In Pics: భద్రాచలంలో చంద్రబాబు పర్యటన, గత స్మృతులను గుర్తుకు తెచ్చుకున్న టీడీపీ అధినేత

తెలుగు దేశం పార్టీ అధినేత చంద్రబాబు శుక్రవారం భద్రాచలంలో పర్యటించారు. భద్రాద్రి రాములవారిని దర్శించుకున్న తర్వాత చంద్రబాబు తెలంగాణ తెలుగుదేశం నేతలతో సమావేశం అయ్యారు.

గోదావరి కరకట్ట వద్ద చంద్రబాబు పర్యటన

చంద్రబాబు భద్రాచలంలో గోదావరి కరకట్టను పరిశీలించారు.

20 ఏళ్ల క్రితం టీడీపీ ప్రభుత్వ హయాంలో కరకట్ట నిర్మాణం జరిగిందని గుర్తు చేసుకున్నారు.

మనం చేసే అభివృద్ధి, సామాజిక సేవ శాశ్వతంగా ఉండిపోతాయని, ముంపునకు గురైన ప్రాంతాలను పరిశీలిస్తున్నామని చెప్పారు.

చంద్రబాబు భద్రాద్రి రామయ్యను దర్శించుకున్నారు. ఆలయం వద్ద చంద్రబాబుకు ఈవో ఘనస్వాగతం పలికారు.

ఆలయంలో ప్రత్యేక పూజలు నిర్వహించారు. ఈవో శాలువాతో సత్కరించి ప్రసాదం అందించారు.

చంద్రబాబుతో పాటు టీడీపీ నేతలు చినరాజప్ప, దేవినేని ఉమామహేశ్వరరావు రామయ్యను దర్శించుకున్నారు.

చంద్రబాబును కలిసేందుకు టీడీపీ శ్రేణులు భారీగా తరలివచ్చారు.