Noida International Airport: ఆసియాలోనే అతిపెద్ద విమానాశ్రయానికి మోదీ శ్రీకారం.. ఆ రికార్డ్ యూపీదే!

ఆసియాలోనే అతిపెద్ద విమానాశ్రయానికి ప్రధాని నరేంద్ర మోదీ ఈరోజు భూమిపూజ చేశారు. ఉత్తర్‌ప్రదేశ్‌లో ఈ ఎయిర్‌పోర్టును నిర్మిస్తున్నారు.

ఆసియాలోనే అతిపెద్ద విమానాశ్రయానికి మోదీ శ్రీకారం.. ఆ రికార్డ్ యూపీదే!

ఉత్తర్‌ప్రదేశ్‌లో నిర్మించనున్న నోయిడా అంతర్జాతీయ విమానాశ్రయానికి ప్రధాని నరేంద్ర మోదీ ఈరోజు శంకుస్థాపన చేశారు. నిర్మాణం పూర్తయితే ఆసియాలోనే ఇది అతిపెద్ద విమానాశ్రయంగా రికార్డ్ సృష్టించనుంది.యూపీలోని గౌతమ బుద్ధ నగర్ జిల్లా జెవెర్ ప్రాంతంలో ఈ విమానాశ్రయాన్ని నిర్మిస్తున్నారు.

ఈ కార్యక్రమానికి ఉత్తర్‌ప్రదేశ్ ముఖ్యమంత్రి యోగి ఆదిత్యనాథ్, పౌర విమానయాన శాఖ మంత్రి జ్యోతిరాదిత్య సింధియా సహా పలువురు హాజరయ్యారు.

#WATCH | After laying foundation stone of Noida International Airport, PM Modi says, "For us, infrastructure is a matter of national building, not politics. Our endeavour is to complete infrastructure project within the stipulated time period."

(Source: DD) pic.twitter.com/i8HoY1crc3

— ANI UP (@ANINewsUP) November 25, 2021

" మా దృష్టిలో మౌలిక సదుపాయాల కల్పన అంటే దేశాన్ని నిర్మించడమే. నిర్ణీత సమయంలో అనుకున్నట్లుగా మౌలిక సదుపాయాలను కల్పించడం కోసమే మా తపన. 20 ఏళ్ల క్రిత ఇక్కడ అంతర్జాతీయ విమానాశ్రయాన్ని నిర్మించాలని భాజపా అనుకుంది. కానీ గత ప్రభుత్వాల వల్ల అది నెరవేరలేదు. ఈ ప్రాజెక్టును ఆపాలని గత ఉత్తర్‌ప్రదేశ్ ప్రభుత్వం లేఖ రాసినప్పటికీ.. ఇప్పుడు ఇక్కడ భూమి పూజ జరుగుతోంది. "

-                                                           ప్రధాని నరేంద్ర మోదీ

ప్రత్యేకతలు..

• భారీ వ్యయంతో ఈ విమానాశ్రయాన్ని నిర్మిస్తున్నారు. తొలి దశలో రూ. 10,050 కోట్లతో పనులు చేపట్టారు. పూర్తిగా ఎయిర్‌పోర్టు నిర్మించేందుకు దాదాపు రూ.34 నుంచి రూ.35 వేల కోట్లు ఖర్చు అయ్యే అవకాశం ఉంది.
• అత్యాధునిక హంగులతో ఎయిర్‌పోర్టును రూపొందిస్తున్నారు.
• ఏడాదికి 1.2 కోట్ల మంది ప్రయాణికులకు సేవలందించే సామర్థ్యంతో ఎయిర్‌పోర్టును నిర్మిస్తున్నారు.
• 1300 హెక్టార్ల విస్తీర్ణంలో నిర్మితమవుతోన్న ఈ విమానాశ్రయం ఆసియాలో అతిపెద్ద ఎయిర్‌పోర్ట్ కానుంది.
• దిల్లీ-ఎన్‌సీఆర్ ప్రాంతంలో ఇది రెండో అతిపెద్ద అంతర్జాతీయ విమానాశ్రయం కానుంది. 
• ఈ విమానాశ్రయం నిర్మాణమైతే దేశంలోనే ఐదు ఇంటర్నేషనల్ ఎయిర్‌పోర్టులు ఉన్న ఏకైక రాష్ట్రంగా యూపీ అవతరించనుంది.
• 2024 సెప్టెంబర్, అక్టోబర్ నాటికి దీనిని అందుబాటులోకి తీసుకురావాలని ప్రభుత్వం ప్రయత్నిస్తోంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి