In Pics: అమెరికాలో ఉల్లాసంగా KTR, ఎన్నారైల నుంచి ఘన స్వాగతం

By : ABP Desam | Updated: 20 Mar 2022 01:28 PM (IST)

తెలంగాణ రాష్ట్రానికి భారీగా పెట్టుబడులు తీసుకువచ్చే లక్ష్యంతో అమెరికాలో పర్యటిస్తున్న మంత్రి కే. తారకరామారావుకి ఈ రోజు (మార్చి 20) ఘన స్వాగతం లభించింది.

హైదరాబాద్ నుంచి అమెరికాలోని లాస్ ఏంజిల్స్ నగరానికి చేరుకున్న మంత్రికి తెలంగాణ రాష్ట్ర సమితి పార్టీ కార్యకర్తలు నాయకులు, తెలుగు రాష్ట్రాలకు చెందిన పలువురు ఎన్నారైలు భారీగా ఘనస్వాగతం తెలిపారు.

ఎయిర్ పోర్టులో మంత్రి కేటీఆర్‌కి పూల బొకేలు అందించి స్వాగతం తెలిపారు.

మంత్రి కే తారకరామారావు లాస్ ఏంజిల్స్ లో తనకు స్వాగతం పలికిన ఎన్నారైలతో తర్వాత కాసేపు ముచ్చటించారు.

ఈ సందర్భంగా తెలంగాణ అభివృద్ధి, తెలంగాణ ప్రభుత్వ కార్యక్రమాలపైన ప్రత్యేకంగా మాట్లాడిన మంత్రి కేటీఆర్.. మన ఊరు - మన బడి కార్యక్రమానికి సంబంధించిన వివరాలను తెలిపారు.