Purandeswari Central Cabinet: కేంద్ర కేబినెట్‌లోకి పురందేశ్వరి? మోదీ టీంలో 'చిన్నమ్మ'కు కీలక పదవి ఖరారైందా?

Modi 3.0 Cabinet Reorganisation: కేంద్ర మంత్రివర్గ విస్తరణలో పురందేశ్వరికి కేబినెట్ హోదా దక్కబోతుందా? ఆమె ఎంపికకు ఉన్న ప్లస్ పాయింట్లు, ఆటంకాలు ఏంటి?

కేంద్ర కేబినెట్‌లోకి పురందేశ్వరి? మోదీ టీంలో 'చిన్నమ్మ'కు కీలక పదవి ఖరారైందా?

Source : x

Show Quick Read

Key points generated by AI, verified by newsroom

• ప్రధాని మోదీ కేబినెట్ పునర్వ్యవస్థీకరణలో ఏపీకి ప్రాధాన్యత
• పురందేశ్వరికి కేబినెట్ హోదా కల్పించే అవకాశాలు గట్టిగా ఉన్నాయి
• పరిపాలనా అనుభవం, ఎన్టీఆర్ వారసత్వం పురందేశ్వరి బలాలు
• సామాజిక, ప్రాంతీయ సమీకరణాలు మంత్రి పదవికి దోహదం చేస్తాయి

Narendra Modi Cabinet Expansion 2026: ప్రధాని మోదీ తన మంత్రివర్గాన్ని పూర్తి స్థాయిలో పునర్ వ్యవస్థీకరించబోతున్నారు. ఈ క్రమంలో ఏపీ నుంచి పురందేశ్వరికి కేబినెట్  హోదాతో మంత్రి పదవి  ఇచ్చే అవకాశం ఉందనే చర్చ జోరుగా సాగుతోంది.  త్వరలో జరగబోయే మోదీ 3.0 మంత్రివర్గ పునర్వ్యవస్థీకరణలో దక్షిణాది రాష్ట్రాలకు, ముఖ్యంగా ఆంధ్రప్రదేశ్‌కు పెద్దపీట వేయాలని కేంద్ర నాయకత్వం భావిస్తోంది. ఏపీలో కూటమి ప్రభుత్వం  ఏర్పడటంలోనూ, బీజేపీ ఓటు బ్యాంకును పటిష్టం చేయడంలోనూ పురందేశ్వరి కీలక పాత్ర పోషించారు. అందుకే ఆమెకు  పూర్తి స్థాయి కేబినెట్ ర్యాంక్ ఇచ్చి గౌరవించాలని బీజేపీ అధిష్టానం యోచిస్తున్నట్లు ప్రచారం జరుగుతోంది.             

పురందేశ్వరి ఎంపికకు ప్రధానంగా మూడు కారణాలు కనిపిస్తున్నాయి. మొదటిది, ఆమెకు ఉన్న పరిపాలనా అనుభవం . యూపీఏ ప్రభుత్వ హయాంలో ఆమె మానవ వనరుల అభివృద్ధి  , వాణిజ్య , పరిశ్రమల శాఖల్లో సహాయ మంత్రిగా పనిచేసి, తనకంటూ ఒక ప్రత్యేక గుర్తింపు తెచ్చుకున్నారు. రెండోది,  ఎన్టీఆర్ వారసత్వం . తెలుగు ప్రజల గుండెల్లో చెరగని ముద్ర వేసిన ఎన్టీఆర్ కుమార్తెగా ఆమెకు ఉన్న క్లీన్ ఇమేజ్  బీజేపీకి పెద్ద ఎస్సెట్. మూడోది,  పార్లమెంటరీ పనితీరు . పార్లమెంటులో ఆమె వాగ్ధాటి, హిందీ, ఇంగ్లీష్ భాషలపై ఉన్న పట్టు జాతీయ స్థాయిలో ఆమెకు సానుకూలతను తెచ్చిపెట్టాయి.                                 

ఏపీలో ప్రస్తుతం సామాజిక సమీకరణాలు అత్యంత కీలకం. కమ్మ సామాజిక వర్గానికి చెందిన పురందేశ్వరికి కేబినెట్ పదవి ఇవ్వడం ద్వారా, ఆ వర్గం నుంచి బీజేపీకి మరింత మద్దతు లభిస్తుందని పార్టీ భావిస్తోంది. అలాగే, రాజధాని అమరావతి నిర్మాణానికి కేంద్రం నుంచి పర్యవేక్షణ పెంచాలన్నా, రైల్వే జోన్ వంటి పెండింగ్ అంశాలను వేగవంతం చేయాలన్నా పురందేశ్వరి వంటి సమర్థవంతమైన నేత కేబినెట్‌లో ఉండటం పార్టీకి మేలు చేస్తుందని  భావిస్తున్నారు. 

పురందేశ్వరికి కొన్ని మైనస్ పాయింట్లు                             

అయితే, ఆమెకు కేబినెట్ పదవి దక్కకుండా పోవడానికి కొన్ని సాంకేతిక, రాజకీయ కారణాలు కూడా ఉన్నాయి.  కూటమి ఒప్పందం ప్రకారం ఇప్పటికే టీడీపీ నుంచి ఇద్దరు మంత్రులు కేంద్రంలో ఉన్నారు. బీజేపీ నుంచి మరో మంత్రి ఉన్నారు. మరిన్ని పదవులు ఏపీకే ఇస్తే ఇతర రాష్ట్రాల నుంచి అసమ్మతి వచ్చే ప్రమాదం ఉందనేది పొలిటికల్ రిస్క్.  రాబోయే పార్లమెంట్ వర్షాకాల సమావేశాలకు ముందే కేబినెట్ విస్తరణ ఉండే అవకాశం ఉందని సమాచారం. ఆమెకు మంత్రి పదవి వస్తుందా లేదా అనేది ప్రధాని మోదీ, అమిత్ షా ల తుది నిర్ణయంపై ఆధారపడి ఉంటుంది. ఒకవేళ కేబినెట్ ర్యాంక్ దక్కితే మాత్రం, ఏపీ రాజకీయాల్లో పురందేశ్వరి హవా మరింత పెరగడం ఖాయం.

మరిన్ని చదవండి

మోదీ కేబినెట్ పునర్వ్యవస్థీకరణ - ఏపీకి దక్కబోయే కొత్త మంత్రులు వీరేనా?

పురందేశ్వరి నాయకత్వంలో ఐరాసకు భారత బృందం - టీమ్‌లో మిథున్‌రెడ్డికీ చోటు - టీడీపీ ఎంపీలకు నిరాశ