Tollywood Heroes : వెండితెరపై రియల్ హీరోలుగా రీల్ హీరోలు!

Tollywood Heroes

ఈరోజుతో కార్గిల్ విజయానికి 22 ఏళ్లు అవుతుంది. ఈ సందర్భంగా సైనికుల స్పూర్తితో వెండితెరపై అలరించిన తెలుగు హీరోలెవరో ఇప్పుడు చూద్దాం. ఎన్టీఆర్, ఏఎన్నార్ లాంటి హీరోలు 'బొబ్బిలి పులి', 'జై జవాన్' లాంటి సినిమాల్లో సైనికులుగా కనిపించి అలరించారు. అయితే ఈ మధ్యకాలంలో చాలా మంది హీరోలు మిలిటరీ డ్రెస్సుల్లో కనిపించారు. 

వరుణ్ తేజ్ : 'కంచె' సినిమాలో సైనికుడిగా ఈ మెగా హీరో పెర్ఫార్మన్స్ ను అంత ఈజీగా మర్చిపోలేం. 

రానా దగ్గుబాటి : 'ఘాజీ' సినిమాలో నేవీ ఆఫీసర్ గా కనిపించారు రానా. ఆయన కెరీర్ లో వచ్చిన బెస్ట్ సినిమాల్లో ఇదొకటి. 

అల్లు అర్జున్ : 'సరైనోడు', 'నా పేరు సూర్య' లాంటి సినిమాల్లో బన్నీ మిలిటరీ ఆఫీసర్ గా కనిపించారు. 'నా పేరు సూర్య'లో అయితే బోర్డర్ కి వెళ్లి ఫైట్ చేయాలని పరితపించే పాత్రలో బన్నీ ఒదిగిపోయారు. 

మహేష్ బాబు : తొలిసారి మహేష్ బాబు 'సరిలేరు నీకెవ్వరు' సినిమాలో మేజర్ గెటప్ లో కనిపించారు. మిలిటరీ డ్రెస్ లో మహేష్ లుక్ ప్రేక్షకులను ఆకట్టుకుంది. 

ఆది సాయికుమార్ : 'ఆపరేషన్ గోల్డ్‌ఫిష్‌' సినిమాలో ఎన్ఎస్‌జీ కమెండోగా  పాత్రలో అద్భుత నటనను కనబరిచారు ఈ యంగ్ హీరో. 

నాగచైతన్య : 'వెంకీ మామ' సినిమాలో చైతు ఆర్మీ ఆఫీసర్ గా కనిపించారు. అలానే ఇప్పుడు 'లాల్ సింగ్ చద్దా' సినిమాలో మరోసారి సైనికుడిగా కనిపించబోతున్నారు. 

నాని : గతేడాది విడుదలైన 'వి' సినిమాలో మన నేచురల్ స్టార్ ఆర్మీ ఆఫీసర్ గా కనిపించారు. 

ఆకాష్ పూరి : 'మెహబూబ్' సినిమాలో ఈ కుర్ర హీరో పాక్ సైనికుడి పాత్రలో కనిపించారు. 

అడివి శేష్ : త్వరలోనే రిలీజ్ కాబోతున్న 'మేజర్' సినిమాలో అడివి శేష్ మిలిటరీ ఆఫీసర్ గా కనిపించనున్నారు. 26/11 ఎటాక్‌లో ప్రాణాలు కోల్పోయిన ఉన్నికృష్ణన్ జీవిత కథ ఆధారంగా ఈ సినిమాను తెరకెక్కిస్తున్నారు.