iPhone SE 4 : ఈ నెలాఖరులో లాంచ్ కాబోతున్న ఆపిల్ బడ్జెట్ ఫ్రెండ్లీ ఫోన్ - ధరెంతంటే..

iPhone SE 4 : లేటెస్ట్ A18 చిప్‌సెట్‌తో రాబోతున్న ఆపిల్ బడ్జెట్ ఫ్రెండ్లీ ఫోన్ ఐఫోన్ ఎస్ఈ 4 ఈ నెల చివర్లో స్టోర్‌లలోకి వచ్చే అవకాశం ఉంది.

అత్యాధునిక ఫీచర్లు, స్పెసిఫికేషన్స్ తో రాబోతున్న ఐఫోన్ ఎస్ఈ 4

Source : Image Source : X

iPhone SE 4 : ఆపిల్ ప్రేమికులు ఎంతగానో ఎదురుచూస్తోన్న చవకైన, బడ్జెట్ ఫ్రెండ్లీ ఫోన్ లాంచింగ్ కు సిద్ధమవుతోంది. ఐఫోన్ ఎస్ఈ 4 ఫిబ్రవరి 11న లాంచ్ అవుతుందని ఇప్పటికే పలు నివేదికలు సూచించాయి. ఆపిల్ సాధారణంగా తన ఉత్పత్తులను గ్రాండ్ ఈవెంట్ లను నిర్వహించి లాంచ్ చేస్తూంటుంది. కానీ ఈ ఫోన్ ను మాత్రం అలా కాకుండా కేవలం వెబ్‌సైట్ ద్వారా మాత్రమే అందుబాటులోకి తేనున్నట్టు భావిస్తున్నారు. ఈ స్మార్ట్‌ఫోన్ ఈ నెల చివర్లో స్టోర్‌లలోకి వచ్చే అవకాశం ఉంది. 

ఐఫోన్ SE 4 స్పెసిఫికేషన్లు:

పెద్ద డిస్ప్లే, OLED అప్‌గ్రేడ్

ఐఫోన్ ఎస్ఈ 4 కి సంబంధించి ఇప్పటికే పలు వెబ్ సైట్ లు కొన్ని స్పెసిఫికేషన్స్ ను సూచించారు. 6.06-అంగుళాల పెద్ద OLED డిస్ప్లే తో ఈ ఫోన్ రానుందని భావిస్తున్నారు. ఇది మునుపటి మోడళ్లలో కనిపించే 4.7-అంగుళాల LCD ప్యానెల్ స్థానంలో ఉంటుందంటున్నారు. ఇది మోడ్రన్ స్క్రీన్ టెక్నాలజీ వైపు గణనీయమైన మార్పును సూచిస్తుంది. ఇది షార్ప్ విజువల్స్ అందిస్తుందని ఆశిస్తున్నారు. ఫేస్ ఐడీకి సైతం ఈ ఫోన్ సపోర్ట్ చేస్తుందని ఊహిస్తున్నారు.

పవర్-ప్యాక్డ్ పనితీరు

ఐఫోన్ ఎస్ఈ 4 లేటెస్ట్ A18 చిప్‌సెట్‌ను కలిగి ఉండవచ్చు. ఇది ఐఫోన్ 16 లాంటి పనితీరు, మెరుగైన సామర్థ్యాన్ని ప్రదర్శించనుంది. ఈ ఫోన్ 8 జీబీ ర్యామ్ తో రావచ్చని, ఇది సున్నితమైన మల్టీ టాస్కింగ్ అండ్ రిసోర్స్-ఇంటెన్సివ్ యాప్‌ల నిర్వహణను అనుమతిస్తుందని పలు నివేదికలు సూచిస్తున్నాయి.

కెమెరా, AI ఇన్నోవేషన్స్

ఈ ఫోన్లలో వచ్చే సింగిల్ 48 ఎంపీ బ్యాక్ కెమెరా ఫొటోగ్రఫీ ప్రియులను ఆకర్షించవచ్చు. ఇది దాని ముందున్న లో-రిజల్యూషన్ లెన్స్ కంటే ఒక పెద్ద ముందడుగును సూచిస్తుంది. సెల్ఫీలు, వీడియో కాల్స్ కోసం, 12 ఎంపీ ఫ్రంట్ ఫేసింగ్ కెమెరాను ఆశిస్తున్నారు. ఫొటోగ్రఫీ, వాయిస్ రికగ్నిషన్ లాంటి ఫీచర్స్ యూజర్స్ ను ఆకట్టుకోనున్నాయి.

ధర అంచనాలు

యూస్ లాంచ్ ధర ఈ ఫోన్ ధర 499 డాలర్లు అంటే సుమారు రూ. 42,700గా అంచనా వేస్తున్ననప్పటికీ,  భారతీయ మార్కెట్ లో దీని ధర రూ. 50వేలకు కు దగ్గరగా ఉండవచ్చని అంటున్నారు. ఫీచర్లు, స్పెసిఫికేషన్స్ లాంటివన్నీ కూడా కేవలం ఊహాజనితమైనవే కానీ. కంపెనీ ఈ విషయంపై అధికారికంగా ఎలాంటి వివరాలు వెల్లడించలేదు. కాబట్టి ఈ అంచనాలను ధృవీకరించడానికి ఆపిల్ నిర్ధారణ చాలా అవసరం. అత్యాధునిక ఫీచర్లతో రాబోతున్న ఈ బడ్జెట్ స్మార్ట్‌ఫోన్ మరిన్ని సౌకర్యాలను అందిస్తుందని కూడా యూజర్స్ భావిస్తున్నారు.