Infinix Zero 5G: ఇన్ఫీనిక్స్ మొదటి 5జీ ఫోన్ వచ్చేసింది, అదిరిపోయే ఫీచర్లు, సూపర్ కెమెరా కూడా!
ప్రముఖ స్మార్ట్ ఫోన్ బ్రాండ్ ఇన్ఫీనిక్స్ తన మొట్టమొదటి 5జీ ఫోన్ను నైజీరియాలో లాంచ్ చేసింది.
ఇన్ఫీనిక్స్ జీరో 5జీ స్మార్ట్ ఫోన్ నైజీరియాలో లాంచ్ అయింది. కంపెనీ లాంచ్ చేసిన మొదటి 5జీ ఫోన్ ఇదే. ఇందులో వెనకవైపు మూడు కెమెరాలు ఉన్నాయి. దీని స్క్రీన్ రిఫ్రెష్ రేట్ 120 హెర్ట్జ్గా ఉంది. మీడియాటెక్ డైమెన్సిటీ 900 ప్రాసెసర్పై ఈ ఫోన్ పని చేయనుంది. 5000 ఎంఏహెచ్ బ్యాటరీని కూడా ఇందులో అందించారు.
ఇన్ఫీనిక్స్ జీరో 5జీ ధర
ఇన్ఫీనిక్స్ అధికారిక వెబ్ సైట్లో స్మార్ట్ ఫోన్ ధరను ప్రకటించలేదు. అయితే నైజీరియా ఈ-కామర్స్ వెబ్సైట్లో మాత్రం 1,69,500 నైజీరియన్ నైరాలుగా (సుమారు రూ.30,400) నిర్ణయించారు. 8 జీబీ ర్యామ్ + 128 జీబీ స్టోరేజ్ వేరియంట్ మాత్రమే ఇందులో అందుబాటులో ఉంది. కాస్మిక్ బ్లాక్, హారిజన్ బ్లూ, స్కైలైట్ ఆరెంజ్ రంగుల్లో ఈ ఫోన్ కొనుగోలు చేయవచ్చు.
ఈ ఫోన్ మనదేశంలో ఫిబ్రవరి 14వ తేదీన లాంచ్ కానుంది. దీనికి సంబంధించిన మైక్రోసైట్ను కూడా ఫ్లిప్కార్ట్లో చూడవచ్చు. మనదేశంలో ఈ ఫోన్ ధర రూ.20 వేలలోపే ఉండనుంది.
ఇన్ఫీనిక్స్ జీరో 5జీ స్పెసిఫికేషన్లు
ఆండ్రాయిడ్ 11 ఆధారిత ఎక్స్ఓఎస్ 10 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.78 అంగుళాల ఫుల్ హెచ్డీ+ ఐపీఎస్ ఎల్టీపీఎస్ డిస్ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్గా ఉంది. మీడియాటెక్ డైమెన్సిటీ 900 5జీ ప్రాసెసర్ను ఇందులో అందించారు. 8 జీబీ ఎల్పీడీడీఆర్5 ర్యామ్, 128 జీబీ యూఎఫ్ఎస్ 3.1 స్టోరేజ్ ఇందులో అందుబాటులో ఉంది.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్గా ఉంది. 30x జూమ్ కెపాసిటీని ఈ సెన్సార్లో అందించడం విశేషం. దీంతోపాటు 13 మెగాపిక్సెల్ వైడ్ యాంగిల్ లెన్స్, మరో 2 మెగాపిక్సెల్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.
5జీ, ఎఫ్ఎం రేడియో, వైఫై 6, బ్లూటూత్, జీపీఎస్, ఓటీజీ, 3.5 ఎంఎం హెడ్ ఫోన్ జాక్, యూఎస్బీ టైప్-సీ పోర్టు కూడా ఇందులో ఉన్నాయి. యాంబియంట్ లైట్ సెన్సార్, బారో మీటర్, గైరోస్కోప్, జీ-సెన్సార్, ఈ-కంపాస్, ప్రాక్సిమిటీ సెన్సార్ కూడా ఇందులో అందించారు. ఫింగర్ ప్రింట్ సెన్సార్ను ఫోన్ పక్కభాగంలో అందించారు.
దీని బ్యాటరీ సామర్థ్యం 5000 ఎంఏహెచ్గా ఉంది. 33W ఫాస్ట్ చార్జింగ్ను ఇది సపోర్ట్ చేయనుంది. 22 గంటల ప్లేబ్యాక్ టైం, 27 రోజుల స్టాండ్ బై టైంను ఇది అందించనుంది. ఈ ఫోన్ మందం 0.87 సెంటీమీటర్లు కాగా, బరువు 199 గ్రాములుగా ఉంది.
టాప్ హెడ్ లైన్స్
ట్రెండింగ్ వార్తలు
