In Pics: గేమ్‌ + గ్లామర్‌= సానియా మీర్జా

భారత టెన్నిస్ లో ఓ శకం ముగిసింది అనుకోవచ్చు. స్టార్ టెన్నిస్ ప్లేయర్ సానియా మీర్జా... తన ఆఖరి గ్రాండ్ స్లామ్ మ్యాచ్ ఆడేసింది.

సానియా మిర్జా

స్టార్ టెన్నిస్ ప్లేయర్ సానియా మీర్జా... తన ఆఖరి గ్రాండ్ స్లామ్ మ్యాచ్ ఆడేసింది.

రోహన్ బోపన్నతో కలిసి ఆస్ట్రేలియన్ ఓపెన్ మిక్స్డ్ డబుల్స్ ఫైనల్ ఆడిన సానియా మీర్జా..... 6-7, 2-6తో ఓటమి పాలైంది.

తన గ్రాండ్ స్లామ్ కెరీర్ ను మిక్స్డ్ డబుల్స్ రన్నరప్ తో ముగించింది. టైటిల్ తో గ్రాండ్ స్లామ్ కెరీర్ ఫినిష్ చేద్దామనుకున్నా అది సాధ్యపడలేదు.

సానియా మీర్జా... 20 ఏళ్ల సుదీర్ఘ కెరీర్ చూసి కచ్చితంగా గర్వపడొచ్చు. ఆమె గురించి సింపుల్ గా చెప్పాలంటే... ఫేస్ ఆఫ్ ఇండియన్ వుమెన్ టెన్నిస్.

ఇండియాలో మహిళల టెన్నిస్ ప్లేయర్స్ పేర్లు చెప్పమంటే.... కచ్చితంగా అందరూ చెప్పే పేరు సానియా మీర్జా. కానీ ఇంకో పేరు చెప్పమంటే మాత్రం అందరూ తడబడతారు.

సింగిల్స్ లో సానియా ఒక్క గ్రాండ్ స్లామ్ టైటిలూ గెలుచుకోకపోయి ఉండొచ్చు. నిజమే. కానీ... డబుల్స్ లో మాత్రం ఎన్నో రికార్డులు సాధించింది.

డబుల్స్ పై పూర్తిగా దృష్టి పెట్టినప్పటి నుంచి.... సానియా రేంజే మారిపోయింది. డబుల్స్ లో 3, మిక్స్డ్ డబుల్స్ లో 3 గ్రాండ్ స్లామ్ టైటిల్స్ సాధించింది.

2015లో మార్టినా హింగిస్ తో జోడీ కట్టడం... సానియా కెరీర్ లోనే స్వర్ణ యుగం. ఆ జోరులోనే డబుల్స్ లో నంబర్ వన్ స్థానానికి కూడా సానియా చేరుకుంది.

2009లో తొలి గ్రాండ్ స్లామ్ గెలుచుకున్న సానియా... ఆఖరిగా 2016లో మరో గ్రాండ్ స్లామ్ గెలుచుకుంది.

ప్రస్తుత ఆస్ట్రేలియన్ ఓపెన్ ఫైనల్ ముగిసిన తర్వాత మాట్లాడిన సానియా మీర్జా ఎమోషనల్ అయింది.

ఆస్ట్రేలియా తన హోం గ్రౌండ్ లాంటిదన్నారు ఎన్నో మరుపురాని అనుభూతులు ఇచ్చిన గ్రాండ్‌స్లామ్‌ను విడిచిపెట్టడం చాలా బాధగా ఉందన్నారు.