Viral news: తాగుబోతు పైగా అప్పుల అప్పారావు - భార్య ఇచ్చిన షాక్‌తో ఒంటరైపోయాడు !

Patna: పాట్నాలో ఓ మహిళ పెళ్లి చేసుకుంది. అందులో వింతేమీ లేదు కానీ అప్పటికే ఆమెకు పెళ్లయింది. అక్కడే ఉంది అసలు ట్విస్ట్.

తాగుబోతు పైగా అప్పుల అప్పారావు - భార్య ఇచ్చిన షాక్‌తో ఒంటరైపోయాడు !

Source : x

Fed up with Alcoholic Abusive Husband Woman Marries Agent Come Home for Loan Repayment: తాగుబోతు భర్తలను భరించడం ఏ మహిళకైనా కష్టమే.  చాలా మంది అలా పడి ఉంటారు కానీ..తన జీవితం ఎందుకు అలా అయిపోవాలని ఓ మహిళ అనుకుంది. అయితే ఆమె ఎవర్ని చూసుకుంటుంది. అందుకే తన ఇంటికి వచ్చే వారిలోనే పెళ్లి కాని ఒకరితో పరిచయం పెంచుకుంది. ఓ మంచి ముహుర్తం చూసుకుని మత్తులో జోగుతున్న భర్తకు దిమ్మ తిరిగే షాక్ ఇచ్చింది. ఏం జరిగిందో తెలుసుకునేలోపు భార్య ఇంటి నుంచి వెళ్లిపోయింది.                             

బీహార్ లోని పాట్నాలో నకుల్ శర్మ, ఇంద్రా కుమారి అనే ఇద్దరికి మూడేళ్ల క్రితం పెళ్లి అయింది. ఇంద్రా కుమారి ఎన్నో ఆశలతో మెట్టినింట అడుగు పెట్టింది. అయితే భర్త పచ్చి తాగుబోతు అని కొద్ది రోజులకే తెలిసింది. పనీ పాటా లేకుండా తిరగడం.. అప్పులు చేసి తాగడం అతని హాబీ. మూడేళ్ల పాటు భరించింది. ఇక అతనితో జీవితం తన వల్ల కాదు అనుకుంది. అందుకే తన జీవితాన్ని చక్కదిద్దుకోవాలని అనుకుంది.  

నకుల్ శర్మ అప్పుల అప్పారావు కూడా. తీర్చే దారి లేదు కానీ వరుసగా అప్పులు చేశాడు. దాంతో అప్పులు వసూలు చేసుకోవడానికి కొంత మంది వస్తూ ఉండేవారు. కొంత మంది నకుల్ శర్మ మత్తు నుంచి బయటపడేవరకూ కూర్చునేవారు. ఆ సమయంలో  ఇంద్రా కుమారితో ముచ్చట్లు పెట్టేవారు. ఓ లోన్ రీపేమెంట్ కోసం వచ్చే ఎజెంట్ తో ఇంద్రా కుమారి మాటలు కలిశాయి. తర్వాత చూపులు కలిశాయి. ఇంకెందుకు ఆలస్యం పెళ్లి చేసుకోవాలనుకున్నారు. గుళ్లో పెళ్లిచేసుకున్నారు. ఇప్పుడు ఆ వీడియో వైరల్ అవుతోంది.             

बिहार के जमुई में एक अजीबोगरीब प्रेम कहानी घटी है। शराबी पति से तंग आकर एक महिला ने बैंक कर्मचारी से लोन लिया। लोन की किस्त चुकाते वक्त उसे उससे प्यार हो गया और फिर दोनों ने शादी कर ली। pic.twitter.com/v4P6Pfwd61

— UMESH YADAV 🕉 (@Umesh_Yadav_93) February 13, 2025

 ఆ తాగుబోతు భర్త ఎక్కడ ఉన్నాడో కానీ.. మత్తు దిగే సరికి తన భార్యను అప్పు వసూలు కోసం వచ్చే వ్యక్తి తీసుకెళ్లిపోయాడని తెలుసుకుని మరింత ఎక్కువ తాగేసి పడుకుని ఉంటాడు.