India's Tour Of South Africa: ఈ నలుగురూ ఆడితే దక్షిణాఫ్రికా టూర్‌లో భారత్‌కు తిరుగులేదు.. ఎవరంటే?

దక్షిణాఫ్రికా టూర్‌లో టీమిండియా తరఫున కీలకం కానున్న ఆటగాళ్లు వీరే..

దక్షిణాఫ్రికా టూర్‌లో టీమిండియాకు నలుగురు ఆటగాళ్లు కీలకం కానున్నారు.

టీమిండియా కొద్దిరోజుల్లో సౌతాఫ్రికా పర్యటనకు వెళ్లనుంది. ముందుగా మూడు టెస్టుల సిరీస్‌ జరగనుంది. డిసెంబర్ 26వ తేదీ నుంచి ఈ సిరీస్ ప్రారంభం కానుంది. ఇటీవలే మనదేశంలో జరిగిన టెస్టు సిరీస్‌లో ప్రపంచ చాంపియన్ కివీస్‌ని టీమిండియా 1-0తో ఓడించింది. ఇప్పుడు దక్షిణాఫ్రికాలో సిరీస్ కాబట్టి కాస్త జాగ్రత్తగా ఉండాల్సిందే.

కొద్దిరోజుల క్రితం బీసీసీఐ దక్షిణాఫ్రికా టూర్‌కి టెస్టు జట్టుని ప్రకటించింది. ఈ జట్టులో నలుగురు ఆటగాళ్లు జట్టుకు ఎంతో కీలకం కానున్నారు.

1. రవిచంద్రన్ అశ్విన్
న్యూజిలాండ్‌తో జరిగిన టెస్టు సిరీస్‌లో రవిచంద్రన్ మొత్తంగా 14 వికెట్లు తీసుకున్నాడు. ప్రస్తుతం జట్టులో సీనియర్ స్పిన్నర్ అశ్వినే. ఫారిన్ గడ్డ మీద కూడా తన రికార్డు బాగానే ఉంది. సౌతాఫ్రికా పర్యటనలో తను గేమ్ చేంజర్‌గా మారగలడు..

2. మయాంక్ అగర్వాల్
న్యూజిలాండ్‌తో జరిగిన రెండో టెస్టులో మయాంక్ అగర్వాల్ మొదటి ఇన్నింగ్స్‌లో 150 పరుగులు, రెండో ఇన్నింగ్స్‌లో 62 పరుగులు సాధించాడు. ఒకవేళ మయాంక్‌కు సౌతాఫ్రికాపై ఆడే అవకాశం వస్తే.. తను కచ్చితంగా గేమ్ చేంజర్ అవుతాడు. అయితే తుదిజట్టులో కేఎల్ రాహుల్, మయాంక్ అగర్వాల్‌ల్లో ఎవరు ఆడతారో చూడాల్సి ఉంది.

3. శ్రేయస్ అయ్యర్
న్యూజిలాండ్‌తో జరిగిన సిరీస్‌లో శ్రేయస్ అయ్యర్ టెస్టులో అరంగేట్రం చేశాడు. మొదటి ఇన్నింగ్స్‌లో 105 పరుగులను, రెండో ఇన్నింగ్స్‌లో 65 పరుగులను శ్రేయస్ సాధించాడు. దీంతో దక్షిణాఫ్రికా సిరీస్‌లో కూడా అయ్యర్‌కు అవకాశం దక్కింది.

4. మహ్మద్ సిరాజ్
న్యూజిలాండ్ సిరీస్‌లోనే ఫాస్ట్ బౌలర్ మహ్మద్ సిరాజ్‌కు టీమిండియా తుదిజట్టులో అవకాశం వచ్చింది. ఆ మ్యాచ్ మొదటి ఇన్నింగ్స్‌లోనే మూడు కీలక వికెట్లు తీశారు. ఒకవేళ ఇషాంత్ శర్మ ఫాంలోకి రాకపోతే.. సిరాజ్‌కు తన స్థానం దక్కేది.