BCCI Recruitment 2021: హెడ్ కోచ్ సహా ఇతర విభాగాల కోచ్ పోస్టులకు బీసీసీఐ నోటిఫికేషన్ విడుదల

టీమిండియా హెడ్ కోచ్, బ్యాటింగ్ కోచ్, బౌలింగ్ కోచ్, ఫీల్డింగ్ కోచ్, హెడ్ స్పోర్ట్స్ సైన్స్ పోస్టులకు బీసీసీఐ నోటిఫికేషన్ జారీ చేసింది.

టీమిండియా హెడ్ కోచ్ సహా పలు ఉద్యోగాలకు బీసీసీఐ దరఖాస్తులు ఆహ్వానిస్తుంది.

భారత క్రికెట్ జట్టు, నేషనల్ క్రికెట్ అకాడమీ(ఎన్‌సీఏ)లో కొన్ని ఉద్యోగాలకు సంబంధించిన నోటిఫికేషన్లను బీసీసీఐ విడుదల చేసింది. ఆసక్తి ఉన్నవారిని దరఖాస్తు చేసుకోవాల్సిందిగా కోరింది. ఈ కింద పేర్కొన్న స్థానాలకు బీసీసీఐ దరఖాస్తులను ఆహ్వానించింది.

1. హెడ్ కోచ్ (టీమ్ ఇండియా - సీనియర్ మెన్)
2. బ్యాటింగ్ కోచ్ (టీమ్ ఇండియా - సీనియర్ మెన్)
3. బౌలింగ్ కోచ్ (టీమ్ ఇండియా - సీనియర్ మెన్)
4. ఫీల్డింగ్ కోచ్ (టీమ్ ఇండియా - సీనియర్ మెన్)
5. హెడ్ స్పోర్ట్స్ సైన్స్/మెడిసిన్ విత్ నేషనల్ క్రికెట్ అకాడమీ (ఎన్‌సీఏ)

టీం ఇండియా హెడ్ కోచ్‌కు సంబంధించి అక్టోబర్ 26వ తేదీన సాయంత్రం ఐదు గంటల కల్లా దరఖాస్తు చేసుకోవాలి. headcoach@bcci.tv మెయిల్ ఐడీకి మీ దరఖాస్తును పంపించాలి. మిగతా స్థానాలన్నిటికీ నవంబర్ 3వ తేదీన సాయంత్రం ఐదు గంటల కల్లా దరఖాస్తు చేసుకోవాల్సి ఉంటుంది.

బ్యాటింగ్ కోచ్ స్థానానికి battingcoach@bcci.tv మెయిల్ ఐడీకి, బౌలింగ్ కోచ్ స్థానానికి bowlingcoach@bcci.tv, ఫీల్డింగ్ కోచ్ స్థానానికి fieldingcoach@bcci.tv‌, హెడ్ స్పోర్ట్స్ సైన్స్/మెడిసిన్ విత్ నేషనల్ క్రికెట్ అకాడమీ (ఎన్‌సీఏ) స్థానానికి sportsscienceandmedicine@bcci.tv మెయిల్ ఐడీకి మీ దరఖాస్తులను మెయిల్ చేయాల్సి ఉంటుంది.

హెడ్ కోచ్ (టీమ్ ఇండియా - సీనియర్ మెన్), బ్యాటింగ్ కోచ్ (టీమ్ ఇండియా - సీనియర్ మెన్), బౌలింగ్ కోచ్ (టీమ్ ఇండియా - సీనియర్ మెన్), ఫీల్డింగ్ కోచ్ (టీమ్ ఇండియా - సీనియర్ మెన్), హెడ్ స్పోర్ట్స్ సైన్స్/మెడిసిన్ విత్ నేషనల్ క్రికెట్ అకాడమీ (ఎన్‌సీఏ) దరఖాస్తులకు సంబంధించిన పూర్తి సమాచారం కోసం ఇక్కడ క్లిక్ చేయండి.

🚨 NEWS 🚨: BCCI invites Job Applications for Team India (Senior Men) and NCA

More Details 🔽

— BCCI (@BCCI) October 17, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి