Pakistan vs England T20 World Cup Highlights | సెమీఫైనల్కు చేరుకున్న ఇంగ్లాండ్ | ABP Desam
ఇంగ్లాండ్ పాకిస్తాన్ను ( Pakistan vs England ) రెండు వికెట్ల తేడాతో ఓడించి సెమీఫైనల్కు చేరుకుంది. కెప్టెన్ హ్యారీ బ్రూక్ ( Harry Brook ) ఇంగ్లాండ్ తరఫున విజయ సెంచరీ సాధించి, తన జట్టును సెమీస్కు చేర్చాడు. ఈ మ్యాచ్లో, పాకిస్తాన్ మొదట బ్యాటింగ్ చేసి 164 పరుగులు చేసింది. చేజింగ్ లో ఇంగ్లాండ్ చివరి ఓవర్లో లక్ష్యాన్ని సాధించింది. ఈ మ్యాచ్లో షాహీన్ అఫ్రిది ( Shaheen Afridi ) నాలుగు వికెట్లు పడగొట్టినా ఫలితం లేకుండా పోయింది.
T20 ప్రపంచ కప్ 2026లో ( T20 World Cup 2026 ) సెమీఫైనల్కు చేరిన తొలి జట్టుగా ఇంగ్లాండ్ నిలిచింది. 165 పరుగుల లక్ష్యాన్ని ఛేదించే క్రమంలో ఇంగ్లాండ్ ఇన్నింగ్స్ తొలి బంతికే ఫిల్ సాల్ట్ వికెట్ కోల్పోయింది. పవర్ప్లే ముగిసేలోపు జోస్ బట్లర్, జాకబ్ బెథెల్ కూడా తమ వికెట్లను కోల్పోయారు. టామ్ బాంటన్ కూడా కేవలం 2 పరుగులకే ఔట్ కావడంతో ఇంగ్లాండ్ ఇబ్బందులో పడింది.
షాహీన్ అఫ్రిది నాలుగు ఓవర్లలో కేవలం 30 పరుగులు ఇచ్చి నాలుగు వికెట్లు పడగొట్టాడు. కానీ హ్యారీ బ్రూక్ సెంచరీతో మ్యాచ్ ను మలుపు తిప్పాడు. T20 ప్రపంచ కప్ చరిత్రలో సెంచరీ చేసిన తొలి కెప్టెన్ బ్రూక్ రికార్డు నెలకొల్పాడు. బ్రూక్ 50 బంతుల్లో తన సెంచరీని చేరుకున్నాడు. టీ20 ప్రపంచ కప్లో ఇంగ్లాండ్ వరుసగా ఐదోసారి సెమీఫైనల్కు చేరుకుంది.
టాప్ హెడ్ లైన్స్
ట్రెండింగ్ వార్తలు
