UK : అమెరికాలో ఉద్యోగాల్లేవ్ - యూకే కూడా గేట్లు మూసేస్తోంది - యూత్ ఫారిన్ ఆశలు తీరవా ?

Foreign : అమెరికాకు చదువుకోవడానికి వెళ్లాలన్నా చాలా కష్టాలు పడాల్సి వస్తోంది. ఇప్పుడు యూకే కూడా గేట్లు మూసేస్తోంది. భారత యువతకు ఇక ఫారిన్ అంటే.. గల్ఫ్ దేశాలే అయ్యే పరిస్థితి కనిపిస్తోంది.

అమెరికాలో ఉద్యోగాల్లేవ్ - యూకే కూడా గేట్లు మూసేస్తోంది

UK taking steps to restrict employers ability to hire foreign workers : అమెరికా కాకపోతే కనీసం పాకిస్తాన్ అయిన వెళ్లురా అని ఓ సినిమా తండ్రి తన కుమారుడ్ని కోరకుంటాడు. ఎందుకంటే తన కొడుకు  ఫారిన్‌లో ఉన్నాడని చెప్పుకోవడానికి. అసలు ఫారిన్ అంటే అందరూ అమెరికా అనో.. లండన్ అనో అనుకుంటున్నారు. రాను రాను ఇలా ఫారిన్ వెళ్లే వాళ్లు పెరిగిపోవడంతో పాటు ఆయా దేశాల్లో ఆర్థిక పరమైన సమస్యలు కూడా పెరుగుతూండటంతో చాలా దేశాలు.. ఇతర దేశాల నుంచి తమ దేశంలో సంపాదించుకోవడానికి వచ్చే వారిని నియంత్రిస్తున్నాయి. తమ దేశంలో ఖర్చు పెట్టాలనుకుంటున్న వారిని మాత్రం  ఆహ్వానిస్తున్నాయి. 

అమెరికాలో ఉద్యోగాలు కష్టం - యూకేలోనూ గేట్లు మూసేసే ప్రయత్నాలు 

అమెరికాలో చదువుకోవడానికి వెళ్లే వారు లక్షల సంఖ్యలో ఉంటున్నారు. వారందరికీ ఇప్పుడు ఉద్యోగాలు రావడం లేదు. ఏదో ఒకటి బతికేయడానికి అవకాశం లేకండా చేశారు. H1b వీసా మీద అక్కడ ఉండాలంటే.. ఏడాదికి కనీసం కోటి రూపాయల జీతం సంపాదించే ఉద్యోగం సాధించాలి. లేకపోతే ఉండనివ్వరు. ఇప్పుడా ఉద్యోగాలు గగనం అవుతున్నాయి. అమెరిాక బాటలోనే యూకే కూడా ఇప్పుడు విదేశీయులు తమ దేశంలో ఉద్యోగం చేయడానికి రావాలంటే సంపాదించాల్సిన పరిమితిని పెంచాలని నిర్ణయించింది. 

వర్క్ వీసా  కావాలంటే యూకేలో ఆ ఉద్యోగం చేసే వారు దొరకకపోతేనే !                     

యూకేలో కొత్త ప్రభుత్వం ఏర్పడింది. వీసా , ఇమ్మిగ్రేషన్ నిబంధనలు మార్చాలని నిర్ణయించుకుంది. చాలా కంపెనీలు ప్రస్తుతం ఇన్న వీసా నిబంధనలను అనుకూలంగా మార్చుకుని అక్రమాలకు పాల్పడుతున్నాయన్న ఫిర్యాదులు ఉన్నాయి. మైగ్రాంట్ వర్కర్స్ విషయంలో చాలా కంపెనీలపై ఫిర్యాదులు వస్తున్నాయి. తక్కువ జీతాలకు వస్తారని చెప్పి బ్రిటన్ యువతకు దక్కాల్సిన ఉద్యోగాలను కూడా అక్రమంగా ఇతరులకు ఇస్తున్నారన్న ఆరోపణలతో ఇప్పటికే పలు దర్యాప్తులు జరుగుతున్నాయి. యూకేలో లభించని స్కిల్డ్ లేబర్ ను మాత్రమే ఇతర దేశాల నుంచి  రప్పించుకునేలా చేయడానికి కసరత్తు చేస్తున్నారు. 

వచ్చే మార్చి నుంచి అమల్లోకి  రానున్న కొత్త నిబంధనలు                                           

ప్రస్తుతం యూకేలో నివాసం ఉండేందుకు వీసా ఉండాలంటే కనీసం 26,200 పౌండ్లు నుంచి  38,700 పౌండ్ల వరకూ ఆదాయం వచ్చే ఉద్యోగం ఉండేలా నిబంధనలు రూపొందించేందుకు కసరత్తు చేస్తున్నారు. వచ్చే ఏడాది మే నుంచి కొత్త ఇమ్మిగ్రేషన్ విధానం అమల్లోకి వచ్చే అవకాశాలు ఉన్నాయి. అప్పట్నుంచి  యూకేకు ఉద్యోగాల కోసం వలస వచ్చే వారి సంఖ్య భారీగా తగ్గుతుదంని అంచనా వేస్తున్నారు. ఇప్పటికే యూకేలో భారతీయులు పెద్ద ఎత్తున నివసిస్తున్నారు.