Pujara Test Century: పూజలు ఫలించాయ్‌! 51 ఇన్నింగ్సుల తర్వాత పుజారా సెంచరీ

Pujara Test Century: టీమ్‌ఇండియా విజయం ఖాయమే! బంగ్లాపై రెండో ఇన్నింగ్స్‌లో భారత్‌ భారీ స్కోర్‌ చేసింది. శుభ్‌మన్‌ గిల్‌, చెతేశ్వర్‌ పుజారా సెంచరీలు కొట్టారు. చాన్నాళ్లకు నయవాల్‌ 100 అందుకున్నాడు.

చెతేశ్వర్‌ పుజారా

Pujara Test Century: టీమ్‌ఇండియా నయావాల్‌ చెతేశ్వర్‌ పుజారా మళ్లీ ఫామ్‌లోకి వచ్చాడు. బంగ్లాదేశ్‌తో తొలి టెస్టులో పరుగుల వరద పారించాడు. రెండు ఇన్నింగ్సుల్లో కలిపి 192 పరుగులు చేశాడు.

Pujara Test Century: తొలి ఇన్నింగ్సులో పుజారా సెంచరీ మిస్‌ చేసుకున్నాడు. 203 బంతులాడి 11 బౌండరీలతో 90 కొట్టాడు. రెండో ఇన్నింగ్సులో కరవు తీర్చుకున్నాడు. 130 బంతుల్లో 13 బౌండరీల సాయంతో 102* పరుగులు చేశాడు.

Pujara Test Century: అంతర్జాతీయ క్రికెట్లో 51 ఇన్నింగ్సుల తర్వాత పుజారా సెంచరీ కొట్టడం గమనార్హం. చాలా కాలంగా అతడు టీమ్‌ఇండియా తరఫున శతకాలు నమోదు చేయలేదు. ఆశించిన రీతిలో రన్స్‌ సాధించలేదు.

Pujara Test Century: పుజారా చివరి సారిగా 2019, జనవరిలో సెంచరీ కొట్టాడు. సిడ్నీలో ఆసీస్‌పై 373 బంతుల్లో 193 సాధించాడు. ఆ తర్వాత సెంచరీ కొట్టడం ఇదే తొలిసారి. 2020లో 4; 2021లో 14 టెస్టులు ఆడినా మూడంకెల స్కోరు అందుకోలేదు.

Pujara Test Century: టెస్టు మ్యాచులు లేకపోవడం, ఫామ్‌ కోల్పోవడంతో పుజారా లైమ్‌ లైట్‌లో లేడు. ఐపీఎల్‌లో ఎవరూ తీసుకోకపోవడంతో ఇంగ్లాండ్‌ వెళ్లి కౌంటీ క్రికెట్‌ ఆడాడు. ససెక్స్‌ జట్టు తరఫున రన్‌ ఫెస్ట్‌ సృష్టించాడు. సెంచరీలు, డబుల్‌ సెంచరీలతో మోత మోగించాడు.