Actors Bike Crazy: టాలీవుడ్ హీరోల వద్ద దూసుకెళ్లే బైక్స్.. ఎవ‌రితో ఎన్ని ఉన్నాయంటే!
సినిమాల్లో బైక్ స్టంట్స్‌తో అదరగొట్టే హీరోలు, రియల్ లైఫ్‌లో కూడా బైక్ రైడింగ్ అంటే పిచ్చ క్రేజ్. ఇదే కొన్నిసార్లు ఇబ్బందుల్లోకి నెడుతోంది. తాజాగా సాయి ధరమ్ తేజ్ స్పోర్ట్స్ బైక్‌పై రైడ్‌కి వెళ్లి గాయపడ్డాడు. అసలు మన హీరోలకు బైక్ రైడింగ్ అంటే ఎందుకంత ఇష్టం..? ఎవరెవరికి ఎలాంటి బైక్స్ ఉన్నాయో ఓ లుక్కేద్దాం. పవన్ కల్యాణ్‌కి బైక్‌లంటే పిచ్చి.. అదే ఇష్టం మేనల్లుడు సాయి ధరమ్ తేజ్‌కి వచ్చింది. హార్లే డేవిడ్ సన్ బైక్‌ని తొలిసారిగా ఇంపోర్ట్ చేసుకున్న హీరోగా పవన్ అప్పట్లో పాపులర్‌ అయ్యారు. ఆయన సినిమాల్లో కూడా ఇంపోర్టెడ్ బైక్స్ ఎక్కువగా కనిపిస్తుంటాయి. రాజకీయాల్లో బిజీ కాకముందు హైదరాబాద్ రోడ్లపై పవన్ చక్కర్లు కొట్టేవారు.
హీరో ప్రభాస్‌కి కూడా ఇంపోర్టెడ్ బైక్స్ అంటే ఇష్టం. తన కూడా ఎక్కువగా కాస్ట్ లీ బైక్స్‌పై కనిపిస్తుంటారు. ప్రభాస్ వద్ద ఇప్పుడు 6 వెరైటీ బైక్స్ ఉన్నాయట. బైక్ లంటే బాగా ఇష్టపడే మరో తెలుగు హీరో జూనియర్ ఎన్టీఆర్. ఏపీలో తొలి హార్లే డేవిడ్ సన్ బైక్ షో రూం ఓపెన్ చేసింది తారక్ చేతుల మీదుగానే. తారక్ కూడా ఫ్రీ టైమ్‌లో హైదరాబాద్ రోడ్లపై తిరుగుతుంటారు. ఎన్టీఆర్ వద్ద కూడా ఇంపోర్టెడ్ బైక్స్ ఉన్నాయి. ఈ మధ్యే లంబార్డీ కారు ఇంపోర్డ్ చేసుకున్నారు. ఫ్యామిలీతో కలసి బైక్‌పై వెళ్లడానికి అల్లు అర్జున్ బాగా ఇష్టపడతారట. అల్లు హీరోస్ ఇద్దరి దగ్గర 5 కాస్ట్ లీ బైక్స్ ఉన్నాయట. సాయిధరమ్ తేజ్ వద్ద కూడా కాస్ట్లీ బైక్స్ చాలానే ఉన్నాయి. ముగ్గురు నలుగు స్నేహితులతో హైదరాబాద్‌లో రైడ్‌కు వెళ్లడం తేజ్‌కు చాలా ఇష్టం. అలానే వెళ్తూ ప్రమాదంలో చిక్కుకున్నాడు తేజ్.
టాప్ హెడ్ లైన్స్
ట్రెండింగ్ వార్తలు
