(Source: ECI/ABP News)
PM Modi Podcast : నా సామర్థ్యాన్ని పూర్తిగా వినియోగించుకోలేదు - తొలి పాడ్కాస్ట్లో ప్రధాని మోదీ
Narendra Modi : ప్రధాని మోదీ తన రిస్క్ తీసుకునే సామర్థ్యాన్ని ఇంకా పూర్తిగా వినియోగించుకోలేదని అన్నారు. తనకు రిస్క్ తీసుకునే సామర్థ్యం చాలా రెట్లు ఎక్కువ అని తెలిపారు.
PM Modi : ప్రధాన మంత్రి నరేంద్ర మోదీ స్టాక్ ట్రేడింగ్ యాప్ జెరోధా వ్యవస్థాపకుడు నిఖిల్ కామత్ తో కలిసి పాడ్కాస్ట్ల ప్రపంచంలోకి ప్రవేశించారు. ఈ పాడ్కాస్ట్లో ప్రధాని మోదీ తన జీవితంలోని అనేక అంశాల గురించి వివరంగా మాట్లాడారు. ఈ సందర్భంగా ప్రధాని మోదీ తన రిస్క్ తీసుకునే సామర్థ్యాన్ని ఇంకా పూర్తిగా వినియోగించుకోలేదని అన్నారు. తనకు రిస్క్ తీసుకునే సామర్థ్యం చాలా రెట్లు ఎక్కువ అని తెలిపారు. దీనికి కారణాన్ని కూడా ప్రధాని మోదీ వివరించారు. తన బాల్యంలో చాలా షాక్లను చూశానని ప్రధాని మోదీ అన్నారు. "నేను ప్రాథమిక పాఠశాలలో చదువుతున్నాను అనుకుంటా నాకు సరిగ్గా గుర్తు లేదు. మా రాష్ట్రంలో సైనిక్ స్కూల్ ప్రారంభమైంది. నాకు వార్తాపత్రికలు చదివే అలవాటు ఉండేది. నేను ప్రకటనలు కూడా చదివేవాడిని. మా ఊరిలో ఒక లైబ్రరీ ఉండేది. నేను అక్కడికి వెళ్లేవాడిని. ఈ సైనిక్ స్కూల్ గురించి చదివేవాడిని. దాని గురించి ప్రతిదీ ఒకటి లేదా ఒకటిన్నర రూపాయలకు పార్శిళ్లలో దొరికేది. రాస్బిహారి మణియార్ అనే ప్రిన్సిపాల్ ఉండేవారు. తను మా ఇంటికి కొన్ని మీటర్ల దూరంలో నివసించాడు. ఒక రోజు నేను అతని ఇంటికి ఒక పార్శిల్ తీసుకొని వెళ్లి, నాకు ఇది అర్థం కాలేదు, దయచేసి దాని గురించి చెప్పమని అడిగాను. తను చాలా దయగలవారు అన్నారు. ఇది సైనిక పాఠశాల అని, దీనికి పరీక్ష, ఇంటర్వ్యూ ఉంటుంది.’’ అని చెప్పారు.
సైనిక్ స్కూల్ లో చేరలేకపోయా
ఇదంతా తన తండ్రికి చెప్పానని ప్రధాని మోదీ అన్నారు. అప్పుడు ఆయన నా దగ్గర డబ్బులు లేవు మన ఊర్లోనే ఉండాలని చెప్పారు. ఆ సమయంలో మోదీ గ్రామంలో సైనిక్ స్కూల్ గురించి చర్చ జరిగిందట. అది చాలా పెద్ద విషయం. ఇది నాకు ఎదురుదెబ్బ లాంటిది. దానిని సాధించుకోలేనని అనిపించింది. ఒక సాధువు జీవితాన్ని గడపాలనే కోరిక తనకు ఉందని ప్రధాని మోదీ గుర్తుకు తెచ్చుకున్నారు. మొదటి ప్రయత్నం రామకృష్ణ మిషన్లో చేరాలనుకున్నాను. కానీ రామకృష్ణ మిషన్కు కొన్ని నియమాలు ఉన్నాయి. వాటలో సరిపోలేకపోవడంలో చేరలేకపోయానన్నారు. కానీ నిరాశ చెందలేదన్నారు. ప్రధానమంత్రి మోదీ, నిఖిల్ కామత్ తో కలిసి సాధువులు, సన్యాసుల కోసం వెతుకుతూ ఇలాగే తిరుగుతూనే ఉన్నానని అన్నారు. అక్కడ కూడా నాకు విజయం దక్కలేదు. జీవితంలో ఎదురుదెబ్బలు ప్రతి ఒక్కరికీ తప్పకుండా తగులుతాయన్నారు.
