OnePlus 13 mini: వన్ప్లస్ 13కు కొనసాగింపుగా మినీ.. ఎప్పుడు విడుదల కానుందంటే?
OnePlus 13 mini: ప్రముఖ స్మార్ట్ ఫోన్ల తయారీ సంస్థ వన్ప్లస్ త్వరలో మరో కొత్త ఫోన్ను విడుదల చేయనుంది. ఈ ఫోన్ను వన్ప్లస్ 13 మినీగా అందుబాటులోకి తీసుకురానుంది.
OnePlus 13 mini: ప్రముఖ స్మార్ట్ ఫోన్ల తయారీ సంస్థ వన్ప్లస్ (OnePlus) త్వరలో మరో కొత్త ఫోన్ను విడుదల చేయనుంది. ఈ ఫోన్ను వన్ప్లస్ 13 మినీగా అందుబాటులోకి తీసుకురానుంది. ఇదిఇప్పటికే ఉన్న వన్ప్లస్ 13 సిరీస్‌కు కొనసాగింపుగా మార్కెట్లో ప్రవేశపెట్టనుంది. వన్ప్లస్ మొట్టమొదటిసారిగా ‘మినీ’ మోనికర్‌తో ఈ ఫోన్ను ప్రారంభించనుండడం విశేషం. ఈ ఏడాది మార్చిలో ఈ ఫోన్ను అందుబాటులోకి తేనున్నట్లు సమాచారం. అయితే ఈ ఫోన్ను చైనీస్ మార్కెట్ వెలుపల విడుదల చేస్తుందా లేదా అనేది స్పష్టంగా తెలియడంలేదు.
ట్రిపుల్ కాదు.. డ్యూయల్ కెమెరానే..
వన్ప్లస్ మినీ ఫోన్ ట్రిపుల్–కెమెరా సెటప్‌తో విడుదల కానుందని గతంలో లీక్ వెల్లడించింది. అయితే తాజా నివేదికల ప్రకారం ట్రిపుల్ కెమెరా కాకుండా డ్యూయల్ కెమెరా సిస్టమ్‌ మాత్రమే ఉండనున్నట్లు తెలుస్తోంది. టిప్‌స్టర్ డిజిటల్ చాట్ స్టేషన్ ప్రకారం.. వన్ప్లస్ 13 మినీలో 50MP ప్రైమరీ సెన్సార్ మరియు 2X ఆప్టికల్ జూమ్‌తో కూడిన 50MP టెలిఫోటో లెన్స్ ఉండనున్నాయి. ఈ సదుపాయంతో ఫోన్ అల్ట్రా-వైడ్ యాంగిల్ కెమెరాతో రాకపోవచ్చు. కెమెరాలను బార్ ఆకారపు మాడ్యూల్‌లో నిలువుగా అమర్చనున్నారు.
Also Read: ఈ యాప్ ఉంటే చాలు సైబర్ కాల్స్ రావు- కొట్టేసిన ఫోన్ బ్లాక్ అవుతుంది
ఫ్లాగ్‌షిప్ వన్ప్లస్ 13లో ఉపయోగించిన అదే ప్రాసెసర్..
ఫ్లాగ్‌షిప్ వన్ప్లస్ 13లో ఉపయోగించిన అదే ప్రాసెసర్ స్నాప్‌డ్రాగన్ 8 ఎలైట్ చిప్‌సెట్‌తో ఫోన్ పవర్ చేయనున్నట్లు తెలుస్తోంది. ఇది అల్ట్రాసోనిక్‌కు బదులుగా 6.3 అంగుళాల డిస్‌ప్లే, ఆప్టికల్ ఫింగర్ ప్రింట్ స్కానర్‌ను కలిగి ఉండవచ్చు. గ్లాస్ బ్యాక్, మెటల్ ఫ్రేమ్‌తో తయారయ్యే ఈ ఫోన్ ప్రీమియం లుక్ను అందించనుంది. ఈ ఫోన్కు సంబంధించిన ధరలు, ఇతర వివరాలు త్వరలోనే వెల్లడి కానున్నట్లు తెలుస్తోంది.
Also Read: ఆండ్రాయిడ్ ఫోన్లు వాడేవారికి ప్రభుత్వం హెచ్చరిక.. ఇప్పుడేం చేయాలంటే ?
టాప్ హెడ్ లైన్స్
ట్రెండింగ్ వార్తలు
