Moto Edge X30: 60 మెగాపిక్సెల్ సెన్సార్, రెండు 50 మెగాపిక్సెల్ కెమెరాలు.. మోటొరోలా సూపర్ ఫోన్ వచ్చింది!
ప్రముఖ స్మార్ట్ ఫోన్ బ్రాండ్ మోటొరోలా తన కొత్త ఫ్లాగ్షిప్ ఫోన్ను లాంచ్ చేసింది. అదే మోటో ఎడ్జ్ ఎక్స్30.
మోటొరోలా తన కొత్త ఫ్లాగ్ షిప్ స్మార్ట్ ఫోన్ ఎడ్జ్ ఎక్స్30ని చైనాలో లాంచ్ చేసింది. ఇందులో క్వాల్కాం స్నాప్డ్రాగన్ 8 జెన్ 1 ప్రాసెసర్ను అందించారు. ఇందులో 144 హెర్ట్జ్ ఓఎల్ఈడీ డిస్ప్లేను అందించారు. వెనకవైపు మూడు కెమెరాలు కూడా అందించారు. 68W ఫాస్ట్ చార్జింగ్ను కూడా ఇది సపోర్ట్ చేయనుంది.
మోటో ఎడ్జ్ ఎక్స్30 ధర
ఇందులో మూడు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర 3,199 యువాన్లుగా(సుమారు రూ.38,000) నిర్ణయించారు. 8 జీబీ ర్యామ్ + 256 జీబీ స్టోరేజ్ వేరియంట్ ధర 3,399 యువాన్లుగానూ(సుమారు రూ.40,400), 12 జీబీ ర్యామ్ + 256 జీబీ స్టోరేజ్ వేరియంట్ ధర 3,599 యువాన్లుగానూ (సుమారు రూ.42,800) ఉంది. చైనాలో డిసెంబర్ 15వ తేదీ నుంచి వీటి సేల్ ప్రారంభం కానుంది. మనదేశంలో ఇవి ఎప్పుడు లాంచ్ కానున్నాయో తెలియరాలేదు.
మోటో ఎడ్జ్ 30 స్పెసిఫికేషన్లు
ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.8 అంగుళాల పీఓఎల్ఈడీ డిస్ప్లేను అందించారు. దీని యాస్పెక్ట్ రేషియో 20:9గా ఉంది. 144 హెర్ట్జ్ స్క్రీన్ రిఫ్రెష్ రేట్, హెచ్డీఆర్10+ సపోర్ట్ కూడా ఇందులో ఉన్నాయి. ఆక్టాకోర్ స్నాప్డ్రాగన్ 8 జెన్ 1 ప్రాసెసర్ను ఇందులో అందించారు. 12 జీబీ వరకు ర్యామ్ ఇందులో ఉంది. 256 జీబీ స్టోరేజ్ కూడా ఇందులో ఉంది.
ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 50 మెగాపిక్సెల్ వైడ్ యాంగిల్ లెన్స్, 2 మెగాపిక్సెల్ డెప్త్ సెన్సార్ ఉండనుంది. సెల్ఫీలు, వీడియో కాల్స్ కోసం ముందువైపు 60 మెగాపిక్సెల్ సెన్సార్ను అందించారు. ఈ సెన్సార్ డిస్ప్లే కింద ఉండనుంది.
దీని బ్యాటరీ సామర్థ్యం 5000 ఎంఏహెచ్గా ఉంది. 68W టర్బోపవర్ ఫాస్ట్ చార్జింగ్ను ఇది సపోర్ట్ చేయనుంది. 5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్సీ, యూఎస్బీ టైప్-సీ పోర్టు కూడా ఇందులో ఉన్నాయి. దీంతోపాటు యాక్సెలరోమీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్ కూడా ఇందులో అందించారు. దీని మందం 0.85 సెంటీమీటర్లు కాగా, బరువు 194 గ్రాములుగా ఉంది.
Also Read: Honor 60: 108 మెగాపిక్సెల్ కెమెరాతో హానర్ కొత్త ఫోన్.. వ్లాగర్ల కోసం ప్రత్యేక ఫీచర్ కూడా!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్లో ఇలా చేస్తే చాలు.. కొత్త ఆధార్ ఇంటికి!
Also Read: Moto G51 5G: అత్యంత చవకైన మోటో 5జీ ఫోన్ వచ్చేస్తుంది.. మరో వారంలో లాంచ్.. ధర ఎంతంటే?
Also Read: Redmi New Phone: రెడ్మీ కొత్త ఫోన్ వచ్చేసింది.. 8 జీబీ ర్యామ్.. ధర ఎంతంటే?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
