Lakshimi Raave Maa Intiki  Serial Today March 5th: లాయర్‌ను ఎందుకు కలిశారంటూ గోపిని నిలదీసిన శ్రీలక్ష్మీ...? సూర్యనారాయణ దగ్గర తెలివిగా తప్పించుకున్న సింధూజాక్షి

Lakshimi Raave Maa Intiki  Serial Today Episode March 5th: లాయర్‌ను ఎందుకు కలిశారంటూ గోపిని నిలదీసిన శ్రీలక్ష్మీ...? సూర్యనారాయణ దగ్గర తెలివిగా తప్పించుకున్న సింధూజాక్షి

లక్ష్మీ రావే మా ఇంటికి టుడే ఏపిసోడ్

Source : Zee5

Lakshimi Raave Maa Intiki  Serial Today Episode: షాపింగ్‌ కోసమని గోపీని బయటకు తీసుకెళ్లిన సింధూజాక్షి...నేరుగా వెళ్లి ప్రియంవద తెలిపిన లాయర్‌ను కలుస్తుంది. తమకు వెంటనే విడాకులు కావాలని వాళ్లు అడుగుతారు. నిబంధనల ప్రకారం మీకు విడాకులు కావాలంటే మీరు కనీసం ఏడాదిపాటు విడిగా ఉండాలని లాయర్ చెబుతాడు. మ్యూచ్‌వల్ డైవర్స్‌ కేసు అయినా సరే 6 నెలల నుంచి 18 నెలల వరకు పడుతుందని చెప్పడంతో సింధూ ఆందోళనపడుతుంది.

 

నాకు అంత టైం లేదని...వెంటనే కావాలని అడుగుతుంది. ప్రియంవద గారు చెప్పారు కాబట్టి 6నెలల్లో ఇప్పించడానికి ప్రయత్నిస్తానని చెబుతాడు. సరేనంటూ వాళ్లిద్దరూ డైవర్స్‌ పేపర్లపై సంతకాలు చేసి బయటకు వస్తారు. అప్పడే కాలేజీకి వెళ్తున్న శ్రీలక్ష్మీ వీళ్లను చూసి ఆగుతుంది. వీళ్లేంటి షాపింగ్‌ కోసమని చెప్పి వచ్చి లాయర్‌ను కలిశారని అనుకుంటుంది. గోపిని అడుగుదామని దగ్గరకు వచ్చేసరికి వాళ్లు వెళ్లిపోతారు.అక్కడే ఉన్న లాయర్ అసిస్టెంట్‌ను లక్ష్మీ ఆరా తీస్తుంది. మా లాయర్‌ విడాకులు ఇప్పించడంలో స్పెషలిస్టని...వాళ్లు కూడా అందుకే వచ్చి ఉంటారని చెబుతాడు.

 

లాయర్ దగ్గర నుంచి గోపీ,సింధూ నేరుగా ఇంటికి వెళ్లిపోతారు. అదేంటి సిటీ మొత్తం తిరిగివస్తామని చెప్పి అప్పుడే వచ్చేశారని వాళ్ల నాయనమ్మ అడుగుతుంది.గోపీకి తలనొప్పిగా ఉందని అంటే వచ్చేశామని సింధూజాక్షి చెప్పి తన గదికి వెళ్లిపోతుంది. అక్కడ ప్రియంవదతోపాటు తన తమ్ముడు, చెల్లితో అసలు విషయం చెప్పి ఆనందంగా గంతులు వేస్తుంది.ఆరునెలల్లో నాకు విడాకులు రాబోతున్నాయని...ఇక నేను స్వేచ్ఛగా విహరిస్తానని ఆనందపడుతుంది. నువ్వు చెప్పావని లాయర్ 6 నెలల్లోనే విడాకులు ఇప్పిస్తానని చెప్పాడని శ్రీలక్ష్మీ చెబుతుంది. ఇంతలో ఇంటికి వచ్చిన శ్రీలక్ష్మీ నేరుగా అన్న గోపి దగ్గరకు వెళ్లి లాయర్‌ను ఎందుకు కలిశారని నిలదీస్తుంది. మేం లాయర్‌ను కలవడం ఏంటని అంటాడు. మీరు లాయర్‌ను కలవడం నేను చూశానని..మీరు విడాకులు కోసమే ఆ లాయర్‌ దగ్గరకు వెళ్లారు కదా అని అడుగుతుంది.

 

అప్పుడే అక్కడికి వచ్చిన సూర్యనారాయణ శ్రీలక్ష్మీ అబద్ధం చెప్పదని...నువ్వు కూడా చెప్పవనే అనుకుంటున్నాని అంటాడు. లాయర్‌ దగ్గరకు ఎందుకు వెళ్లారని గట్టిగా నిలదీస్తాడు. దీంతో గోపీ తాము లాయర్‌ దగ్గరకు వెళ్లిన మాట వాస్తవమేనని ఒప్పుకుంటాడు. దీంతో భయపడిపోయిన సింధూజాక్షి వెంటనే అక్కడికి వచ్చి మాటమార్చేస్తుంది. గోపీకి తెలిసిన లాయర్‌ హైదరాబాద్‌లో ఉన్నాడంటా...ఇటు వచ్చినప్పుడు ఓసారి కలవమంటే వెళ్లి కలిశామని చెబుతుంది. అంతే కదండీ అని అనగా...గోపీ కూడా అంతే అంటాడు. ఆ లాయర్‌ విడాకులు స్పెషలిస్టు అవ్వడంతో మేం విడాకులు తీసుకోవడానికి వెళ్లామని శ్రీలక్ష్మీ అనుకుని ఉంటుందని అంటుంది. ఇంకా ఇక్కడే ఉంటే ఈ లక్ష్మీ ఏమైనా చెస్తుందని భయపడి వెంటనే భర్తను తీసుకుని వెళ్లిపోతుంది.

 

ప్రియంవద కుమార్తెను చిన్నప్పుడే తప్పించిన నర్సు...మరోసారి ఆమెకు ఫోన్ చేసి డబ్బులు డిమాండ్ చేస్తుంది. ఇక నాదగ్గర నుంచి చిల్లిగవ్వ కూడా రాదని..ఏం చేసుకుంటావో చేసుకోమని చెప్పడంతో ఆమెకు ఏం చేయాలో అర్థంకాదు. బంగారుగుడ్లు పెట్టే బాతు ఇలా అడ్డం తిరిగింది ఏంటని...మదనపడిపోతుండగా..అప్పుడే కోటేశ్వరరావు శ్రీలక్ష్మీని చూడటానికి హైదరాబాద్‌ వస్తాడు. చిన్నప్పుడు ప్రియంవద కుమార్తెను తీసుకుంది ఈ వ్యక్తేనని ఆ నర్సు కోటేశ్వరరావును గుర్తుపడుతుంది.