మార్గశిర పూర్ణిమ రోజు అన్నపూర్ణ జయంతి! ఈ వస్తువులను దానం చేస్తే జాతకంలో గ్రహదోషాలు తొలగిపోతాయి!

Annapurna Jayanti 2025: డిసెంబర్ 4 మార్గశిర పూర్ణిమ రోజు అన్నపూర్ణాదేవి జయంతి. ఈ రోజు గోధుమలు, బియ్యం, పప్పుధాన్యాలు సహా ఇవన్నీ దానం చేస్తే జాతకంలో గ్రహదోషాలు తొలగిపోతాయని చెబుతారు

అన్నపూర్ణ జయంతి 2025

మార్గశిర పూర్ణిమ రోజున దేవి అన్నపూర్ణ జయంతి జరుపుకుంటారు. ఈ తేదీన అమ్మ అన్నపూర్ణ అవతరించారని నమ్ముతారు. ఈ సంవత్సరం అన్నపూర్ణ జయంతి గురువారం డిసెంబర్ 4 2025 న వస్తుంది.

అన్నపూర్ణ జయంతి నాడు అమ్మవారిని పూజిస్తే ఇంట్లో ధాన్యం నిల్వలు ఎల్లప్పుడూ నిండి ఉంటాయని నమ్మకం. ఈ రోజున కొన్ని వస్తువులను దానం చేయడం శుభప్రదంగా భావిస్తారు.

అన్నపూర్ణ జయంతి నాడు బార్లీని దానం చేయడం వల్ల గురు గ్రహం శుభత్వం పెరుగుతుంది. అలాగే కెరీర్ సంబంధిత అడ్డంకులు కూడా తొలగిపోతాయి.

అన్నపూర్ణ జయంతి నాడు ఆవాలు దానం చేయడం కూడా శుభప్రదం. ఆవాల దానం చేయడం వలన జాతకంలో బలహీనంగా ఉన్న రాహువు బలపడతాడు.

గోధుమలను దానం చేయడం వల్ల సుఖసౌభాగ్యం పెరుగుతుంది . జాతకంలో సూర్య గ్రహం బలపడుతుంది. ఈ రోజున గోధుమలను దానం చేయడం వల్ల ఆత్మవిశ్వాసం, ప్రతిష్ట, ప్రభుత్వ పనులు , తండ్రికి సంబంధించిన విషయాలలో అభివృద్ధి కలుగుతుంది. జీవితంలో సానుకూల శక్తి పెరుగుతుంది.

మినుములు శని గ్రహానికి సంబంధించినవిగా పరిగణిస్తారు. అన్నపూర్ణ జయంతి నాడు మినుములను దానం చేయడం వల్ల శని బాధలు తగ్గుతాయి, అడ్డంకులు తొలగిపోతాయి .. పనిలో స్థిరత్వం వస్తుంది. జీవితంలో క్రమశిక్షణ, సహనం పెరుగుతుంది.

బియ్యాన్ని ధాన్యం సంపదకు చిహ్నంగా భావిస్తారు. అన్నపూర్ణ జయంతి నాడు ప్రత్యేకంగా బియ్యం దానం చేయాలి. దీనివల్ల ఇంటి వంటగది ఎప్పుడూ ఖాళీగా ఉండదు, సంపద కూడా పెరుగుతుంది.