్కలు చూపించారు. చేతుల్లో ఉన్న మ్యాచ్ ను ఇది నాదే అన్నట్లు లాగేసుకుని పాక్ ను 113 పరుగులకే పరిమితం చేశారు. బుమ్రా అన్నకు దండేసి దణ్ణం పెట్టాలి. నువ్వున్నావు కాబట్టి సరిపోయింది కానీ లేదంటే పాక్ మన మొహాల మీదకు వచ్చి మోయే మోయే అనేది. వరల్డ్ కప్పు పోయినా పర్లేదు పాక్ మీద ఓడిపోవటమే దారుణం అనే ఇబ్బంది టీమిండియా ఫ్యాన్స్ కి రాకుండా చేసినందుకు రొంబ రొంబ నండ్రి బ్రదర్సూ.