Bank Account Closing Guide : బ్యాంక్ అకౌంట్ క్లోజ్ చేసేప్పుడు గుర్తించుకోవాల్సిన 3 విషయాలివే.. లేకపోతే నష్టపోతారు

Bank Account Closing Tips : బ్యాంక్లో అకౌంట్ మూసివేసే ముందు కొన్ని ముఖ్యమైన విషయాలు తెలుసుకోవాలి. చిన్న పొరపాటు జరిగితే నష్టం వాటిల్లే అవకాశం ఉంది.

బ్యాంక్ అకౌంట్ మూసేసప్పుడు తీసుకోవాల్సిన పత్రాలు ఇవే

బ్యాంకు ఖాతాను మూసివేసేటప్పుడు ఈ విషయాలను దృష్టిలో ఉంచుకోకపోతే.. భవిష్యత్తులో మీరు ఆర్థిక నష్టాన్ని చవిచూడవలసి రావచ్చు. అందువల్ల ముందే అవసరమైన ప్రక్రియను అర్థం చేసుకోవాలంటున్నారు నిపుణులు.

బ్యాంకు ఖాతాను మూసివేసేటప్పుడు గుర్తుంచుకోవాల్సిన మొదటి విషయం.. అకౌంట్లో ఎంత డబ్బులు ఉన్నాయో తెలుసుకోవాలి. ఖాతాలో ఉన్న మిగిలిన బ్యాలెన్స్ను బదిలీ చేసుకోవాలి.

ఆ డబ్బును బ్యాంక్ ఛార్జీలు లేదా ఇతర తగ్గింపులకు ఉపయోగించవచ్చు. కాబట్టి ఖాతాను మూసివేసే ముందు బ్యాలెన్స్ సున్నా లేదా బదిలీ చేశారో లేదో నిర్ధారించుకోవాలి. రెండవది మీ అకౌంట్ లింక్ చేసిన అన్ని ఆటో-పేమెంట్లు, ఆటో-డెబిట్‌లను నిలిపివేయాలి.

ఈ పని చేయకపోతే క్లోజ్ చేసిన అకౌంట్ నుంచి చెల్లింపులు చేయకపోవడం వల్ల జరిమానాలు లేదా ఇతర ఛార్జీలు పడతాయి. మీరు ఇది మరచిపోతే, తర్వాత ఛార్జీలను చెల్లించవలసి ఉంటుంది.

మూడవది, ముఖ్యమైనది ఏమిటంటే ఖాతాను మూసివేసిన సమాచారాన్ని రిటర్న్స్​లో తీసుకోవాలి. బ్యాంకులో ఫారం నింపిన తర్వాత స్లిప్ లేదా ఇమెయిల్ ద్వారా నిర్ధారణను పంపమని అడగాలి. భవిష్యత్తులో ఏదైనా వివాదం ఏర్పడితే. మీ దగ్గర రుజువు ఉంటుంది. దీనికోసం బ్యాంకు మీ నుంచి ఎటువంటి ఛార్జీని వసూలు చేయదు.

ఒకవేళ ఖాతా ఏదైనా డిజిటల్ యాప్ లేదా నెట్ బ్యాంకింగ్తో అనుసంధానమై ఉంటే.. దానిని కూడా మూసివేయాలి. పాత యాప్ లాగిన్ లేదా OTP ద్వారా ఖాతా మూసివేసిన తర్వాత కూడా మీ డేటా సురక్షితంగా ఉండాలి. ఇది డిజిటల్ భద్రత కోసం చాలా అవసరం.