Vijay Devarakonda, Rashmika Mandanna "The Virosh Wedding" in Udaipur Palace | ఉదయ్‌పూర్లో మొదలైన 'విరోష్' పెళ్లి సందడి

టాలీవుడ్ మోస్ట్ క్రేజీ కపుల్‌గా ఫ్యాన్స్ లో గుర్తింపు తెచ్చుకున్న విజయ్ దేవరకొండ ( Vijay Deverakonda ), రష్మిక మందన్న ( Rashmika Mandanna ) ఫైనల్ గా పెళ్లి చేసుకోబోతున్నారు. కొన్ని రోజులుగా వీరి పెళ్లి విషయం ట్రేండింగ్ టాపిక్ గా మారింది. త్వరలోనే పెళ్లి చేసుకోబోతున్నారని ఎన్నో వార్తలు వచ్చాయి. కానీ ఎవరు ఎలాంటి కంఫోర్మషన్ ఇవ్వలేదు. 

కాగా పెళ్ళికి నాలుగు రోజుల ముందు తమ ప్రేమను అధికారికంగా ప్రకటించారు ఈ క్రేజీ కపుల్‌. సోషల్ మీడియా వేదికగా పెళ్లి ప్రకటన చేసారు. ''మేం ఏదైనా ప్లాన్ చేసే ముందు, మా కోసం మేం ఎంపిక చేసుకునే ముందు... మా కంటే ముందు మీరు ఉన్నారు. మీరు ఎంతో ప్రేమతో మాకు ఒక పేరు ఇచ్చారు... 'విరోష్'. ఇవాళ మనస్ఫూర్తిగా మిమ్మల్ని గౌరవిస్తూ... మేం జంటగా మీ ముందుకు వస్తున్నాం. 'ది వెడ్డింగ్ ఆఫ్ విరోష్' అని పేరు పెట్టాం. మాపై ఎంతో ప్రేమ చూపిస్తున్నందుకు థాంక్స్'' అని విజయ్, రష్మిక పేర్కొన్నారు. 

అయితే వీరి వివాహం రాజస్థాన్ లోని ఉదయ్‌పూర్ ప్యాలస్ లో జరుగుతుంది. రష్మిక, విజయ్ ఇప్పటికే ఉదయ్‌పూర్ చేరుకోవడంతో పెళ్ళి సందడి మొదలయింది. ఇందుకు సంబందించిన వీడియోలు సోషల్ మీడియాలో వైరల్ అవుతున్నాయి. వీరి వివాహ రిసెప్షన్ మార్చ్ నాలుగు తేదీన హైదరాబాద్ లో గ్రాండ్ గా జరగనుంది.