Virat Kohli: కళ్లకు గంతలు కట్టుకున్నా టార్గెట్ మిస్ అవ్వదు - విరాట్ వైరల్ వీడియో చూస్తే ఎవరైనా ఫ్యాన్స్ అవ్వాల్సిందే!

Virat Kohli Trending Video: ఫిబ్రవరి 9వ తేదీ నుంచి భారత్, ఆస్ట్రేలియా మధ్య 4 టెస్టు మ్యాచ్‌ల సిరీస్ ప్రారంభం కానుంది. ఈ సిరీస్‌లో భాగంగా ఇరు జట్ల మధ్య ఫిబ్రవరి 9వ తేదీ నుంచి నాగ్‌పూర్‌లో తొలి టెస్టు మ్యాచ్ జరగనుంది. ఈ సిరీస్‌లో టీమిండియా కెప్టెన్ రోహిత్ శర్మతో పాటు విరాట్ కోహ్లీ, ఛతేశ్వర్ పుజారా వంటి బ్యాట్స్‌మెన్‌లపై అభిమానులు ఎన్నో ఆశలు పెట్టుకున్నారు.

మాజీ కెప్టెన్ విరాట్ కోహ్లీకి సంబంధించిన వీడియో ఒకటి సోషల్ మీడియాలో వైరల్ అవుతోంది. సోషల్ మీడియాలో ఈ వీడియోలో విరాట్ కోహ్లీ కళ్లకు గంతలు కట్టుకుని బ్యాటింగ్ చేస్తున్నాడు. ఈ విధంగా కూడా విరాట్ కోహ్లీ భారీ షాట్లు కొట్డడం విశేషం. దీంతోపాటు కళ్లకు గంతలు కట్టుకుని కూడా విరాట్ కోహ్లీ వికెట్లను కొట్టాడు.

విరాట్ కోహ్లీకి సంబంధించిన ఈ వీడియో సోషల్ మీడియాలో వైరల్ అవుతోంది. దీనిపై అభిమానులు కామెంట్ల ద్వారా వారి అభిప్రాయాన్ని తెలియజేస్తున్నారు. అదే సమయంలో సోషల్ మీడియా వినియోగదారులు విరాట్ కోహ్లీ, బాబర్ ఆజంల గేమ్ మధ్య పోలికలు చేస్తున్నారు. బాబర్ ఆజం ఎప్పటికీ ఇలా చేయలేడని సోషల్ మీడియాలో అభిమానులు అంటున్నారు.

Babar azam can't even dream to do practice like this.
Unmatchable stuff from @imVkohli 🔥💫 pic.twitter.com/H6oq7PROTG

— Simmu✨ (@meownces) February 3, 2023

ఐసీసీ తెలుపుతున్న దాని ప్రకారం బోర్డర్-గవాస్కర్ ట్రోఫీలో భారత్, ఆస్ట్రేలియా ఆటగాళ్ల మధ్య పరస్పర యుద్ధాన్ని చూడవచ్చు. ఫిబ్రవరి 9వ తేదీ నుంచి 13వ తేదీ వరకు నాగ్‌పూర్‌లో భారత్, ఆస్ట్రేలియా మధ్య తొలి టెస్టు మ్యాచ్ జరగనుంది. దీని తర్వాత ఫిబ్రవరి 17వ తేదీ నుంచి ఫిబ్రవరి 21వ తేదీ వరకు ఢిల్లీలో రెండో టెస్టు మ్యాచ్ జరగనుంది. మూడో టెస్టు మార్చి 1వ తేదీ నుంచి మార్చి 5వ తేదీ వరకు ధర్మశాలలో జరగనుంది. ఇక మార్చి 9వ తేదీ నుంచి 13వ తేదీ వరకు అహ్మదాబాద్‌లో నాలుగో టెస్టు మ్యాచ్ జరగనుంది.

దీని తర్వాత రెండు జట్లూ మూడు వన్డేల సిరీస్ ఆడనున్నాయి. తొలి వన్డే ముంబైలో, రెండో వన్డే విశాఖపట్నంలో, మూడో వన్డే చెన్నైలో జరగనుంది. ప్రస్తుతం బోర్డర్-గవాస్కర్ ట్రోఫీ టీమ్ ఇండియా వద్ద ఉంది. చివరిసారిగా ఆస్ట్రేలియా జట్టును సొంతగడ్డపై ఓడించి భారత జట్టు సిరీస్‌ను గెలుచుకుంది.

నాగ్‌పూర్ టెస్ట్ మ్యాచ్ నుండి శ్రేయస్ అయ్యర్ నిష్క్రమించిన తర్వాత, అతని స్థానంలో సూర్యకుమార్ యాదవ్ టెస్ట్ ఫార్మాట్‌లో అరంగేట్రం చేసే అవకాశం ఉంది. నిజానికి శ్రేయాస్ అయ్యర్ తన వెన్ను గాయం కారణంగా ఇంకా పూర్తిగా ఫిట్‌గా లేడు. అతను పూర్తిగా ఫిట్‌గా అవ్వడానికి ఇంకా రెండు వారాలు పడుతుంది. అటువంటి పరిస్థితిలో ఇప్పుడు అతని స్థానంలో మొదటి టెస్ట్ మ్యాచ్‌లో సూర్యకుమార్ యాదవ్‌ను మిడిల్ ఆర్డర్‌లో ఆడించాలని టీమ్ మేనేజ్‌మెంట్ నిర్ణయించవచ్చు.