Viswam Movie: గోపీచంద్ 'విశ్వం' నుంచి మరో వీడియో రెడీ - ఎప్పుడు రిలీజ్ చేస్తున్నారంటే?

Viswam Gopichand Movie: శ్రీను వైట్ల దర్శకత్వంలో మ్యాచో స్టార్ గోపీచంద్ నటిస్తున్న సినిమా 'విశ్వం'. ఆల్రెడీ 'ఫస్ట్ స్ట్రైక్' అని ఓ వీడియో విడుదల చేశారు. మరో వీడియో విడుదల చేయడానికి రెడీ అయ్యారు.

'విశ్వం' సినిమాలో గోపీచంద్

Date And Time Locked For The Journey Of Viswam Release: మ్యాచో స్టార్ గోపీచంద్ కథానాయకుడిగా శ్రీను వైట్ల దర్శకత్వం వహిస్తున్న సినిమా 'విశ్వం'. చిత్రాలయం స్టూడియోస్ అధినేత వేణు దోనేపూడి, పీపుల్ మీడియా ఫ్యాక్టరీ అధినేత టీజీ విశ్వప్రసాద్ సంయుక్తంగా నిర్మిస్తున్నారు. 'ఫస్ట్ స్ట్రైక్' పేరుతో ఓ వీడియో విడుదల చేశారు. ఇప్పుడు 'ద జర్నీ ఆఫ్ విశ్వం' పేరుతో మరో విడుదల చేయడానికి రెడీ అయ్యారు. అది ఎప్పుడు రిలీజ్ చేస్తున్నారంటే?

జూలై 31... అంటే ఈ బుధవారం ఉదయం 11.07 గంటలకు 'ది జర్నీ ఆఫ్ విశ్వం' విడుదల చేస్తామని చిత్ర బృందం తెలిపింది. ఇదొక యాక్షన్ ప్యాక్డ్ ఎంటర్టైనర్ అని, ఆ వరల్డ్ రేపు చూపిస్తామని చెప్పారు.

'విశ్వం' సినిమాలో గోపీచంద్ సరసన కావ్యా థాపర్ కథానాయికగా నటిస్తున్నారు. దీని కంటే ముందు రామ్ 'డబుల్ ఇస్మార్ట్' సినిమాతో ఆవిడ ప్రేక్షకుల ముందుకు రానున్నారు. 

గోపీచంద్ రీసెంట్ సినిమాలు ఏవీ బ్లాక్ బస్టర్స్ కాలేదు. మరో వైపు శ్రీను వైట్ల సైతం భారీ హిట్ అందుకోవాల్సిన పరిస్థితి ఉంది. అందుకని, ఇద్దరు ఈ సినిమా కోసం కష్టపడుతున్నారు. 

'ఫస్ట్ స్ట్రైక్'లో నార్త్ ఇండియన్ పెళ్లిలో అందరినీ గోపీచంద్ కాల్చడం... చివర్లో ఫుడ్ తింటూ 'ప్రతి మెతుకు మీద తినేవాడి పేరు రాసి ఉంటుంది' అని చెప్పడం... ఆ వీడియో హిట్ అయ్యింది. మరి, కొత్త వీడియో ఎలా ఉంటుందో?