Tirumala News: తిరుమల శ్రీవారి ఆలయం నుంచి సిరులతల్లికి సారె!

Tiruchanoor: తిరుచానూరు శ్రీ పద్మావతి అమ్మవారి బ్రహ్మోత్సవాల్లో చివరి రోజైన డిసెంబరు 06 శుక్రవారం పంచమి తీర్థం పుష్కరాన్ని పురస్కరించుకుని శ్రీవారి ఆలయం నుంచి సారె సమర్పించారు

Tirumala News

తిరుమల శ్రీవారి ఆలయం నుంచి సిరులతల్లి పద్మావతి అమ్మవారికి సారె సమర్పించారు.ఏటా పంచమితీర్థం రోజు తిరుమల నుంచి సారె తీసుకెళ్లడం ఆనవాయితీగా వస్తోంది.

శ్రీవారి ఆలయంలో వేకువజామున 2.30 నుంచి పరిమళాన్ని..విమాన ప్రాకారంలో ఊరేగింపు చేప‌ట్టారు. ఆ తర్వాత శ్రీవారి వక్షఃస్థల లక్ష్మీ అమ్మవారికి ఏకాంతంగా తిరుమంజనం నిర్వహించారు.

వేకువజామున 4.30 గంటలకు తిరుమల శ్రీవారి ఆలయం నుంచి పసుపు, కుంకుమ, ప్రసాదాలు, తులసి, వస్త్రాలు, ఆభరణాలతో కూడిన సారె ఊరేగింపు మొదలైంది.

అమ్మవారికి తీసెకళ్లే సారెను మాడ వీధుల్లో ఊరేగించి అనంతరం కాలినడకన తిరుమల నుంచి తిరుపతి అలిపిరి వద్దకు తీసుకెళ్లారు.

శ్రీ‌వారి ఆల‌యంలో జ‌రిగిన కార్య‌క్ర‌మంలో టీటీడీ చైర్మన్ బీ.ఆర్.నాయుడు, ఈవో శ్రీ జె.శ్యామలరావు, అదనపు ఈవో శ్రీ సి.హెచ్.వెంకయ్య చౌదరి పాల్గొన్నారు.