Indian banks: మోసపోయిన సొమ్ము రూ.4.69 లక్షల కోట్లు! బ్యాంకుల రిపోర్ట్!

Indian banks: టెక్నాలజీ, సెక్యూరిటీ ఎంత పెంచినా బ్యాంకు మోసాలు జరుగుతూనే ఉన్నాయి. పదేళ్ల కాలంలో భారతీయ బ్యాంకులు మోసాల వల్ల ఎంత నష్టపోయాయో ఆర్టీఐ ద్వారా తెలిసింది.

బ్యాంకు మోసాలు

దేశవ్యాప్తంగా 2014-2023 మధ్య 65,017 బ్యాంకు మోసాలు జరిగాయని రిజర్వు బ్యాంక్‌ ఆఫ్ ఇండియా తెలిపింది. అజయ్‌ వాసుదేవ్‌ సమాచార హక్కు దరఖాస్తుకు జవాబు ఇచ్చింది.

ఈ పదేళ్ల కాలంలో మోసాల వల్ల బ్యాంకులు రూ.4.69 లక్షల కోట్ల వరకు నష్టపోయాయి. ఇవన్నీ ఒక లక్ష రూపాయాలకు మించి మోసపోయిన కేసులే.

చివరి మూడేళ్లలో ప్రైవేటు బ్యాంకుల్లో ఎక్కువగా ఫ్రాడ్‌ కేసులు కనిపించాయని ఆర్బీఐ వార్షిక నివేదిక 2022-23 తెలిపింది. అయితే ఎక్కువ సొమ్ము నష్టపోయింది మాత్రం ప్రభుత్వ రంగ బ్యాంకులే.

డిజిటల్‌ పేమెంట్లు, కార్డు/ఇంటర్నెట్‌ చెల్లింపుల మోసాలు ఎక్కువగా నమోదు అయ్యాయి. విలువ పరంగా చెప్పాలంటే రుణాల విభాగంలో అధిక మోసాలు జరిగాయి.

2020-21తో పోలిస్తే 2021-22లో బ్యాంకు మోసాల్లో ఇరుక్కున్న సొమ్ము భారీగా తగ్గింది. 55 శాతం తగ్గినట్టు ఆర్బీఐ తెలిపింది. ఇక 2021-22తో పోలిస్తే 2022-23లో ఇవి 49 శాతానికి తగ్గాయి.