iQOO U5 5G: కొత్త సంవత్సరానికి సూపర్ స్టార్ట్.. రూ.15 వేలలోనే 5జీ ఫోన్.. సేల్ జనవరి 1 నుంచే!
ఐకూ యూ5 5జీ స్మార్ట్ ఫోన్ సేల్ జనవరి 1వ తేదీ నుంచి ప్రారంభం కానుంది.
వివో సబ్ బ్రాండ్ ఐకూ కొత్త సంవత్సరాన్ని కొత్త స్మార్ట్ ఫోన్‌తో ప్రారంభించనుంది. ఈ ఫోన్ ఇప్పటికే చైనా మార్కెట్లో లాంచ్ అయింది. 2022 జనవరి 1వ తేదీ నుంచి దీని సేల్ ప్రారంభం కానుంది. ఇందులో క్వాల్‌కాం స్నాప్‌డ్రాగన్ 695 ప్రాసెసర్‌ను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. గతేడాది డిసెంబర్‌లో లాంచ్ అయిన ఐకూ యూ3కి తర్వాతి వెర్షన్‌గా ఐకూ యూ5 5జీ మార్కెట్లో లాంచ్ అయింది.
ఐకూ యూ5 ధర
ఇందులో మూడు వేరియంట్లు అందుబాటులో ఉన్నాయి. వీటిలో 4 జీబీ ర్యామ్ వేరియంట్ ధర 1,299 యువాన్లు (సుమారు రూ.15,300) కాగా, 6 జీబీ ర్యామ్ వేరియంట్ ధర 1,399 యువాన్లుగానూ (సుమారు రూ.16,500), 8 జీబీ ర్యామ్ వేరియంట్ ధర 1,499 యువాన్లుగానూ (సుమారు రూ.17,700) ఉంది. ఇవి ప్రస్తుతానికి చైనాలో మాత్రమే అందుబాటులో ఉన్నాయి. మనదేశంలో ఎప్పుడు లాంచ్ అవుతాయో తెలియరాలేదు. డార్క్ బ్లాక్, మ్యాజిక్ బ్లూ, సిల్వర్ వైట్ కలర్ ఆప్షన్లలో దీన్ని కొనుగోలు చేయవచ్చు.
ఐకూ యూ5 స్పెసిఫికేషన్లు
ఆండ్రాయిడ్ 12 ఆధారిత ఆరిజిన్ఓఎస్ ఓషన్ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.58 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. దీని యాస్పెక్ట్ రేషియో 20:9గా ఉంది. క్వాల్‌కాం స్నాప్‌డ్రాగన్ 695 ప్రాసెసర్‌పై ఈ ఫోన్ పనిచేయనుంది. 8 జీబీ ర్యామ్, 128 జీబీ స్టోరేజ్ ఇందులో ఉంది.
ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 2 మెగాపిక్సెల్ మాక్రో షూటర్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ సెన్సార్‌ను అందించారు.
దీని బ్యాటరీ సామర్థ్యం 5000 ఎంఏహెచ్‌గా ఉంది. 18W ఫాస్ట్ చార్జింగ్‌ను ఇది సపోర్ట్ చేయనుంది. 3.5 ఎంఎం హెడ్‌ఫోన్ జాక్, యూఎస్‌బీ టైప్-సీ పోర్టు కూడా ఇందులో ఉన్నాయి. ఫింగర్ ప్రింట్ సెన్సార్, ఫేస్ అన్‌లాక్ ఫీచర్లను కూడా ఇందులో అందించారు. 5జీ ఫీచర్ కూడా ఇందులో ఉంది.
Also Read: Tecno Camon 18: ముందు, వెనక 48 మెగాపిక్సెల్ కెమెరాలు.. ధర రూ.15 వేలలోపే.. వైర్‌లెస్ ఇయర్‌బడ్స్ ఫ్రీ!
Also Read: Honor 60: 108 మెగాపిక్సెల్ కెమెరాతో హానర్ కొత్త ఫోన్.. వ్లాగర్ల కోసం ప్రత్యేక ఫీచర్ కూడా!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!
Also Read: Moto G51 5G: అత్యంత చవకైన మోటో 5జీ ఫోన్ వచ్చేస్తుంది.. మరో వారంలో లాంచ్.. ధర ఎంతంటే?
Also Read: Redmi New Phone: రెడ్‌మీ కొత్త ఫోన్ వచ్చేసింది.. 8 జీబీ ర్యామ్.. ధర ఎంతంటే?
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
and tablets
