Realme GT Neo 3: థోర్ ఫ్యాన్స్‌కు గుడ్‌న్యూస్ - స్పెషల్ ఎడిషన్ ఫోన్ వచ్చేస్తుంది!

రియల్‌మీ జీటీ నియో 3 థోర్ లవ్ అండ్ థండర్ ఎడిషన్ జులై 7వ తేదీన లాంచ్ కానుంది.

రియల్‌మీ జీటీ నియో 3 మార్వెల్ ఎడిషన్ జులై 7వ తేదీన లాంచ్ కానుంది.

రియల్‌మీ జీటీ నియో 3 స్మార్ట్ ఫోన్ స్పెషల్ ఎడిషన్ త్వరలో లాంచ్ కానుంది. ఈ స్మార్ట్ ఫోన్‌కు సంబంధించిన థోర్: లవ్ అండ్ థండర్ లిమిటెడ్ ఎడిషన్ జులై 7వ తేదీన మనదేశంలో లాంచ్ కానుంది. థోర్: లవ్ అండ్ థండర్ సినిమా కూడా అదే రోజున మనదేశంలో విడుదల కానుంది. ఇతర ప్రపంచ మార్కెట్లలో ఈ సినిమా జులై 8వ తేదీన విడుదల కానుండగా మనదేశంలో మాత్రం ఒక్కరోజు ముందే ఈ సినిమాను ప్రదర్శించనున్నారు.

మార్వెల్ స్టూడియోస్ భాగస్వామ్యంతో ఈ ప్రత్యేకమైన ఫోన్‌ను రియల్‌మీ లాంచ్ చేయనుంది. ఈ ఫోన్‌కు సంబంధించిన టీజర్‌లో ఈ ఫోన్ 150W ఫాస్ట్ చార్జింగ్ కెపాసిటీని సపోర్ట్ చేయనుందని తెలిపారు. 12 జీబీ ర్యామ్ + 256 జీబీ స్టోరేజ్, నిట్రో బ్లూ కలర్ ఆప్షన్‌తో ఈ ఫోన్ లాంచ్ కానుందని వార్తలు వస్తున్నాయి.

రియల్‌మీ జీటీ నియో 3 స్పెసిఫికేషన్లు
ఇందులో 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. టచ్ శాంప్లింగ్ రేట్ ఏకంగా 1000 హెర్ట్జ్‌గా ఉండటం విశేషం. సెల్ఫీ కెమెరా కోసం పంచ్ హోల్‌ను అందించారు. ఆక్టాకోర్ మీడియాటెక్ డైమెన్సిటీ 8100 ప్రాసెసర్‌పై ఈ ఫోన్ పనిచేయనుంది. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉండనున్నాయి.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది. ఆండ్రాయిడ్ 12 ఆధారిత రియల్‌మీ యూఐ 3.0 స్కిన్‌పై రియల్‌మీ జీటీ నియో 3 పనిచేయనుంది.

5జీ, డ్యూయల్ 4జీ ఎల్టీఈ, వైఫై 6ఈ, బ్లూటూత్ వీ5.2, జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు వంటి ఫీచర్లు ఉన్నాయి. దీని బ్యాటరీ సామర్థ్యం 4500 ఎంఏహెచ్ కాగా, 150W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. ఇన్ డిస్‌ప్లే ఫింగర్ ప్రింట్ సెన్సార్ కూడా ఇందులో అందించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by TechnoBugg (@technobugg)