ZTE Axon 40 Ultra: ఒకే ఫోన్‌లో మూడు 64 మెగాపిక్సెల్ కెమెరాలు - అదిరిపోయే ఫీచర్లు - ధర ఎంతంటే?
ప్రముఖ స్మార్ట్ ఫోన్ బ్రాండ్ జెడ్‌టీఈ తన కొత్త స్మార్ట్ ఫోన్ యాక్సాన్ 40 అల్ట్రాను లాంచ్ చేసింది. ఇందులో వెనకవైపు మూడు 64 మెగాపిక్సెల్ కెమెరాలు ఉన్నాయి.
జెడ్‌టీఈ యాక్సాన్ 40 అల్ట్రా స్మార్ట్ ఫోన్ చైనాలో లాంచ్ అయింది. ఇందులో అండర్ డిస్‌ప్లే సెల్ఫీ కెమెరా, వెనకవైపు మూడు 64 మెగాపిక్సెల్ కెమెరాలు ఉన్నాయి. దీని బ్యాటరీ సామర్థ్యం 5000 ఎంఏహెచ్‌గా ఉంది. కర్వ్‌డ్ అమోఎల్ఈడీ డిస్‌ప్లేతో ఈ ఫోన్ తీసుకువచ్చారు. గతంలో లాంచ్ అయిన యాక్సాన్ 30 సిరీస్‌కు తర్వాతి వెర్షన్‌గా ఇవి లాంచ్ అయ్యాయి.
జెడ్‌టీఈ యాక్సాన్ 40 అల్ట్రా ధర
8 జీబీ ర్యామ్ + 256 జీబీ స్టోరేజ్ ఉన్న బేస్ వేరియంట్ ధరను 4,998 యువాన్లుగా (సుమారు రూ.57,500) నిర్ణయించారు. మిగతా వేరియంట్ల ధర ఇంకా ప్రకటించలేదు. బ్లాక్, సిల్వర్ కలర్ ఆప్షన్లలో ఈ ఫోన్ కొనుగోలు చేయవచ్చు. మనదేశంలో ఈ ఫోన్ లాంచ్ అవుతుందో లేదో తెలియరాలేదు.
జెడ్‌టీఈ యాక్సాన్ 40 అల్ట్రా స్పెసిఫికేషన్లు
ఇందులో 6.8 అంగుళాల ఫుల్ హెచ్‌డీ+ కర్వ్‌డ్ అమోఎల్ఈడీ డిస్‌ప్లేను అందించారు. దీని యాస్పెక్ట్ రేషియో 20:9గానూ, స్క్రీన్ రిఫ్రెష్ రేట్ 120 హెర్ట్జ్‌గానూ ఉంది. క్వాల్‌కాం స్నాప్‌డ్రాగన్ 8 జెన్ 1 ప్రాసెసర్‌పై ఈ ఫోన్ పనిచేయనుంది. 16 జీబీ వరకు ఎల్పీడీడీఆర్5 ర్యామ్, 1 టీబీ వరకు యూఎఫ్ఎస్ 3.1 స్టోరేజ్ ఇందులో ఉన్నాయి.
ఆండ్రాయిడ్ 12 ఆధారిత మైఓఎస్ 12 ఆపరేటింగ్ సిస్టంపై ఈ ఫోన్ పనిచేయనుంది. 5000 ఎంఏహెచ్ బ్యాటరీని ఇందులో అందించారు. డీటీఎస్ ఎక్స్ అల్ట్రా టెక్నాలజీ ఉన్న డ్యూయల్ స్టీరియో స్పీకర్లు జెడ్‌టీఈ యాక్సాన్ 40 అల్ట్రాలో ఉన్నాయి. ఇన్ డిస్‌ప్లే ఫింగర్ ప్రింట్ సెన్సార్‌ను ఇందులో అందించడం విశేషం.
ఇక కెమెరాల విషయానికి వస్తే... ఫోన్ వెనకవైపు మూడు 64 మెగాపిక్సెల్ కెమెరాలు ఉన్నాయి. వీటిలో ఒకటి ప్రధాన కెమెరా కాగా... మరొకటి వైడ్ యాంగిల్ లెన్స్, ఇంకోటి పెరిస్కోపిక్ టెలిఫొటో లెన్స్. ముందువైపు అండర్ డిస్‌ప్లే కెమెరాను జెడ్‌టీఈ ఇందులో అందించడం విశేషం.
View this post on Instagram
టాప్ హెడ్ లైన్స్
ట్రెండింగ్ వార్తలు