కంఫర్ట్ జోన్ వదిలేయాలి
జీవితం అనుభవాలతో సుసంపన్నం అవుతుందని తాను నమ్ముతానన్నారు ప్రధానమంత్రి మోదీ. తాను ఎప్పుడూ తన కంఫర్ట్ జోన్ కు దూరంగానే ఉండేవాడినని ఆయన అన్నారు. మీ కంఫర్ట్ జోన్లో జీవించాల్సిన అవసరం లేదని అనుకోవడానికి ఏదైనా కారణం ఉందా అని నిఖిల్ కామత్ ప్రధాని మోదీని అడిగారు. దీనిపై ప్రధాని మోదీ నవ్వుతూ తాను సుఖానికి అనర్హుడినని తెలిపారు. చాలా మంది జీవితంలో విఫలమవుతారు ఎందుకంటే వారు తమ కంఫర్ట్ జోన్కు అలవాటు పడ్డారు. ఒక పెద్ద పారిశ్రామికవేత్త కూడా, రిస్క్ తీసుకోకపోతే, తన కంఫర్ట్ జోన్ నుండి బయటకు రాకపోతే కాలక్రమేణా నశించిపోతాడు. జీవితంలోని ఏ రంగంలోనైనా పురోగతి సాధించాలనుకునే ఎవరైనా తమ కంఫర్ట్ జోన్ నుండి బయటకు రావాలి. రిస్క్ తీసుకోవాలనే మనస్తత్వం ఎల్లప్పుడూ వారిని విజయపథం వైపు నడిపిస్తుందని మోదీ పాడ్ కాస్టులో తెలిపారు. కాలంతో పాటు రిస్క్ తీసుకునే సామర్థ్యం పెరుగుతుందా అని నిఖిల్ కామత్ ప్రధానమంత్రిని అడిగారు. దీనిపై ప్రధానమంత్రి మోడీ మాట్లాడుతూ, "నా రిస్క్ తీసుకునే సామర్థ్యం ఇంకా పూర్తిగా వినియోగించబడలేదని నేను భావిస్తున్నాను. నా రిస్క్ తీసుకునే సామర్థ్యం చాలా రెట్లు పెరుగుతుంది. నేను నా గురించి ఆలోచించలేదు. తనకోసం ఆలోచించని వ్యక్తికి అపారమైన రిస్క్ తీసుకునే సామర్థ్యం ఉంటుంది. ’’అన్నారు.
నేనేం దేవుడిని కాదు
మోదీ తన జీవితంలోని మూడు ప్రధాన విషయాలను పాడ్ కాస్ట్ లో పంచుకున్నారు. "నా ప్రయత్నాలలో నేను ఎటువంటి అవకాశాన్ని వదిలిపెట్టను''. "నా కోసం నేను ఏమీ చేసుకోను''. "నేను మనిషిని, నేను తప్పులు చేయవచ్చు, కానీ చెడు ఉద్దేశంతో అలా చేయను." తన తప్పులను స్వీకరించడం గురించి ఆయన మాట్లాడుతూ "తప్పులు చేయడం సహజం, ఎందుకంటే నేను మనిషిని, దేవుడిని కాదు. కానీ నేను ఉద్దేశపూర్వకంగా తప్పు చేయను. ఇది తన మానవత్వాన్ని, నిజాయితీని ప్రతిబింబిస్తుందని చెప్పవచ్చు.’’ అన్నారు.
టాప్ హెడ్ లైన్స్
ట్రెండింగ్ వార్తలు
