NBK111 Begins With Pooja: పూజతో మొదలైన ఎన్‌బీకే111... బాలకృష్ణ కొత్త సినిమా ఓపెనింగ్‌లో ఎవరెవరు సందడి చేశారో చూశారా?

NBK111 Opening Photos: గాడ్ ఆఫ్ మాసెస్ నందమూరి బాలకృష్ణ హీరోగా 'వీర సింహా రెడ్డి' విజయం తర్వాత గోపీచంద్ మలినేని దర్శకత్వం వహిస్తున్న సినిమా ఈ రోజు పూజతో మొదలైంది.

బాలకృష్ణ కొత్త సినిమా ఓపెనింగ్ ఫోటోలు

గాడ్ ఆఫ్ మాసెస్ నందమూరి బాలకృష్ణ కథానాయకుడిగా 'వీర సింహా రెడ్డి' వంటి సంచలన విజయం తర్వాత గోపీచంద్ మలినేని దర్శకత్వంలో కొత్తగా ఓ సినిమా మొదలైంది. వృద్ధి సినిమాస్ పతాకంపై నిర్మాత వెంకట సతీష్ కిలారు భారీ ఎత్తున నిర్మిస్తున్నారు. ఇవాళ పూజతో ఈ సినిమా మొదలైంది.

ముహూర్తపు సన్నివేశానికి బాలకృష్ణ హీరోగా పలు బ్లాక్‌ బస్టర్‌ సినిమాలు అందించిన దర్శకుడు బి గోపాల్ క్లాప్ కొట్టారు.

బాలయ్య చిన్న కుమార్తె తేజస్విని కెమెరా స్విచ్ ఆన్ చేశారు.

తొలి సన్నివేశానికి బోయపాటి శ్రీను, బాబీ, బుచ్చి బాబు సమిష్టిగా గౌరవ దర్శకత్వం వహించారు.

దర్శకుడు గోపీచంద్ మలినేని, నిర్మాత వెంకట సతీష్ కిలారుకు ఆంధ్రప్రదేశ్ మంత్రులు అనగాని సత్యప్రసాద్, గొట్టిపాటి రవికుమార్ స్క్రిప్ట్‌ అందజేశారు. 

బాలకృష్ణ - గోపీచంద్ మలినేని కలయికలోని ఈ తాజా సినిమా ప్రారంభోత్సవానికి పలువురు దర్శకులు, నిర్మాతలు, ప్రముఖులు హాజరు అయ్యారు.

బాలకృష్ణ పలు చిత్రాలకు అద్భుతమైన సంభాషణలు రాసిన సాయిమాధవ్ బుర్రా ఈ సినిమాకు పని చేస్తున్నట్లు తెలిసింది.

హిస్టారికల్ నేపథ్యంలో రూపొందుతున్న ఈ సినిమాలో బాలకృష్ణ సరసన నయనతార కథానాయికగా నటించనున్నారు. సింహ, జై సింహా, శ్రీ రామరాజ్యం తర్వాత వాళ్ళిద్దరి కలయికలో నాలుగవ చిత్రమిది.

బాలకృష్ణ కొత్త సినిమా ఓపెనింగ్ ఫోటోలు